Doˆ-iˇ 21:1 - Akha

¹ “Zahˇ sahˇ kʼoꞈ heu deuˬ, Iˇsaˬleˬlaˆ tsawˇ haˬ deuˬ-ahˇ biꞈ nehˬ-awˬ.

Doˆ-iˇ 21:1 ပူးပေါင်းရင်းမြစ်များ

1 Sahˬpaˬ 6:12

“Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ nawˇ caw teh-awˇ, ngaˬ-euˬ ehˇ dawˬ-ahˇ naˇ haˬ geuꞈ naˇ, nawˬ da Daˬbiˇ-ahˇ ngaˬ neh saˇ jaˇ dzaˬ taˬ-euˬ jeˬ, nawˬ-euˬ kʼoeˇ taˆ ngaˇ bi keuˆ le ma.

2 Laˬsaˬbaˬ 19:10

Meuˬ nui deuˬ-ahˇ jawˇ luꞈ-eu naw maꞈ-euˬ miˇ kʼahˬ zaˬ deuˬ, tsawˇ haˬ sehꞈ-euˬ maˬ ehˇ, miˇ kʼahˬ zahˇ sahˇ kʼoꞈ-ahˇ mˇ bahˬ-euˬ maˬ ehˇ, zahˇ dawˬ kʼoꞈ dawˬ-ahˇ mˇ bahˬ-euˬ maˬ ehˇ, kʼoeˇ loꞈ-ehˇ gʼeh-eu gaˇ kawˆ doˆ laˇ-awˇ naw maꞈ jawˇ gaˇ laˇ keuˆ ngeh, aˬ yawꞈ maꞈ-ahˇ yaˇ kʼaˬ daˇ nehˬ-eu aˇ yamˬ laꞈ kʼoeˇ Sahˬpaˬ Miˬyehˇ-ahˇ maˬ ya mˇ bahˬ-eu gʼaˇ duˬ, aˬ joˆ-ehˇ ya ngehˬ ya tmˇ-awˇ, aˬ joˆ-ehˇ ya dehꞈ-eu gaˇ kawˆ deuˬ, aˬ yawꞈ maꞈ-ahˇ yaw muiˬ paˬ-ehˇ mehˬ nehˬ tsoˆ nehˬ-awˬ. Naw maꞈ kʼoeˇ loꞈ-ehˇ maˬ mehˬ maˬ tsoˆ nehˬ naˇ, naw maꞈ hawˇ-eu naw maꞈ-euˬ miˇ kʼahˬ zaˬ kʼoeˇ deuˬ kʼoeˇ taˆ, Sahˬpaˬ Miˬyehˇ nui ma pehˇ-eu jeˬ keuˆ le tehꞈ-a. Ehˇ kʼawꞈ, kʼoeˇ loꞈ-ehˇ mehˬ nehˬ tsoˆ nehˬ naˇ, naw maꞈ iˬ baˇ maˬ ahˇ-a.

Neˬhaˬmiˇ 10:29

nga maꞈ-euˬ aˬ yuiꞈ aˬ tsu deuˬ nehˬ-ehˇ tiˬ kawˆ loꞈ-ehˇ heu loꞈ-ehˇ saˇ jaˇ dzaˬ-euˬ ma. Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ gʼoe-awˇ biꞈ laꞈ-euˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu gʼaˇ duˬ maˬ ehˇ, Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ jeˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ-ahˇ aˬ myah luꞈ caw teh-awˇ dehꞈ-eu gʼaˇ duˬ maˬ ehˇ, nga maꞈ saˇ jaˇ dzaˬ-awˇ, kʼoeˇ loꞈ-ehˇ maˬ mˇ naˇ, kʼehˬ-eu kʼaˆ-eu jeˬ nga maꞈ-euˬ kʼoeˇ taˆ bi keuˆ le ma lehˇ kamˬ tsehˆ-euˬ ma.

Jaceuq 147:19

Yaˬkoˆ-ahˇ aˬ yawꞈ-euˬ dawˬ biꞈ nehˬ-awˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ, Iˇsaˬleˬlaˆ tsawˇ haˬ deuˬ-ahˇ biꞈ nehˬ-euˬ meh.

Doˆ-iˇ 19:7

Kʼoeˇ naˇ, Moˇseˬ-aˬ, gawˬ jawˬ kʼoeˇ taˆ neh zaꞈ ka le-awˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, Sahˬpaˬ Miˬyehˇ neh aˬ yawꞈ maꞈ-ahˇ kʼaˇ ehˇ nehˬ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ nehˬ-euˬ meh.

