Doˆ-iˇ 20:24 - Akha

²⁴ Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Doˆ-iˇ 20:24 ပူးပေါင်းရင်းမြစ်များ

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

2 Saˬmeuˬlaˆ 6:12

Dawˬ ma saˇ jaˇ Bahˬ keuˆ baˬ da neh, AwˇbehˆEˬdoˬ-euˬ nymˇ jiˇ hawˇ-eu aˬ yawꞈ kʼaˇjaˆ-eu yawˬ jeˬ na luꞈ kʼoeˇ taˆ Sahˬpaˬ Miˬyehˇ guiˬ lahˬ biꞈ nehˬ-euˬ gaˇ kawˆ-ahˇ, sahˬ paˬ Daˬbiˇ ya gaˬ ngeh, AwˇbehˆEˬdoˬ-euˬ nymˇ-ahˇ jaˆ-eu Dawˬ ma saˇ jaˇ Bahˬ keuˆ baꞈ laˬ-iˇ-awˇ, bawˬ-iˬ gʼeh-eu laꞈ kʼoeˇ, Yeˬluˇsaˬlehˬ meuˬ-ahˇ baꞈ kʼoꞈ gʼeh-euˬ meh.

1 Sahˬpaˬ 8:29

Nawˬ-ahˇ uˬ duˬ bi tahˬ-eu gʼaˇ duˬ nawˬ neh tseˇ doˆ taˬ-euˬ jawˇ duˬ pyeuꞈ-eu Uˬ duˬ tahˬ nymˇ nymˇ ma heu nymˇ-ahˇ, uˬ ciꞈ nah gʼahˇ maˬ ehˇ haw piˇ nehˬ laꞈ-awˬ. Uˬ duˬ tahˬ nymˇ nymˇ ma jaˆ-eu paw ngaˇ mehˬ shiˬ pyawˇ-awˇ guiˬ lahˬ shaˇ ngeh, ngaˬ-euˬ shaˇ dawˬ naˇ haˬ nehˬ laꞈ-awˬ.

1 Sahˬpaˬ 8:43

aˬ yawꞈ-euˬ shaˇ dawˬ-ahˇ naˇ haˬ nehˬ-awˬ. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ nawˬ-ahˇ siˬ nya-awˇ, nawˬ-euˬ ehˇ dawˬ naˇ haˬ geuꞈ-eu loꞈ-ehˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼawꞈ, nawˬ-ahˇ siˬ nya-awˇ nawˬ-euˬ ehˇ dawˬ naˇ haˬ geuꞈ ni, mˬ kʼoeˇ taˆ jawˇ-awˇ aˬ yawꞈ-euˬ shaˇ dawˬ-ahˇ naˇ haˬ-eu laꞈ kʼoeˇ, aˬ yawꞈ kʼaˇ shaˇ-eu jeˬ ngehˬ gʼeh nehˬ-awˬ. Kʼoeˇ ngeh, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ-aˬ, nawˬ-ahˇ uˬ duˬ tahˬ-eu jawˇ duˬ pyeuꞈ-eu gaˇ kawˆ aˬ yawꞈ maꞈ siˬ nya laˇ tehꞈ-a.

1 Sahˬpaˬ 9:3

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ neh guiˬ lahˬ shaˇ-euˬ dawˬ-ahˇ ngaˇ ya gaˬ-euˬ ma. Mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, nawˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ bi muiˬ bi shawˇ-awˇ, aˬ myah luꞈ bo saˆ haw piˇ nehˬ ma.

2 Sahˬpaˬ 5:17

Neˬmaˬ ehˇ-eu, “Ngaˬ neh biꞈ-euˬ laꞈ sawˬ-ahˇ nawˇ maˬ ha geuꞈ te lehˇ ngeuˇ naˇ kʼawꞈ, mahˬ shaˆ lawˬ nyiˬ mawˇ byah ni miˇ tsaˬ bi tawˬ kʼoꞈ gʼeh nehˬ laꞈ-awˬ. Aˬ jeˬ miˇ neh ehˇ naˇ, nymˬ-mˇ neh aˇ dahˬ beh-awˇ, Sahˬpaˬ Miˬyehˇ-ahˇ maˬ ngeuˇ naˇ, miˬ yehˇ nui gʼaˬ-ahˇ lawˇ-eu shehˇ-eu hawˇ-eu miˬ dzaˬ dzah puiˆ-awˇ lawˇ-eu jeˬ ngaˇ maˬ paˇ lawˇ ma.

