Doˆ-iˇ 20:7 - Akha

⁷ “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ, nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Doˆ-iˇ 20:7 ပူးပေါင်းရင်းမြစ်များ

Aˇ dahˬ 27:20

Iˇtsaˆ ehˇ-eu, “Aˇ yamˬ tiˬ kʼehˇ laˇ kʼehˬ laꞈ kʼoeˇ tehꞈ-ehˇ shaˇ poˆ laˬ-iˇ-eu aˬ joˆ-ehˇ kawˇ teˬ.” Yaˬkoˆ ehˇ-eu, “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ caw ba nehˬ laꞈ-euˬ miˇ neh meh.”

1 Sahˬpaˬ 2:9

Aˬ yawꞈ-ahˇ nawˇ maˬ kʼehˬ nehˬ ni taˬ byehˇ. Aˬ joˆ-ehˇ ya jahˇ nehˬ-eu gaˇ kawˆ nawˇ siˬ nya meh. Aˬ yawꞈ shiˇ ni nawˇ ya jahˇ meh.”

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

Jaceuq 139:20

Nawˬ-euˬ gaˇ kawˆ maˬ muiˬ-eu jeˬ aˬ yawꞈ maꞈ ja-awˇ, nawˬ-euˬ tsawˇ myahˇ-ahˇ ja bu ja doeˇ-eu meh.

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Yeˬlaˬmiˇ 34:16

Ehˇ kʼawꞈ, naw maꞈ nui ma poˆ laˇ paˇ laˇ-awˇ, ngaˬ-ahˇ yaw zeu maˬ baw-a. Nyiˬ paw luꞈ nui ma tsaˬ-awˇ pyehˬ nehˬ gʼaˬ dzeuˇ-euˬ zaˬ kʼaˆ kʼoeˇ deuˬ-ahˇ naw maꞈ paˇ sheuˬ kʼoꞈ-awˇ, zaˬ kʼaˆ paˇ bi geuꞈ poˆ-euˬ meh.

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Yeˬsaˬgeˬlaˇ 39:7

Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ ngaˬ-euˬ muiˬ-eu shawˇ-eu tsawˇ myahˇ-ahˇ siˬ nya-eu gaˇ kawˆ duˬ laˇ ni ngaˇ jahˇ-awˇ, ngaˬ-euˬ tsawˇ myahˇ tiˬ jawˇ-iˬ maˬ paˇ bi cawˆ-iˇ ma. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ ngaˇ lehˇ, tsawˇ jeuˬ dawˬ tawˆ luꞈ-ahˇ siˬ duˬ leˇ tehꞈ-a.”

Uˬ duˬ 19:12

Saˇ jaˇ ziꞈ ma lehˇ naw maꞈ maˬ noeˬ tsehˆ-euˬ gaˇ, ngaˬ-euˬ tsawˇ myahˇ uˬ moˆ saˇ jaˇ taˬ dzaˬ. Ngaˇ-aˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

2 Gawˇliˬtu 1:23

Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

Dawˬmehˬ 10:20

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ naˇ haˬ geuꞈ-awˇ, aˬ yawꞈ-ahˇ tehꞈ-ehˇ uˬ duˬ tahˬ-awˬ. Aˬ yawꞈ-ahˇ saˇ jaˇ ziꞈ-awˇ, aˬ yawꞈ-euˬ tsawˇ myahˇ laꞈ kʼoeˇ tehꞈ-ehˇ saˇ jaˇ dzaˬ-awˬ.

Dawˬmehˬ 5:11

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ-ahˇ nawˇ yehˬ bawˬ sehˇ lu-ehˇ maˬ ya kuˇ niˇ gʼa-a. Aˬ jeˬ miˇ neh ehˇ naˇ, nawˬ-euˬ Miˬyehˇ Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ kuˇ niˇ gʼa-eu tsawˇ haˬ-ahˇ kʼehˬ nehˬ kʼaˆ nehˬ ma.

Dawˬmehˬ 6:13

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guˆ-awˇ, aˬ yawꞈ-ahˇ tehꞈ-ehˇ uˬ duˬ tahˬ-eu laꞈ kʼoeˇ, aˬ yawꞈ-euˬ tsawˇ myahˇ uˬ moˆ tehꞈ-ehˇ naw maꞈ saˇ jaˇ dzaˬ-awˬ.

Yaˬkoˆ 5:12

Aˬ yuiꞈ aˬ nyiˇ Ka li zaˬ deuˬ-oˇ, dawˬ tawˆ luꞈ kʼoeˇ taˆ naw maꞈ yahˇ paˬ-ehˇ gʼeh-eu jeˬ-aˬ, naw maꞈ tiˬ jeˬ paˬ saˇ jaˇ dzaˬ ngeh kamˬ-eu jeˬ taˬ jahˇ. Mˬ-ahˇ gʼoe-awˇ maˬ ehˇ, miˇ tsaˬ-ahˇ gʼoe-awˇ maˬ ehˇ, aˬ geu jeˬ-ahˇ gʼoe-awˇ maˬ ehˇ, taˬ kamˬ. Ngeuˇ naˇ, “Ngeuˇ ma”, maˬ ngeuˇ naˇ, “Maˬ ngeuˇ” lehˇ tehꞈ-ehˇ ehˇ-awˬ. Koeˇ loꞈ-ehˇ jahˇ naˇ, Miˬyehˇ neh yaˇ kʼaˬ daˇ-euˬ jeˬ-ahˇ naw maꞈ maˬ ya daˬ-aˇ.

Yawˇshuˆ 2:12

Naw nyaꞈ-ahˇ ngaˇ gʼawˬ shaˬ gaˬ nehˬ-euˬ loꞈ-ehˇ, ngaˬ-eu nymˇ jiˇ-ahˇ naw nyaꞈ gʼawˬ shaˬ gaˬ nehˬ ma lehˇ, aˬ yawꞈ-euˬ mehˬ shi nymˬ-mˇ naw nyaꞈ kamˬ-awˬ. Naw nyaꞈ-ahˇ ngaˇ jah coeˇ ni, saˇ kiˇ tiˬ jeˬ paˬ kʼawꞈ bi jaˆ yaꞈ-awˬ.

Yawˇshuˆ 2:17

Aˬ yawꞈ nyaꞈ aˬ yawꞈ-ahˇ ehˇ nehˬ-eu, “Nga nyaꞈ-ahˇ nawˬ neh bi dzaˬ laꞈ-euˬ saˇ jaˇ-ahˇ nga nyaꞈ ziꞈ ma. Nawˇ heu loꞈ-ehˇ jahˇ-awˬ.

Yawˇshuˆ 9:20

Aˬ dui-euˬ saˇ jaˇ baˬ da neh, aˬ yawꞈ maꞈ-ahˇ tiˬ jeˬ-iˬ maˬ jahˇ ni ya bi dehꞈ meh. Kʼoeˇ loꞈ-ehˇ maˬ bi dehꞈ naˇ, Miˬyehˇ aˬ dui maꞈ-ahˇ kʼehˬ nehˬ laꞈ tehꞈ-a.