Doˆ-iˇ 20:5 - Akha

⁵ Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Doˆ-iˇ 20:5 ပူးပေါင်းရင်းမြစ်များ

2 Saˬmeuˬlaˆ 21:1

Daˬbiˇ sahˬ paˬ geuꞈ-awˇ uˆ lahˇ-euˬ aˇ yamˬ laꞈ kʼoeˇ, mehꞈ dui shuꞈ dui dui-eu aˇ kʼoꞈ smˇ kʼoꞈ keuˆ le-euˬ meh. Gaˇ kawˆ kʼoeˇ Sahˬpaˬ Miˬyehˇ-ahˇ Daˬbiˇ naˇ haˬ ngeh, “Sawˇluˆ hawˇ-eu aˬ yawꞈ-euˬ nymˇ kʼahˬ zaˬ deuˬ aˬ cawˬ-ahˇ sehꞈ-euˬ iˬ baˇ pi luꞈ-eu meh. Giˇbyoˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ sehꞈ-euˬ meh” lehˇ, Sahˬpaˬ Miˬyehˇ ehˇ-eu meh.

2 Saˬmeuˬlaˆ 21:6

Kʼoeˇ miˇ neh, aˬ yawꞈ-euˬ zaˬ deuˬ uˆ deuˬ laꞈ kʼoeˇ, kʼaˬ dzeˇ zaˬ shiꞈ gʼaˬ nga maꞈ-ahˇ a nehˬ laꞈ-awˬ. Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu Sawˇluˆ jawˇ-euˬ Giˇbyoˬ meuˬ-ahˇ, Sahˬpaˬ Miˬyehˇ mehˬ shi aˬ yawꞈ maꞈ-ahˇ nga maꞈ paꞈ gʼeu sehꞈ ma.” Sahˬ paˬ ehˇ-eu, “Aˬ yawꞈ maꞈ-ahˇ naw maꞈ-euˬ aˬ laꞈ laꞈ kʼoeˇ ngaˇ a nehˬ-eu ma.”

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 21:29

“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”

2 Sahˬpaˬ 17:35

Yaˬkoˆ-euˬ zaˬ deuˬ uˆ deuˬ-ahˇ Sahˬpaˬ Miˬyehˇ saˇ jaˇ dzaˬ-awˇ, heu loꞈ-ehˇ ehˇ nehˬ taˬ-euˬ meh. “Miˬyehˇ nui deuˬ-ahˇ uˬ duˬ taˬ tahˬ. Miˬyehˇ kʼoeˇ deuˬ-euˬ mehˬ shi taˬ awˆ byaˆ. Aˬ yawꞈ maꞈ-euˬ zahˇ sahˇ kʼoꞈ mehˬ nah taˬ caw teh. Aˬ yawꞈ maꞈ-ahˇ taˬ lawˇ taˬ shehˇ.

2 Sahˬpaˬ 17:41

Tsawˇ haˬ kʼoeˇ deuˬ Sahˬpaˬ Miˬyehˇ-ahˇ uˬ duˬ tahˬ-euˬ kʼawꞈ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, uˬ duˬ tahˬ-euˬ meh. aˬ yawꞈ maꞈ-euˬ zaˬ deuˬ uˆ deuˬ iˬ nah keuˆ ni, kʼoeˇ loꞈ-ehˇ mˇ luꞈ shaˇ luꞈ-eu meh.

2 Sahˬpaˬ 23:26

Ehˇ kʼawꞈ, Sahˬpaˬ Miˬyehˇ nui ma pehˇ ni sahˬ paˬ Maˬnaˇseˬ neh mˇ yaꞈ-eu gaˇ deuˬ baˬ da neh, Yuˇdaˆ miˇ kʼahˬ-ahˇ Sahˬpaˬ Miˬyehˇ nui ma pehˇ-eu maˬ taˬ leˇ-a.

