Doˆ-iˇ 21:29 - Akha

²⁹ Ehˇ kʼawꞈ, mawˇ neˇ kʼoeˇ mawˇ dzeuˇ laˇ ngeh tsawˇ haˬ-ahˇ tahˬ-euˬ jaˆ-awˇ, yaw sahˇ gʼaˬ-ahˇ ehˇ nehˬ-euˬ kʼawꞈ, maˬ paꞈ ni pyehˬ taˬ-awˇ, tsawˇ haˬ-ahˇ paˇ tahˬ sehꞈ-euˬ jeˬ pyeuꞈ naˇ, mawˇ neˇ kʼoeˇ mawˇ-ahˇ kʼaˬ lo neh biˬ sehꞈ-awˇ, yaw sahˇ gʼaˬ kʼawꞈ, sehꞈ nehˬ gaˇ ya daˬ tehꞈ-a.

Doˆ-iˇ 21:29 ပူးပေါင်းရင်းမြစ်များ

Aˇ dahˬ 9:5

Tsawˇ haˬ-ahˇ sehꞈ-eu tsawˇ haˬ-aˬ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a. Tsawˇ haˬ-ahˇ laˆ sehꞈ-eu jeˬ zaˬ aˬ geu mawˇ maˬ kaˬ, shiˇ gaˇ keuˆ ni ngaˬ neh kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

Doˆ-iˇ 21:28

“Mawˇ neˇ mawˇ gaw tiˬ mawˇ tsawˇ haˬ tiˬ gʼaˬ-ahˇ tahˬ sehꞈ naˇ, mawˇ neˇ kʼoeˇ mawˇ-ahˇ kʼaˬ lo neh ya biˬ sehꞈ-awˇ, mawˇ neˇ kʼoeˇ mawˇ-euˬ shaˬ jiˇ maˬ ya dzaˬ-a. Mawˇ neˇ-euˬ yaw sahˇ gʼaˬ-ahˇ maˬ ya kʼehˬ nehˬ-a.

Doˆ-iˇ 21:30

Ehˇ kʼawꞈ, yaw sahˇ gʼaˬ maˬ shiˇ mawꞈ-eu miˇ neh, guiˇ oꞈ doˆ naˇ, kʼaˇ shaˇ-eu myaˆ ni ya doˆ tehꞈ-a.

Doˆ-iˇ 21:36

Ehˇ kʼawꞈ, mawˇ neˇ kʼoeˇ mawˇ-aˬ, dzeuˇ laˇ ngeh aˬ cawˬ-ahˇ tahˬ haw-euˬ mawˇ neˇ yaw gʼeh tiˬ mawˇ pyeuꞈ-awˇ, yaw sahˇ gʼaˬ maˬ paꞈ ni pyehˬ taˬ-awˇ bi tahˬ sehꞈ-euˬ jeˬ pyeuꞈ naˇ, aˬ yawꞈ-euˬ mawˇ neˇ mawˇ gaw kʼoeˇ mawˇ aˬ cawˬ-ahˇ ya tsahˇ nehˬ-awˇ, aˬ cawˬ-euˬ mawˇ neˇ yaw shiˇ kʼoeˇ mawˇ aˬ yawꞈ ya geuꞈ meh.