Doˆ-iˇ 21:36 - Akha

³⁶ Ehˇ kʼawꞈ, mawˇ neˇ kʼoeˇ mawˇ-aˬ, dzeuˇ laˇ ngeh aˬ cawˬ-ahˇ tahˬ haw-euˬ mawˇ neˇ yaw gʼeh tiˬ mawˇ pyeuꞈ-awˇ, yaw sahˇ gʼaˬ maˬ paꞈ ni pyehˬ taˬ-awˇ bi tahˬ sehꞈ-euˬ jeˬ pyeuꞈ naˇ, aˬ yawꞈ-euˬ mawˇ neˇ mawˇ gaw kʼoeˇ mawˇ aˬ cawˬ-ahˇ ya tsahˇ nehˬ-awˇ, aˬ cawˬ-euˬ mawˇ neˇ yaw shiˇ kʼoeˇ mawˇ aˬ yawꞈ ya geuꞈ meh.

Doˆ-iˇ 21:36 ပူးပေါင်းရင်းမြစ်များ

Doˆ-iˇ 21:29

Ehˇ kʼawꞈ, mawˇ neˇ kʼoeˇ mawˇ dzeuˇ laˇ ngeh tsawˇ haˬ-ahˇ tahˬ-euˬ jaˆ-awˇ, yaw sahˇ gʼaˬ-ahˇ ehˇ nehˬ-euˬ kʼawꞈ, maˬ paꞈ ni pyehˬ taˬ-awˇ, tsawˇ haˬ-ahˇ paˇ tahˬ sehꞈ-euˬ jeˬ pyeuꞈ naˇ, mawˇ neˇ kʼoeˇ mawˇ-ahˇ kʼaˬ lo neh biˬ sehꞈ-awˇ, yaw sahˇ gʼaˬ kʼawꞈ, sehꞈ nehˬ gaˇ ya daˬ tehꞈ-a.

Doˆ-iˇ 21:35

Tsawˇ haˬ tiˬ gʼaˬ-euˬ mawˇ neˇ mawˇ gaw neh, yawˬ gʼaˬ yawˬ-euˬ mawˇ neˇ mawˇ gaw tahˬ sehꞈ naˇ, yaw dehꞈ mawˇ-ahˇ ahˬ-awˇ, za-euˬ aˇ poeˬ aˬ yawꞈ nyaꞈ tiˬ kawˆ loꞈ-ehˇ ya biˇ geuꞈ meh. Shiˇ-euˬ mawˇ kʼawꞈ pyaˆ-awˇ, tiˬ kawˆ loꞈ-ehˇ ya biˇ dzaˬ meh.

Doˆ-iˇ 22:1

“Tsawˇ haˬ tiˬ gʼaˬ na, mawˇ neˇ maˬ kaˬ, yawˇ maˬ kaˬ, tiˬ mawˇ na kʼoeˬ-awˇ, sehꞈ dzaˬ-euˬ maˬ ehˇ, ahˬ dzaˬ-euˬ maˬ ehˇ, mawˇ neˇ tiˬ mawˇ gʼaˇ duˬ mawˇ neˇ ngaˬ mawˇ ya tsoeˬ kʼoꞈ nehˬ-awˇ, yawˇ tiˬ mawˇ gʼaˇ duˬ yawˇ oeˬ mawˇ ya tsoeˬ kʼoꞈ nehˬ meh.

Uˬ duˬ 24:18

Aˬ cawˬ-euˬ jeˬ zaˬ sehꞈ-eu tsawˇ haˬ-aˬ, aˬ cawˬ-ahˇ paˇ ya tsoeˬ kʼoꞈ nehˬ tehꞈ-a. Saꞈ laˇ-ahˇ laˆ deuˬ naˇ, saꞈ laˇ paˇ ya biꞈ tsoeˬ tehꞈ-a.