2 Sahˬpaˬ 5:18

Ehˇ kʼawꞈ, Suˇliˆ miˬ yehˇ pyeuꞈ-eu Leˬmoˬ miˬ yehˇ-euˬ uˬ duˬ tahˬ nymˇ-ahˇ, ngaˬ-euˬ sahˬ paˬ mehˬ nah ngaˇ caw teh-awˇ uˬ duˬ tahˬ leˇ ngeh, Sahˬpaˬ Miˬyehˇ ngaˬ-ahˇ iˬ baˇ pyehˬ nehˬ laꞈ tehꞈ-a lehˇ ngaˇ jah ma. Aˬ diˇ aˬ maˇ Sahˬpaˬ Miˬyehˇ ngaˬ-ahˇ iˬ baˇ pyehˬ neh laꞈ tehꞈ-a.”

2 Sahˬpaˬ 5:27

Nymˬ-mˇ poˆ jawˇ, Neˬmaˬ-euˬ naˇ gawˇ kʼoeˇ nawˬ-ahˇ nyawˬ laˇ-awˇ, nawˇ hawˇ-eu nawˬ-eu zaˬ nawˬ-euˬ uˆ deuˬ dawˬ tawˆ luꞈ, mˬ maˬ maˬ byaˆ zaˇ ziˇ naˇ gawˇ kʼoeˇ ya daˬ tehꞈ-a.” Geˬhaˬziˇ doˆ-iˇ ngeh, nyawˬ naˇ laˇ-awˇ, aˬ yawꞈ-euˬ shaˬ jiˇ ngehˇ loꞈ-ehˇ pyuˇ deuˬ ni pyeuꞈ-iˇ-euˬ meh.

2 Laˬsaˬbaˬ 25:14

Eˬdoˬ tsawˇ haˬ-ahˇ Aˬmaˬziˇ deuˆ gʼaˬ-awˇ gʼoꞈ laˇ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ aˬ yawꞈ yuˇ kʼoꞈ laꞈ-euˬ meh. Tahˬ pahˬ aˬ ma mawˇ kawˇ kʼoeˇ deuˬ-ahˇ aˬ yawꞈ ka tuˇ-awˇ, uˬ duˬ tahˬ-eu laꞈ kʼoeˇ, yaw saw jeˬ doꞈ-awˇ damˬ nehˬ-euˬ meh.

2 Laˬsaˬbaˬ 7:19

Ehˇ kʼawꞈ, nawˇ hawˇ-eu nawˬ-euˬ tsawˇ haˬ deuˬ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh biꞈ taˬ-euˬ dawˬ deuˬ-ahˇ maˬ naˇ haˬ geuꞈ ni miˬ yehˇ nui deuˬ-ahˇ uˬ duˬ tahˬ naˇ,

Yawˇbaˆ 21:19

Aˬ da gʼaˬ-euˬ iˬ baˇ baˬ da neh zaˬ gʼaˬ-ahˇ Miˬyehˇ kʼehˬ-eu meh lehˇ naw maꞈ ehˇ-eu meh. Toˆ-ehˇ maˬ ngeuˇ-ehˇ, iˬ baˇ ahˇ-eu gʼaˬ-euˬ mawˇ do-ahˇ Miˬyehˇ kʼehˬ luꞈ-uˇ. Aˬ yawꞈ maꞈ iˬ baˇ ahˇ-eu miˇ neh kʼoeˇ loꞈ-ehˇ kʼehˬ nehˬ-euˬ gaˇ kawˆ aˬ yawꞈ maꞈ-ahˇ bi siˬ leˇ luꞈ-uˇ.

Yawˇbaˆ 5:4

Aˬ yawꞈ maꞈ-euˬ aˬ li deuˬ tahˬ shaˇ duˬ maˬ poˆ mawˇ nya-a. Yaˇ kʼaˬ daˇ-eu nymˇ-ahˇ aˬ yawꞈ maꞈ paw pyawˬ-eu gʼaˬ maˬ jawˇ-a.

Jaceuq 109:14

Aˬ yawꞈ-euˬ aˬ poeˬ aˬ bawˇ-euˬ iˬ baˇ-ahˇ Sahˬpaˬ Miˬyehˇ maˬ ngehˇ-ehˇ, aˬ yawꞈ aˬ ma-euˬ iˬ baˇ maˬ pyehˬ nehˬ ni bi jaˆ luꞈ-uˇ.