2 Laˬsaˬbaˬ 12:13

Sahˬ paˬ Leˬhawˇbamˬ-aˬ, Yeˬluˇsaˬlehˬ meuˬ-ahˇ jawˇ-awˇ uˆ lahˇ-eu laꞈ kʼoeˇ, aˬ yawꞈ-euˬ baoˬ huiˬ laˇ ziꞈ laˇ-euˬ meh. Aˬ yawꞈ sahˬ paˬ pyeuꞈ laˇ ngeh, aˬ yawꞈ-euˬ aˇ kʼoꞈ oeˬ tseˇ tiꞈ kʼoꞈ kʼawˆ-awˇ, Yeˬluˇsaˬlehˬ meuˬ-ahˇ jawˇ-awˇ tseˇ shiꞈ kʼoꞈ uˆ lahˇ-euˬ meh. Yeˬluˇsaˬlehˬ meuˬ-aˬ, Iˇsaˬleˬlaˆ miˇ kʼahˬ kʼahˬ lah ni laꞈ kʼoeˇ, Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ bi pyeuꞈ-eu lehˇ, Sahˬpaˬ Miˬyehˇ neh tseˇ doˆ-euˬ meuˬ pyeuꞈ-eu meh. Leˬhawˇbamˬ-euˬ aˬ ma-aˬ, Aˬmoˬ tsawˇ jeuˬ Naˬmaˬ lehˇ myahˇ-euˬ meh.

2 Laˬsaˬbaˬ 6:6

Ehˇ kʼawꞈ, nymˬ-mˇ ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ, Yeˬluˇsaˬlehˬ meuˬ-ahˇ ngaˇ tsaˬ tsoˆ-awˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, Daˬbiˇ nawˬ-ahˇ ngaˇ tseˇ doˆ-euˬ ma’ lehˇ ehˇ nehˬ-eu meh.

2 Laˬsaˬbaˬ 7:16

Aˬ jeˬ miˇ neh ehˇ naˇ, nymˇ heu nymˇ mˬ maˬ maˬ byaˆ zaˇ ziˇ ngaˬ-ahˇ uˬ duˬ tahˬ-eu jawˇ duˬ pyeuꞈ ni, ngaˬ neh tseˇ doˆ taˬ-awˇ, mˇ shawˇ taˬ-euˬ ma. Nymˇ heu nymˇ-ahˇ ngaˇ aˬ myah luꞈ haw piˇ loꞈ piˇ ma.

Eˇzaˬlaˬ 6:12

Dawˬ heu dawˬ-ahˇ puiˬ-awˇ Uˬ duˬ tahˬ nymˇ nymˇ ma kʼoeˇ nymˇ-ahˇ laˆ cawˆ-eu lehˇ kʼaˇ leh jeh-eu sahˬ paˬ aˬ geu gʼaˬ-ahˇ maˬ kaˬ, Yeˬluˇsaˬlehˬ meuˬ-ahˇ aˬ yawꞈ-ahˇ uˬ duˬ tahˬ-eu jawˇ duˬ bi pyeuꞈ-eu lehˇ tsaˬ tsoˆ-euˬ Miˬyehˇ neh aˇ yaˬ bi yuˇ dzeh luꞈ-uˇ. Ngaˇ Daˬliˇ dawˬ heu dawˬ biꞈ-eu ma. Tiˬ pawꞈ-iˬ maˬ bi dzeˇ ni naˇ haˬ geuꞈ-awˬ.”

Neˬhaˬmiˇ 1:9

Ehˇ kʼawꞈ, naw maꞈ ngaˇ jawˇ paw paˇ gʼoꞈ poˆ laˇ-awˇ, ngaˇ naw maꞈ-ahˇ ehˇ taˬ-euˬ loꞈ-ehˇ mˇ naˇ, mˬ dzeˇ miˇ dzeˇ keuˆ ni naw maꞈ ya jawˇ byoˆ taˬ-euˬ kʼawꞈ, ngaˬ-ahˇ uˬ duˬ bi tahˬ-eu lehˇ ngaˬ neh tseˇ doˆ taˬ-euˬ jawˇ duˬ-ahˇ naw maꞈ-ahˇ ngaˇ paˇ sheuˬ kʼoꞈ laꞈ ma lehˇ nawˇ ehˇ taˬ-euˬ meh.