Yeˬsaˬgeˬlaˇ 20:11

Aˬ yawꞈ maꞈ-ahˇ ngaˬ-euˬ dawˬ biꞈ-awˇ, ngaˬ-euˬ zahˇ dawˬ kʼoꞈ dawˬ mehˬ nehˬ tsoˆ nehˬ-euˬ ma. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh.

Yeˬsaˬgeˬlaˇ 20:25

“Kʼoeˇ naˇ, maˬ muiˬ-eu zahˇ dawˬ kʼoꞈ dawˬ hawˇ-eu, yaw dehꞈ maˬ bi dehꞈ-eu dawˬ deuˬ, aˬ yawꞈ maꞈ-ahˇ ngaˇ biꞈ-euˬ ma.

Uˬ duˬ 18:26

Naw maꞈ Iˇsaˬleˬlaˆ tsawˇ haˬ deuˬ maˬ ehˇ, naw maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, jawꞈ dui dui-eu gaˇ heu deuˬ maˬ mˇ ni, Sahˬpaˬ Miˬyehˇ-euˬ zahˇ dawˬ kʼoꞈ dawˬ hawˇ-eu, mehˬ nehˬ tsoˆ nehˬ-eu jeˬ-ahˇ naˇ haˬ geuꞈ-awˬ.

Uˬ duˬ 18:5

Naw maꞈ-ahˇ ngaˇ biꞈ taꞈ-euˬ zahˇ dawˬ kʼoꞈ dawˬ deuˬ-ahˇ caw teh-awˇ yaw dehꞈ dehꞈ-awˬ. Kʼoeˇ loꞈ-ehˇ jahˇ naˇ, naw maꞈ yaw dehꞈ ya dehꞈ tehꞈ-a. Ngaˇ-aˬ Sahˬpaˬ Miˬyehˇ ma.”

Uˬ duˬ 19:37

Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ hawˇ-eu, ngaˬ neh dawˬ kʼaˇ biꞈ taˬ-euˬ dawˬ tawˆ luꞈ-ahˇ naˇ haˬ geuꞈ-awˬ. Ngaˇ-aˬ, Sahˬpaˬ Miˬyehˇ ma.”

Uˬ duˬ 20:22

Sahˬpaˬ Miˬyehˇ ehˇ-eu, “Naw maꞈ-ahˇ ngaˇ sheuˬ uˇ gʼeh-eu lehˇ gʼeh-eu Kaˬnaˬ miˇ kʼahˬ kʼoeˇ, naw maꞈ-ahˇ uˬ pehꞈ maˬ ya pehꞈ doˆ dzeh-eu gʼaˇ duˬ, ngaˬ-euˬ zahˇ dawˬ kʼoꞈ dawˬ deuˬ hawˇ-eu, ngaˬ neh biꞈ taˬ-euˬ dawˬ deuˬ dawˬ tawˆ luꞈ-ahˇ naˇ haˬ geuꞈ-awˬ.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Bawˇtsahˬ 35:24

Kʼoeˇ loꞈ-ehˇ pyeuꞈ laˇ ngeh, aˬ cawˬ-ahˇ laꞈ poˆ paˇ poˆ mawꞈ-eu shiˇ dzeuˇ-euˬ gʼaˬ-ahˇ aˬ yuiꞈ aˬ nyiˇ peh dzehˬ-eu gʼaˬ jawˇ paw, miˇ kʼahˬ zaˬ deuˬ maˬ pyawˬ ni, maˬ yehꞈ maˇ yehꞈ-ehˇ aˬ cawˬ-ahˇ laˆ tahˬ-awˇ bi shiˇ-euˬ gʼaˬ jawˇ paw pyawˬ-awˇ yaˇ kʼaˬ ya daˇ meh.

Bawˇtsahˬ 36:13

Heu-aˬ, Yeˬliˇkoˇ meuˬ kʼoeˇ paw paˆ, Yawˇdaˬ lawˇ baˬ nui baˬ paw jaˆ-eu Mawˇbaˆ miˇ kʼahˬ deh ga laꞈ kʼoeˇ, Moˇseˬ-ahˇ gʼoe-awˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ pyeuꞈ-eu meh.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Dawˬmehˬ 15:12

“Naw maꞈ-euˬ tsawˇ jeuˬ Iˇsaˬleˬlaˆ tsawˇ haˬ kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, nawˬ-euˬ zaˬ kʼaˆ geuꞈ-eu gʼaˇ duˬ yawˬ haˇ yawˬ ha ahˬ dzaˬ naˇ, nawˬ-euˬ zaˬ kʼaˆ koꞈ kʼoꞈ geuꞈ gʼaˬ ngeh, aˬ yawꞈ-ahˇ ya pyehˬ nehˬ meh. Shiꞈ kʼoꞈ tiˬ kʼoꞈ keuˆ laˇ ngeh, aˬ yawꞈ-ahˇ pyehˬ nehˬ-awˇ ya bi gʼoꞈ-iˇ meh.