Jaceuq 78:58

Aˬ yawꞈ maꞈ zmˬ luꞈ-eu aˬ cawˬ tsawˇ jeuˬ-euˬ muiˬ-eu shawˇ-eu jawˇ duˬ hawˇ-eu, tahˬ pahˬ aˬ ma mawˇ kawˇ deuˬ baˬ da neh, Miˬyehˇ nui ma bi pehˇ-euˬ meh.

Jaceuq 79:8

Nga maꞈ-euˬ aˬ poeˬ aˬ bawˇ deuˬ-euˬ iˬ baˇ baˬ da neh, nga maꞈ-ahˇ taˬ kʼehˬ nehˬ laꞈ. Nga maꞈ-ahˇ nymˬ-mˇ gʼawˬ shaˬ gaˬ nehˬ laꞈ-awˬ. Nga maꞈ noeˬ tmˬ duˬ ma paˇ jaˆ miˇ-a.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Doˆ-iˇ 23:24

Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-ahˇ naw maꞈ taˬ caw teh. Ehˇ kʼawꞈ, aˬ yawꞈ maꞈ-euˬ miˬ yehˇ deuˬ-ahˇ laˆ cawˆ-awˇ, aˬ yawꞈ maꞈ-euˬ muiˬ-eu shawˇ-eu kʼaˬ lo kʼawˇ zeuˇ deuˬ-ahˇ deh pyaˆ dzeh-awˬ.

Doˆ-iˇ 34:14

“Miˬ yehˇ nui taw nui gʼaˬ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-euˬ mehˬ shi, miˬ yehˇ nui gʼaˬ ngaˇ maˬ bi jawˇ nya-a.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Iˇsaˬyaˇ 44:15

Aˇ bawˇ tiˬ kʼehˆ miˬ dzaˬ geuꞈ-awˇ, tahˬ pahˬ aˬ ma mawˇ kawˇ pyaꞈ gaˇ tiˬ kʼehˆ geuꞈ-eu meh. Tiˬ kʼehˆ-ahˇ, hawˬ mˇ dzaˇ saꞈ gʼeh-eu gʼaˇ duˬ hawˇ-eu yaw gaˆ lmˇ-eu gʼaˇ duˬ miˬ dzaˬ geuꞈ-awˇ, tiˬ kʼehˆ-ahˇ-aˬ, yawˬ ha uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ pyaꞈ geuꞈ-eu meh.

Iˇsaˬyaˇ 44:19

Tahˬ pahˬ aˬ ma mawˇ kawˇ jahˇ-eu tsawˇ haˬ deuˬ heu loꞈ-ehˇ tiˬ jawˇ-iˬ maˬ ehˇ-a. “Daˇ kawˬ tiˬ tm-ahˇ miˬ dzaˬ doꞈ-awˇ, miˬ jiˆ kʼoeˇ taˆ hawˬ tahˬ puiˆ dzaˬ-awˇ, shaˬ jiˇ tehˬ ba dzaˬ-euˬ ma. Kʼoeˇ naˇ, daˇ kawˬ tiˬ tm-ahˇ tahˬ pahˬ aˬ ma mawˇ kawˇ pyaꞈ-euˬ ma. Nymˬ-mˇ ngaˇ daˇ kawˬ diˬ tm-ahˇ uˬ duˬ tahˬ luꞈ-eu ma” lehˇ tiˬ jawˇ-iˬ maˬ ehˇ-a.

Yeˬlaˬmiˇ 2:9

“Teu miˇ neh Sahˬpaˬ Miˬyehˇ pyeuꞈ-eu ngaˇ, ngaˬ-euˬ tsawˇ haˬ deuˬ-ahˇ pyehˆ tseˇ haw ma. Aˬ yawꞈ maꞈ-euˬ zaˬ deuˬ-ahˇ ngaˇ caw tseˇ ma.

Yeˬlaˬmiˇ 32:18

Tsawˇ haˬ aˇ heˇ aˇ muiˇ gʼaˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ maˬ tsehˆ leˇ ni nawˇ bi mawˇ-euˬ meh. Ehˇ kʼawꞈ, aˬ ma aˬ da deuˬ neh mˇ-euˬ iˬ baˇ baˬ da neh, zaˬ ziˇ-ahˇ keuˆ ni nawˇ kʼehˬ nehˬ kʼaˆ nehˬ-euˬ meh. Nawˇ-aˬ, baoˬ huiˬ dui dui-eu Miˬyehˇ meh. Nawˇ-aˬ, baoˬ huiˬ-eu Sahˬpaˬ Miˬyehˇ meh.