Jaceuq 101:2

Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

Jaceuq 122:2

Yeˬluˇsaˬlehˬ meuˬ-oˇ, nawˬ-euˬ lahˇ kʼehˬ laꞈ kʼoeˇ, nga maꞈ nymˬ-mˇ yawꞈ luꞈ ma.

Jaceuq 128:5

Ziˇoˬ gawˬ jawˬ-ahˇ neh Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ yaw dehꞈ kʼaˇ dehꞈ-eu tiˬ ziˇ, Yeˬluˇsaˬlehˬ meuˬ baw le za le gaˇ ya mawˇ luꞈ-uˇ.

Jaceuq 134:3

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ, Ziˇoˬ meuˬ-ahˇ neh naw maꞈ-ahˇ guiˬ lahˬ biꞈ luꞈ-uˇ.

Jaceuq 74:7

Nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ deh pyaˆ-awˇ, miˬ dzaˬ dzah puiˆ dzeh-eu laꞈ kʼoeˇ, nawˬ-ahˇ uˬ duˬ tahˬ-euˬ jawˇ duˬ-ahˇ laˆ jawꞈ-euˬ meh.

Jaceuq 76:2

Aˬ yawꞈ-euˬ nymˇ Yeˬluˇsaˬlehˬ meuˬ-ahˇ jaˆ-awˇ, Ziˇoˬ gawˬ jawˬ kʼoeˇ taˆ aˬ yawꞈ jawˇ-eu meh.

Jaceuq 78:68

Ehˇ kʼawꞈ Yuˇdaˆ tsawˇ jeuˬ hawˇ-eu aˬ yawꞈ gaˬ-eu Ziˇoˬ gawˬ jawˬ-ahˇ, aˬ yawꞈ tseˇ doˆ-euˬ meh.

Doˆ-iˇ 10:25

Ehˇ kʼawꞈ, Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu gʼaˇ duˬ maˬ ehˇ, miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ maˬ ehˇ, nga maꞈ-ahˇ nawˇ jeˬ zaˬ biꞈ laꞈ-eu tsaˬ meh.

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 20:25

Ngaˬ-euˬ gʼaˇ duˬ kʼaˬ lo neh naw maꞈ lawˇ duˬ gawˬ ngeh, taꞈ paˆ-euˬ kʼaˬ lo neh taˬ gawˬ. Aˬ jeˬ miˇ neh ehˇ naˇ, naw maꞈ dzahˬ taꞈ yuˇ-awˇ kʼaˬ lo-ahˇ taꞈ ngeh, kʼaˬ lo kʼoeˇ maˬ muiˬ maˬ shawˇ ni pyeuꞈ-iˇ-awˇ, ngaˬ-euˬ gʼaˇ duˬ maˬ geuꞈ nya ni jahˇ gaˇ duˇ-eu meh.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Doˆ-iˇ 24:5

Kʼoeˇ naˇ, zaˬ guˬ deuˬ-ahˇ aˬ yawꞈ kʼehˇ gʼeh-awˇ, jeˬ zaˬ sehꞈ-awˇ, miˬ dzaˬ-ahˇ dzah puiˆ-eu laꞈ kʼoeˇ, cawˬ cawˬ taꞈ-eu lawˇ-eu jeˬ aˬ yawꞈ maꞈ Sahˬpaˬ Miˬyehˇ-ahˇ lawˇ nehˬ-euˬ meh.

