Doˆ-iˇ 21:6 - Akha

⁶ yaw sahˇ gʼaˬ, zaˬ kʼaˆ kʼoeˇ gʼaˬ-ahˇ uˬ duˬ tahˬ-eu jawˇ duˬ-ahˇ ya sheuˬ gʼeh meh. Kʼoeˇ gaˇ, yaw sahˇ gʼaˬ gʼoˆ kʼehˬ mehˬ shi bi yawꞈ-awˇ, zaˬ kʼaˆ kʼoeˇ gʼaˬ-ahˇ naˬ bawˇ naˬ tahˇ ya tahˇ nehˬ meh. Kʼoeˇ naˇ, zaˬ kʼaˆ kʼoeˇ gʼaˬ maˬ shiˇ tiˬ ziˇ aˬ yawꞈ-euˬ zaˬ kʼaˆ ya geuꞈ meh.

Doˆ-iˇ 21:6 ပူးပေါင်းရင်းမြစ်များ

1 Sahˬpaˬ 12:7

Aˬ yawꞈ maꞈ ehˇ-eu, “Tsawˇ haˬ kʼoeˇ deuˬ-ahˇ nawˇ yaw muiˬ paˬ-ehˇ haw nehˬ pyaˆ nehˬ mawꞈ te lehˇ ngeuˇ naˇ, aˬ yawꞈ maꞈ shaˇ laˇ-euˬ jeˬ-ahˇ yaw muiˬ paˬ-ehˇ shaˇ noeˬ nehˬ-eu tsaˬ tehꞈ-a. Kʼoeˇ loꞈ-ehˇ shaˇ noeˬ nehˬ naˇ, aˬ myah luꞈ aˬ yawꞈ maꞈ nawˬ-ahˇ saˇ jaˇ ziꞈ tehꞈ-a.”

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 21:22

“Tsawˇ haˬ tiˬ deuˬ na dawꞈ ngeh ceh ngeh, aˬ nyiˇ pi luꞈ-eu zaˬ miˬ zaˬ tiˬ gʼaˬ na-ahˇ laˆ tahˬ-eu laꞈ kʼoeˇ, zaˬ dzeh-eu kʼawꞈ, zaˬ mi zaˬ kʼoeˇ gʼaˬ-ahˇ nui gaˇ laˆ zaw-euˬ maˬ jaˆ naˇ, laˆ tahˬ laˆ naˇ nehˬ-euˬ tsawˇ haˬ kʼoeˇ gʼaˬ, zaˬ mi zaˬ kʼoeˇ gʼaˬ-euˬ kʼaˬ dzeˇ zaˬ gʼaˬ kʼaˇ shaˇ-eu myaˆ ni, yaˇ kʼaˬ daˇ-eu deuˬ neh guiˇ oꞈ tiꞈ nehꞈ-eu loꞈ-ehˇ ya doˆ meh.

Doˆ-iˇ 21:5

Ehˇ kʼawꞈ, zaˬ kʼaˆ kʼoeˇ gʼaˬ aˬ yawꞈ-euˬ yaw sahˇ gʼaˬ hawˇ-eu, aˬ yawꞈ-euˬ miˬ sawˇ zaˬ-ahˇ maˬ byehˇ coeˇ-eu miˇ neh, maˬ gʼoꞈ-iˇ mawꞈ naˇ,

Doˆ-iˇ 21:7

“Tsawˇ haˬ tiˬ gʼaˬ na, yawˬ ha-euˬ aˬ buˇ-ahˇ, zaˬ kʼaˆ bi geuꞈ-eu gʼaˇ duˬ ahˬ dzaˬ naˇ, zaˬ miˬ zaˬ zaˬ kʼaˆ kʼoeˇ gʼaˬ-ahˇ, kʼaˬ dzeˇ zaˬ zaˬ kʼaˆ tiˬ gʼaˬ-ahˇ pyehˬ nehˬ-eu loꞈ-ehˇ maˬ ya pyehˬ nehˬ-a.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Iˇsaˬyaˇ 1:26

Aˇ hu-euˬ sahˬ paˬ sahˬ ma-ahˇ duˇ-eu sahˬ paˬ sahˬ ma deuˬ, nawˬ-ahˇ ngaˇ biꞈ paˇ ma. Kʼoeˇ ngeh jawˇ Yeˬluˇsaˬlehˬ meuˬ-oˇ nawˬ-ahˇ, yaw tsaˬ yaw dawˇ-euˬ meuˬ lehˇ kuˇ-awˇ, saˇ jaˇ ziꞈ-eu meuˬ nga lehˇ aˬ cawˬ ehˇ tehꞈ-a.”