Yeˬsaˬgeˬlaˇ 18:19

“Ehˇ kʼawꞈ, naw maꞈ heu loꞈ-ehˇ ehˇ-eu meh. Aˬ jeˬ miˇ neh aˬ da-euˬ iˬ baˇ baˬ da neh aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ ta lehˇ ehˇ-eu meh. Aˬ li gʼaˬ yaw tsaˬ yaw dawˇ jeˬ mˇ-eu meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ yaw muiˬ-ehˇ caw teh-euˬ miˇ neh, aˬ yawꞈ aˬ diˇ aˬ maˇ ya dehꞈ tehꞈ-a.

Yeˬsaˬgeˬlaˇ 18:2

Aˬ yawꞈ ehˇ-eu, “Iˇsaˬleˬlaˆ miˇ kʼahˬ laꞈ kʼoeˇ tiˬ jawˇ-iˬ maˬ byehˇ ni daˬ luꞈ-eu dawˬ daˬ pyeuꞈ-eu, ‘Aˬ da aˬ gaꞈ siˬ cehˇ dzaˬ-euˬ zaˬ seuˬ kmˬ ya kmˬ-mˇ jeˇ’ lehˇ ehˇ-eu dawˬ daˬ teu aˬ jeˬ-ahˇ ehˇ mawꞈ ta.”

Yeˬsaˬgeˬlaˇ 20:7

Aˬ yawꞈ maꞈ nui kʼahˇ jaˆ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ biˬ dzeh jiˇ-awˇ, Iˇjiˇtuˆ miˬyehˇ deuˬ-ahˇ uˬ duˬ tahˬ-eu laꞈ kʼoeˇ yawˬ haˇ yawˬ ha maˬ shawˇ-ehˇ pyeuꞈ-iˇ ni taˬ paˇ jahˇ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma. Aˬ jeˬ miˇ neh ehˇ naˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Yeˬsaˬgeˬlaˇ 39:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, nymˬ-mˇ ngaˇ Yaˬkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma. Ngaˬ-euˬ muiˬ-eu shawˇ-eu tsawˇ myahˇ maˬ ya cawˆ ni ngaˇ jeˬ hmˬ bo saˆ ma.

Yeˬsaˬgeˬlaˇ 8:3

Aˬ laꞈ-ahˇ duˇ leˇ-eu jeˬ aˬ yawꞈ cawˬ doˆ leꞈ-awˇ, ngaˬ-euˬ uˬ duˬ tsehˇ kahˇ-ahˇ tsuˆ tehˬ-euˬ meh. Yaw sahˇ laꞈ kʼoeˇ kʼoeˇ loꞈ-ehˇ mawˇ laˇ-eu laꞈ kʼoeˇ Miˬyehˇ-euˬ yaw sahˇ ngaˬ-ahˇ yaw goˇ-ahˇ ciˬ diˇ-awˇ, Yeˬluˇsaˬlehˬ meuˬ-ahˇ sheuˬ gʼeh nehˬ laꞈ-euˬ meh. Miˬyehˇ-ahˇ nui ma bi pehˇ-euˬ tahˬ pahˬ aˬ ma mawˇ kawˇ jaˆ-eu tsahˇ pyeuꞈ-eu, Uˬ duˬ tahˬ nymˇ nymˇ ma-euˬ laꞈ taˆ pyawˬ lahˇ kʼehˬ laˇ gʼoˆ laꞈ kʼoeˇ gʼoˆ-ahˇ, ngaˬ-ahˇ sheuˬ gʼeh nehˬ laꞈ-euˬ meh.