Dawˬmehˬ 4:14

Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ naw maꞈ ya caw teh-eu zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ mehˬ nehˬ-awˬ lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Dawˬmehˬ 4:45

Iˇjiˇtuˆ miˇ kʼahˬ laꞈ kʼoeˇ neh aˬ yawꞈ maꞈ doˆ laˇ-awˇ, Behˬpyawˇ meuˬ-euˬ nui baˬ paw Yawˇdaˬ lawˇ baˬ nahˇ ma doˆ kʼehˬ paw pyawˬ-ahˇ jaˆ-eu deh kʼawꞈ-ahˇ aˬ yawꞈ maꞈ jawˇ luꞈ ngeh, zahˇ dawˬ kʼoꞈ dawˬ heu deuˬ aˬ yawꞈ maꞈ-ahˇ aˬ yawꞈ biꞈ nehˬ-euˬ meh. Jawˇ duˬ kʼoeˇ tsahˇ-aˬ, Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬ paˬ Siˇhoˬ-euˬ miˇ kʼahˬ laꞈ kʼoeˇ jaˆ-eu meh. Moˇseˬ hawˇ-eu Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-awˇ, aˬ yawꞈ-ahˇ guiˇ deuˆ gʼaˬ-euˬ meh.

Dawˬmehˬ 4:5

“Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ, zahˇ dawˬ kʼoꞈ dawˬ dawˬ tawˆ luꞈ naw maꞈ-ahˇ ngaˇ mehˬ nehˬ tsoˆ nehˬ gʼaˬ-euˬ ma. Naw maꞈ jawˇ uˇ leˇ-eu lehˇ gʼeh-eu miˇ kʼahˬ laꞈ kʼoeˇ, kʼoeˇ deuˬ-ahˇ naw maꞈ naˇ haˬ geuꞈ-awˬ.

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

Dawˬmehˬ 5:1

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Dawˬmehˬ 5:31

Ehˇ kʼawꞈ, Moˇseˬ nawˇ-aˬ, ngaˬ nehˬ-ehˇ heu gaˇ jawˇ yaꞈ-awˬ. Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ nawˬ-ahˇ ngaˇ biꞈ ma. Aˬ yawꞈ maꞈ-ahˇ ngaˬ neh biꞈ-euˬ miˇ kʼahˬ laꞈ kʼoeˇ, zahˇ dawˬ kʼoꞈ dawˬ kʼoeˇ deuˬ-ahˇ aˬ yawꞈ maꞈ bi caw teh-eu gʼaˇ duˬ, zahˇ dawˬ kʼoꞈ dawˬ kʼoeˇ deuˬ aˬ yawꞈ maꞈ-ahˇ mehˬ nehˬ-awˬ’ lehˇ ehˇ-eu meh.

Dawˬmehˬ 6:1

“Heu-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh ngaˬ-ahˇ dawˬ biꞈ laꞈ-awˇ, naw maꞈ-ahˇ bi mehˬ bi tsoˆ nehˬ laꞈ-euˬ zahˇ dawˬ kʼoꞈdawˬ deuˬ meh. Naw maꞈ jawˇ leˇ-eu lehˇ gʼeh-eu miˇ kʼahˬ kʼoeˇ kʼahˬ laꞈ kʼoeˇ, zahˇ dawˬ kʼoꞈ dawˬ heu deuˬ-ahˇ naw maꞈ caw teh-awˬ.

Dawˬmehˬ 6:20

“ ‘Zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ ya caw teh meh loˇ. Aˬ jeˬ miˇ neh aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ dawˬ biꞈ laꞈ taˬ’ lehˇ, aˬ kaˇ naw maꞈ-euˬ zaˬ deuˬ naw maꞈ-ahˇ naˇ haˬ laˇ tehꞈ-a. Kʼoeˇ ngeh, heu loꞈ-ehˇ ehˇ mehˬ nehˬ-awˬ.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.