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

Uˬ duˬ 25:40

Juˬbiˬliˬ Aˇ kʼoꞈ maˬ keuˆ le kʼoeˇ keuˆ ni, nawˬ nehˬ-ehˇ aˬ yawꞈ jawˇ-awˇ, gʼaˬ mahˇ mahˇ dzaˬ-eu tsawˇ haˬ tiˬ gʼaˬ loꞈ-ehˇ nawˬ-euˬ gaˇ aˬ yawꞈ ya mˇ tehꞈ-a.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Dawˬmehˬ 1:16

“Kʼoeˇ ngeh, aˬ yawꞈ maꞈ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. Naw maꞈ-euˬ tsawˇ haˬ deuˬ laꞈ kʼoeˇ dawˬ ja kʼaˇ doˆ laˇ ngeh, yaw muiˬ paˬ-ehˇ naˇ haˬ-awˇ, naw maꞈ-euˬ tsawˇ haˬ yaw kaˬ-ahˇ tehꞈ-ehˇ dawˬ ja doˆ laˇ-euˬ maˬ kaˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ nehˬ-ehˇ dawˬ ja doˆ laˇ-euˬ maˬ kaˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ nehˬ-awˬ.

Dawˬmehˬ 15:16

“Ehˇ kʼawꞈ, nawˬ-euˬ zaˬ kʼaˆ nawˬ-ahˇ maˬ gʼawˬ-iˇ mawꞈ-ehˇ, nawˇ hawˇ-eu nawˬ-euˬ miˬ sawˇ zaˬ deuˬ kʼoeˇ taˆ nui gaˬ ahˇ-eu laꞈ kʼoeˇ, nawˬ nehˬ-ehˇ jawˇ mawꞈ naˇ,

Dawˬmehˬ 15:17

nawˬ-euˬ nymˇ gʼoˆ kʼehˬ-ahˇ aˬ yawꞈ-ahˇ sheuˬ gʼeh-awˇ, naˬ bawˇ naˬ tahˇ tahˇ nehˬ-awˇ, maˬ shiˇ tiˬ ziˇ nawˬ-eu zaˬ kʼaˆ bi geuꞈ-awˬ. Zaˬ miˬ zaˬ zaˬ kʼaˆ deuˬ-ahˇ kʼawꞈ, kʼoeˇ loꞈ-ehˇ jahˇ nehˬ-awˬ.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

1 Saˬmeuˬlaˆ 1:22

Ehˇ kʼawꞈ, kʼoeˇ poˆ jawˇ Haˬnahˬ gʼaˬ maˬ caw teh leˇ ni jawˇ yaꞈ-euˬ meh. “Aˬ li aˬ coeˇ byehˇ-eu nehˬ-ehˇ Sahˬpaˬ Miˬyehˇ-euˬ nymˇ-ahˇ ciˬ gʼeh-awˇ aˬ yawꞈ-euˬ tiˬ ziˇ kʼoeˇ gaˇ bi jawˇ ma” lehˇ, aˬ yawꞈ-euˬ kʼaˬ dzeˇ zaˬ-ahˇ aˬ yawꞈ ehˇ nehˬ-euˬ meh.

1 Saˬmeuˬlaˆ 27:12

Aˬkiˇ-euˬ nui ma laꞈ kʼoeˇ, “Daˬbiˇ-euˬ tsawˇ jeuˬ Iˇsaˬleˬlaˆ tsawˇ haˬ deuˬ Daˬbiˇ-ahˇ bye dui dui-eu miˇ neh, maˬ shiˇ tiˬ ziˇ ngaˬ-euˬ zaˬ kʼaˆ aˬ yawꞈ ya geuꞈ-eu ngaˇ” lehˇ noeˬ-awˇ, Daˬbiˇ-ahˇ jah dui dui-euˬ meh.

1 Saˬmeuˬlaˆ 28:2

Daˬbiˇ ehˇ-eu, “Ngeuˇ tehꞈ-a. Ngaˇ nawˬ-euˬ zaˬ kʼaˆ ma. Ngaˇ guiˇ aˇ naˆ ni deuˆ nya-eu nawˇ ya mawˇ duˬ tehꞈ-a.” Aˬkiˇ ehˇ-eu, “Muiˬ tehꞈ-a. Nawˬ-ahˇ aˬ myah luꞈ ngaˬ-euˬ gʼawˇ mawˇ-ahˇ loꞈ piˇ-eu gʼaˬ bi geuꞈ ma.”