Doˆ-iˇ 20:25 - Akha

²⁵ Ngaˬ-euˬ gʼaˇ duˬ kʼaˬ lo neh naw maꞈ lawˇ duˬ gawˬ ngeh, taꞈ paˆ-euˬ kʼaˬ lo neh taˬ gawˬ. Aˬ jeˬ miˇ neh ehˇ naˇ, naw maꞈ dzahˬ taꞈ yuˇ-awˇ kʼaˬ lo-ahˇ taꞈ ngeh, kʼaˬ lo kʼoeˇ maˬ muiˬ maˬ shawˇ ni pyeuꞈ-iˇ-awˇ, ngaˬ-euˬ gʼaˇ duˬ maˬ geuꞈ nya ni jahˇ gaˇ duˇ-eu meh.

Doˆ-iˇ 20:25 ပူးပေါင်းရင်းမြစ်များ

1 Sahˬpaˬ 6:7

Uˬ duˬ tahˬ nymˇ nymˇ ma tsoˆ gaˇ zmˬ-eu gʼaˇ duˬ lehˬ hmˬ taˬ-euˬ kʼaˬ lo deuˬ-ahˇ, tsoˆ duˬ-ahˇ maˬ yuˇ keuˆ laꞈ mi naˆ-ehˇ yaw muiˬ paˬ-ehˇ laˆ saˆ gʼaˬ taˬ-euˬ miˇ neh, Uˬ duˬ tahˬ nymˇ nymˇ ma tsoˆ ngeh, diˬ puˬ koˆ-eu teˇ saˇ, deuˆ haˬ deuˆ-eu teˇ saˇ hawˇ-eu, shmˇ keu ka deuˬ laˆ tahˬ laˆ toˆ-eu teˇ saˇ deuˬ maˬ ya gaˬ ni, ciˬ cuˇ ni tsoˆ-euˬ meh.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Yeˬsaˬgeˬlaˇ 40:42

Laꞈ kʼoeˇ lahˇ kʼehˬ gaˇ ma-ahˇ tsoˆ tawꞈ taˬ-euˬ aˇ lawˆ kʼoeˇ lawˆ-ahˇ jaˆ-eu, miˬ dzaˬ dzah puiˆ-awˇ lawˇ-eu jeˬ laˆ saˆ duˬ pyeuꞈ-eu hawˬ jeh oeˬ jeh-aˬ, kʼaˬ lo taꞈ taˬ-euˬ hawˬ jeh pyeuꞈ-eu meh. Tiˬ caˆ goˇ-awˇ, tiˬ caˆ tiˬ toˇ oeˬ bawˬ byah-eu meh. Lawˇ gaˇ shehˇ gaˇ geuꞈ-eu jeˬ zaˬ deuˬ-ahˇ sehꞈ-eu keu ka dawˬ tawˆ luꞈ, hawˬ jeh kʼoeˇ oeˬ jeh kʼoeˇ taˆ jaˆ-eu meh.

Yawˇshuˆ 8:31

“Shmˇ dzahˬ taꞈ neh maˬ taꞈ byawꞈ-euˬ kʼaˬ lo neh gawˬ-euˬ lawˇ duˬ” lehˇ, Moˇseˬ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ ehˇ taˬ-awˇ, Moˇseˬ neh Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ yaꞈ-euˬ loꞈ-ehˇ, lawˇ duˬ kʼoeˇ hmˬ aˬ yawꞈ gawˬ-euˬ meh. Lawˇ duˬ kʼoeˇ hmˬ kʼoeˇ taˆ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ aˬ yawꞈ maꞈ lawˇ nehˬ-awˇ, cawˬ cawˬ taꞈ-eu lawˇ-eu jeˬ kʼawꞈ, lawˇ-euˬ meh.