Doˆ-iˇ 27:1

“Aˬkaˬshaˇ daˇ kawˬ yuˇ-awˇ, yaw mahˇ paw ngaˬ caˆ, yaw jeˇ paw ngaˬ caˆ, yaw goˇ paw smˬ caˆ byah-eu lawˇ duˬ tiˬ hmˬ jahˇ-awˬ.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Uˬ duˬ 17:9

Sahˬpaˬ Miˬyehˇ-ahˇ lawˇ nehˬ ngeh, Sehˬ gʼawˆ gʼoˆ kʼehˬ-ahˇ maˬ lawˇ-ehˇ yawˬ gaˇ yawˬ lawˇ naˇ, tsawˇ haˬ kʼoeˇ gʼaˬ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 12:21

Uˬ duˬ tahˬ-eu jawˇ duˬ kʼoeˇ aˇ dzehˬ-ehˇ kaˬ gaˇ jaˆ naˇ, ngaˬ neh naw maꞈ-ahˇ ehˇ nehˬ taˬ-euˬ loꞈ-ehˇ, Sahˬpaˬ Miˬyehˇ neh naw maꞈ-ahˇ biꞈ taˬ-euˬ mawˇ neˇ maˬ ehˇ, yawˇ maˬ ehˇ, sehꞈ-awˇ, naw maꞈ-euˬ nymˇ laꞈ kʼoeˇ dzaˬ nya tehꞈ-a.

Dawˬmehˬ 12:5

Naw maꞈ tsawˇ jeuˬ heu myaˆ ni gʼeh-eu miˇ kʼahˬ laꞈ kʼoeˇ, aˬ yawꞈ-euˬ mehˬ shi naw maꞈ le-awˇ, aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ Sahˬpaˬ Miˬyehˇ tseˇ doˆ tehꞈ-a.

Dawˬmehˬ 14:23

Kʼoeˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh aˬ yawꞈ-ahˇ uˬ duˬ bi tahˬ-eu lehˇ tseˇ doˆ taˬ-euˬ jawˇ duˬ-ahˇ le-awˇ, naw maꞈ-euˬ dzaˬ la gʼo cehˇ, aˬ gaꞈ dzaˇ uiˇ hawˇ-eu saˬ loˬ tsiˇ, mawˇ neˇ hawˇ-eu yawˇ, heu deuˬ laꞈ kʼoeˇ yuˇ doˆ taˬ-euˬ tseˇ bymˇ tiˬ bymˇ-ahˇ, kʼoeˇ gaˇ, aˬ yawꞈ-euˬ mehˬ shi dzaˬ-awˬ dawˇ-awˬ. Naw maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ-ahˇ aˬ myah luꞈ yaw zeu baw nya laˇ ni, kʼoeˇ loꞈ-ehˇ mˇ-awˬ.

Dawˬmehˬ 16:11

Nawˬ-euˬ zaˬ deuˬ, nawˬ-euˬ zaˬ kʼaˆ deuˬ, naw maꞈ-euˬ meuˬ deuˬ-ahˇ jawˇ luꞈ-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ nehˬ-ehˇ, uˬ duˬ tahˬ-eu jawˇ duˬ-ahˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ.

Dawˬmehˬ 26:2

naw maꞈ yawˬ gʼaˬ na luꞈ keuˆ beh beh le-euˬ dzaˬ la gʼo cehˇ aˇ siˬ aˇ lu yawˬ jeˬ na luꞈ kʼaˆ puˬ-ahˇ dawˆ ahˇ-awˇ, uˬ duˬ tahˬ-eu jawˇ duˬ-ahˇ ya hehˇ gʼeh meh.

Dawˬmehˬ 7:13

Naw maꞈ tsawˇ haˬ myaˬ laˇ-awˇ, zaˬ oeˬ sahˇ jawˇ le ni, aˬ yawꞈ naw maꞈ-ahˇ gaˬ-awˇ guiˬ lahˬ biꞈ laꞈ tehꞈ-a. Dzaˬ la gʼo cehˇ, aˬ gaꞈ dzaˇ uiˇ hawˇ-eu, saˬ loˬ tsiˇ za le ni, naw maꞈ-euˬ deh yaˇ hawˇ-eu yaˇ kmˇ deuˬ-ahˇ aˬ yawꞈ guiˬ lahˬ biꞈ laꞈ tehꞈ-a. Mawˇ neˇ hawˇ-eu yawˇ myaˬ laˇ behˇ laˇ ni, naw maꞈ-ahˇ aˬ yawꞈ guiˬ lahˬ biꞈ laꞈ tehꞈ-a. Naw maꞈ-ahˇ biꞈ-eu gʼaˇ duˬ naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ guiˬ lahˬ heu deuˬ, aˬ yawꞈ naw maꞈ-ahˇ biꞈ nehˬ laꞈ tehꞈ-a.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.