Daˬyeˬlaˇ 1:2

Sahˬpaˬ Miˬyehˇ neh aˬ yawꞈ-ahˇ sahˬ paˬ Yeˬhawˇyaˬkmˬ-ahˇ bi nyehꞈ mi-awˇ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ tiˬ paˆ na deuˬ bi yuˇ geuꞈ-euˬ meh. Tsawˇ haˬ tiˬ paˆ na deuˬ-ahˇ nyehꞈ-awˇ, Baˬbuˇloˬ miˇ kʼahˬ-ahˇ jawˇ-eu aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ-ahˇ nyehꞈ kʼoꞈ gʼeh-awˇ, guiˇ deuˆ za-euˬ pyuˇ shuiˇ myawˬ gahˬ deuˬ, uˬ duˬ tahˬ nymˇ kʼoeˇ deuˬ laꞈ kʼoeˇ jaˆ-eu myawˬ jeˬ hmˬ-eu kuˆ lawˆ deuˬ laꞈ kʼoeˇ bi jaˆ-euˬ meh.

Daˬyeˬlaˇ 3:18

Aˬ yawꞈ maˬ ka kʼoꞈ nehˬ laꞈ law hawˇ kʼawꞈ, nawˬ-euˬ miˬ yehˇ-ahˇ nga maꞈ uˬ duˬ maˬ tahˬ-ehˇ, nawˬ neh ka tuˇ taˬ-euˬ shuiˇ mawˇ kawˇ mehˬ shi maˬ awˆ byaˆ lehˇ, kʼaˬ duˬ ni nawˬ-ahˇ ehˇ tsehˆ-eu ma.”

Uˬ duˬ 20:5

tsawˇ haˬ kʼoeˇ gʼaˬ-ahˇ maˬ ehˇ, aˬ yawꞈ-euˬ nymˇ kʼahˬ zaˬ dawˬ tawˆ luꞈ-ahˇ maˬ ehˇ, aˬ yawꞈ ngaˬ-ahˇ saˇ jaˇ puiˬ-awˇ, Moˇlehˆ miˬ yehˇ-ahˇ uˬ duˬ tahˬ gaˇ kʼaˇ gm leˇ-euˬ tsawˇ haˬ deuˬ-ahˇ maˬ ehˇ, ngaˇ byehˇ dzeh ma. Aˬ yawꞈ maꞈ-ahˇ ngaˬ-euˬ tsawˇ haˬ lehˇ ngaˇ maˬ paˇ sawˇ ma.

Uˬ duˬ 26:1

Sahˬpaˬ Miˬyehˇ ehˇ-eu, “Naw maꞈ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ tehˆ-eu maˬ ehˇ, kʼaˬ lo kʼawˇ zeuˇ ka tuˇ-eu maˬ ehˇ, kʼaˬ lo-ahˇ dzahˬ taꞈ taꞈ-eu maˬ ehˇ, maˬ ya jahˇ-a. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 26:29

Naw maꞈ mehꞈ-eu shuꞈ-eu jeˬ naꞈ dui dui-eu miˇ neh, yawˬ ha-euˬ zaˬ yawˬ ha ya sehꞈ dzaˬ gaˇ keuˆ tehꞈ-a.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Bawˇtsahˬ 14:18

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.

Bawˇtsahˬ 14:33

Naw maꞈ tiˬ gʼaˬ-iˬ maˬ dzeˇ-ehˇ shiˇ jiˇ ngeh keuˆ ni, oeˬ tseˇ kʼoꞈ keuˆ ni naw maꞈ-euˬ zaˬ deuˬ bawˇ tsahˬ bawˇ dahˇ laꞈ kʼoeˇ cah cah-ehˇ ya jawˇ tehꞈ-a. Naw maꞈ saˇ jaˇ maˬ jawˇ-eu baˬ da neh aˬ yawꞈ maꞈ kʼoeˇ loꞈ-ehˇ ya daˬ tehꞈ-a.

Bawˇtsahˬ 25:11

“Piˇnaˬhaˇ kʼoeˇ loꞈ-ehˇ mˇ-euˬ miˇ neh, Iˇsaˬleˬlaˆ tsawˇ haˬ deuˬ-ahˇ ngaˇ nui ma maˬ paˇ pehˇ ma. Ngaˬ-ahˇ maˬ ngeuˇ naˇ, miˬyehˇ nui gʼaˬ-ahˇ uˬ duˬ tahˬ-eu jeˬ-ahˇ Piˬnaˬhaˇ maˬ haw nahˇ-a. Kʼoeˇ miˇ neh, aˬ yawꞈ maꞈ-ahˇ ngaˇ maˬ paˇ laˆ cawˆ nehˬ ni bi dzeuˇ-iˇ-euˬ ma.

