Doˆ-iˇ 20:21 - Akha

²¹ Ehˇ kʼawꞈ, tsawˇ haˬ kʼoeˇ deuˬ-aˬ, gaˇ mahˇ kaˬ gaˇ tehꞈ-ehˇ yawꞈ yaꞈ-awˇ, Moˇseˬ tiˬ gʼaˬ tehꞈ-ehˇ, Miˬyehˇ jawˇ-eu zahˇ tsui ni gʼeh-eu mˬ dmˇ dawˬ peh le-euˬ meh.

Doˆ-iˇ 20:21 ပူးပေါင်းရင်းမြစ်များ

1 Sahˬpaˬ 8:12

Kʼoeˇ naˇ, Sawˇlaˬmoˬ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ-oˇ, nawˇ-aˬ mˬ kʼoeˇ taˆ nahˇ ma beh taˬ-euˬ gʼaˬ pyeuꞈ kʼawꞈ, mˬ dmˇ hawˇ-eu yaw zahˇ laꞈ kʼoeˇ jawˇ ma lehˇ nawˇ noeˬ tsehˆ-euˬ meh.

2 Laˬsaˬbaˬ 6:1

Kʼoeˇ naˇ, sahˬ paˬ Sawˇlaˬmoˬ guiˬ lahˬ shaˇ-eu, “Sahˬpaˬ Miˬyehˇ-oˇ, mˬ dmˇ hawˇ-eu yaw zahˇ laꞈ kʼoeˇ jawˇ ma lehˇ nawˇ tseˇ geuꞈ-euˬ meh.

Jaceuq 104:2

yaw shehꞈ neh tsahˇ lahˇ taˬ-euˬ meh. Mˬ-ahˇ sehˬ gʼawˆ loꞈ-ehˇ nawˇ sheu taw-awˇ,

Jaceuq 18:12

Aˬyawꞈmehˬshi mˬmyawꞈmyawꞈngeh, uˬyehˇaˇsiˬhawˇ-eu miˬjiˆ, mˬdmˇ-ahˇneh doˆle-eu meh.

Jaceuq 18:9

Mˬngawˬgʼm-awˇyawꞈzaꞈle ngeh, yawꞈ-euˬaˬkuiˇpehˬzaˬuˬmoˆ, mˬdmˇyaw zahˇdaˬtaˬ-euˬmeh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Doˆ-iˇ 19:3

Kʼoeˇ ngeh, Miˬyehˇ-ahˇ tahˬ puˬ leˇ-eu gʼaˇ duˬ, gawˬ jawˬ-ahˇ Moˇseˬ le daˆ-euˬ meh. Sahˬpaˬ Miˬyehˇ gawˬ jawˬ-ahˇ jawˇ-awˇ Moˇseˬ-ahˇ kuˇ-eu laꞈ kʼoeˇ, Yaꞈkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-iˇ-euˬ meh.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 5:5

Kʼoeˇ ngeh, Sahˬpaˬ Miˬyehˇ neh ehˇ-euˬ jeˬ naw maꞈ-ahˇ ehˇ nehˬ-eu gʼaˇ duˬ, aˬ yawꞈ hawˇ-eu naw maꞈ-euˬ yaw kaˬ-ahˇ ngaˇ yawꞈ-euˬ ma. Aˬ jeˬ miˇ neh ehˇ naˇ, naw maꞈ miˬ dzaˬ-ahˇ guˆ-eu miˇ neh gawˬ jawˬ-ahˇ maˬ le daˆ peuˬ-a. Sahˬpaˬ Miˬyehˇ ehˇ-eu,

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.