Maꞈtehˬ 4:9

Nehꞈ sahˬ paˬ ehˇ-eu, “Nawˇ pawˬ tsuiꞈ pawˬ dmˬ dmˬ-awˇ ngaˬ-ahˇ uˬ duˬ tahˬ naˇ, miˇ kʼahˬ heu deuˬ dawˬ tawˆ luꞈ nawˬ-ahˇ biꞈ ma.”

Yoˇhaˬ 15:18

“Miˇ tsaˬ zaˬ naw maꞈ-ahˇ muiˇ laˇ ngeh, naw maꞈ-ahˇ maˬ muiˇ mi naˆ-ehˇ ngaˬ-ahˇ jeˬ huˬ muiˇ-euˬ meh lehˇ siˬ nya-awˬ.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Yoˇhaˬ 9:2

Aˬ yawꞈ-euˬ zaˬ lahˇ deuˬ aˬ yawꞈ-ahˇ ehˇ-eu, “Saˬ laˬ-oˇ, aˬ yawꞈ dehꞈ le ngeh neh myaˆ behꞈ behꞈ-eu teu aˬ suˇ gʼaˬ-euˬ iˬ baˇ baˬ da neh gʼeh ta. Aˬ yawꞈ-euˬ iˬ baˇ baˬ da neh nga loˇ. Aˬ da aˬ ma-euˬ iˬ baˇ baˬ da neh nga loˇ.”

Lormav 1:30

Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

Dawˬmehˬ 32:21

Miˬyehˇ maˬ ngeuˇ gaˇ tahˬ shaˇ-awˇ, ngaˬ-ahˇ myaˆ bi naˆ laꞈ-euˬ meh. Tahˬ pahˬ aˬ ma mawˇ kawˇ tehˆ-awˇ, ngaˇ nui ma pehˇ ni jahˇ-euˬ meh. Tsawˇ jeuˬ nui deuˬ-ahˇ ngaˇ zmˬ-awˇ, aˬ yawꞈ maꞈ myaˆ naˆ ni jahˇ ma. Aˬ dzawˬ aˇ gah tsawˇ jeuˬ zmˬ-awˇ, aˬ yawꞈ maꞈ nui ma bi pehˇ ma.

Dawˬmehˬ 32:41

Ngaˬ-euˬ mi cehˇ ngaˇ siˬ taˆ-awˇ, yaw tsaˬ yaw dawˇ jeˬ mˇ byah ma. Muiˇ-eu deuˬ-ahˇ laꞈ poˆ poˆ-awˇ, ngaˬ-ahˇ bye gaˇ ngaˇ kʼehˬ nehˬ ma.

Dawˬmehˬ 4:24

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

Dawˬmehˬ 5:10

Ehˇ kʼawꞈ, ngaˬ-ahˇ gaˬ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ, aˬ yawꞈ maꞈ-euˬ zaˬ ziˇ aˇ heˇ aˇ muiˇ ziˇ keuˆ ni, ngaˬ-euˬ gʼoeˇ-eu gaˬ-eu jeˬ ngaˇ bi mawˇ ma.

Dawˬmehˬ 5:9

Tahˬ pahˬ aˬ ma mawˇ kawˇ mehˬ shi nawˇ awˆ byaˆ-awˇ uˬ duˬ maˬ ya tahˬ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, myaˆ naˆ-eu Miˬyehˇ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ-awˇ, aˬ yawꞈ maꞈ-euˬ zaˬ ziˇ smˬ ziˇ oeˬ ziˇ keuˆ ni ngaˇ kʼehˬ ma.

Dawˬmehˬ 6:15

Miˬyehˇ nui gʼaˬ-ahˇ naw maꞈ uˬ duˬ tahˬ naˇ, Sahˬpaˬ Miˬyehˇ nui ma pehˇ-eu jeˬ miˬ dzaˬ loꞈ-ehˇ naw maꞈ kʼoeˇ taˆ keuˆ le-awˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni, naw maꞈ-ahˇ aˬ yawꞈ laˆ luˬ laˆ seˇ nehˬ laꞈ tehꞈ-a. Aˬ jeˬ miˇ neh ehˇ naˇ, naw maꞈ nehˬ-ehˇ jawˇ-eu naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, myaˆ naˆ-eu Miˬyehˇ pyeuꞈ-eu meh.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.

Yaˬkoˆ 4:4

Miˬyehˇ-ahˇ saˇ jaˇ maˬ ziꞈ-eu tsawˇ haˬ deuˬ-oˇ, miˇ tsaˬ heu-ahˇ cawˬ cawˬ taꞈ-eu jeˬ-aˬ, Miˬyehˇ-ahˇ muiˇ-eu jeˬ pyeuꞈ-eu meh lehˇ naw maꞈ maˬ siˬ nya te loˇ. Miˇ tsaˬ heu-ahˇ cawˬ kʼaˇ cawˬ taꞈ mawꞈ-eu tsawˇ haˬ-aˬ, Miˬyehˇ-ahˇ muiˇ-eu tsawˇ haˬ pyeuꞈ laˇ ni mˇ gaˇ duˇ-eu meh.

Yawˇshuˆ 23:16

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ ma saˇ jaˇ laꞈ kʼoeˇ naw maꞈ maˬ ziꞈ-ehˇ, miˬ yehˇ nui deuˬ-ahˇ naw maꞈ caw teh-awˇ uˬ duˬ tahˬ naˇ, aˬ yawꞈ nui ma pehˇ-eu laꞈ kʼoeˇ naw maꞈ-ahˇ kʼehˬ nehˬ kʼaˆ nehˬ laꞈ-awˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ, aˬ yawꞈ neh biꞈ laꞈ-euˬ muiˬ dui dui-eu miˇ kʼahˬ heu kʼahˬ laꞈ kʼoeˇ naw maꞈ tiˬ gʼaˬ-iˬ maˬ jawˇ-ehˇ piˬ-iˇ byoˆ-iˇ jiˇ tehꞈ-a.”

Yawˇshuˆ 23:7

Kʼoeˇ tehꞈ-ehˇ maˬ ngeuˇ ni, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ heu deuˬ nehˬ-ehˇ cawˬ maˬ cawˬ taꞈ ni jawˇ-awˇ, aˬ yawꞈ maꞈ-euˬ miˬ yehˇ deuˬ-euˬ tsawˇ myahˇ-ahˇ maˬ kuˇ-ehˇ, miˬ yehˇ kʼoeˇ deuˬ-euˬ tsawˇ myahˇ uˬ moˆ saˇ jaˇ maˬ dzaˬ taꞈ-eu uˬ taꞈ, aˬ yawꞈ maꞈ-ahˇ uˬ duˬ maˬ tahˬ ni dehꞈ-awˬ.

Yawˇshuˆ 24:19

Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Ehˇ kʼawꞈ, Sahˬpaˬ Miˬyehˇ-ahˇ naw maꞈ uˬ duˬ maˬ tahˬ nya-eu paˬ. Aˬ yawꞈ-aˬ, muiˬ-eu shawˇ-eu Miˬyehˇ pyeuꞈ-awˇ, naw maꞈ-euˬ iˬ baˇ-ahˇ maˬ pyehˬ nehˬ-a. Miˬ yehˇ nui gʼaˬ-ahˇ uˬ duˬ tahˬ-eu jeˬ-ahˇ aˬ yawꞈ iˬ baˇ maˬ pyehˬ nehˬ nya-a.

Yaˇ kʼaˬ daˇ 2:19

Ehˇ kʼawꞈ, aˬ yuiꞈ aˬ tsu kʼoeˇ gʼaˬ shiˇ dzeuˇ naˇ, aˬ yawꞈ maꞈ aˬ yawꞈ yaw oeˇ loꞈ-ehˇ paˇ dehꞈ poˆ-awˇ, yaw beh ziˇ naˆ maˬ tseˇ, maˬ muiˬ maˬ jaˬ-eu jeˬ paˇ mˇ-euˬ meh. Miˬyehˇ nui deuˬ-ahˇ uˬ duˬ paˇ tahˬ-awˇ, aˬ yawꞈ maꞈ mˇ luꞈ-eu maˬ muiˬ maˬ jaˬ-eu jeˬ-ahˇ kʼawꞈ, maˬ byehˇ dzeh ni mˇ-euˬ meh.