Doˆ-iˇ 20:18 - Akha

¹⁸ Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 20:18 ပူးပေါင်းရင်းမြစ်များ

Aˇ dahˬ 15:17

Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

Aˇ dahˬ 3:10

Kʼoeˇ ngeh, kʼaˬ dzeˇ zaˬ gʼaˬ oˬ toˬ-awˇ ehˇ-eu, “Nawˇ yaˇ kmˇ laꞈ kʼoeˇ gaˇ ma cah luꞈ-eu teˇ saˇ ngaˇ ya gaˬ-euˬ ma. Ehˇ kʼawꞈ, ngaˇ mehˬ tsoeˬ maˬ dm luꞈ-eu miˇ neh nawˬ-ahˇ guˆ-awˇ dzuˇ zaꞈ luꞈ-eu ma” lehˇ ehˇ kʼoꞈ nehˬ-euˬ meh.

Jaceuq 81:7

Nawˇ guˆ-eu gaˆ-eu jeˬ tahˬ puˬ-awˇ ngaˬ-ahˇ kuˇ ngeh, nawˬ-ahˇ ngaˇ ka kʼoꞈ nehˬ-euˬ ma. Ngaˬ-euˬ dzuˇ yaꞈ duˬ pyeuꞈ-eu mˬ jeˬ jaˬ lehˇ laꞈ kʼoeˇ jawˇ-awˇ, nawˬ-euˬ shaˇ dawˬ-ahˇ ngaˇ naˇ haˬ-euˬ ma. Meˬliˇbaˬ lawˇ gawˆ dawˬ peh, nawˬ-ahˇ ngaˇ lawˬ haw-euˬ ma.

Yeˬlaˬmiˇ 23:23

“Ngaˇ-aˬ, yawˬ gaˇ na luꞈ jawˇ luꞈ-eu Miˬyehˇ pyeuꞈ-eu ma.

Dawˬmehˬ 18:16

“Siˇnaˆ gawˬ jawˬ-ahˇ naw maꞈ uiˬ leˇ ngeh nah, ‘Sahˬpaˬ Miˬyehˇ dawˬ ngehˬ-eu taˬ paˇ bi gaˬ nehˬ laꞈ.’ ‘Guˆ laˆ paˬ-ehˇ gʼeh-eu miˬ dzaˬ kʼawˇ zeuˇ taˬ paˇ bi mawˇ laꞈ’ lehˇ naw maꞈ shaˇ-euˬ meh. Naw maꞈ ya shiˇ gaˇ guˆ-eu miˇ neh, kʼoeˇ loꞈ-ehˇ naw maꞈ shaˇ-euˬ meh.

Dawˬmehˬ 4:36

Mˬ kʼoeˇ taˆ neh aˬ yawꞈ-euˬ teˇ saˇ bi gaˬ le-awˇ, naw maꞈ-ahˇ aˬ yawꞈ mehˬ nehˬ tsoˆ nehˬ-awˇ, miˇ tsaˬ kʼoeˇ taˆ aˬ yawꞈ-euˬ muiˬ-eu shawˇ-eu miˬ dzaˬ naw maꞈ-ahˇ bi mawˇ-awˇ, kʼoeˇ laꞈ kʼoeˇ naw maꞈ-ahˇ dawˬ ngehˬ cawˬ-euˬ meh.

Dawˬmehˬ 5:23

“Gawˬ jawˬ jawˬ lah ni miˬ dzaˬ doꞈ luꞈ-awˇ, zahˇ tsui ni gʼeh-eu laꞈ kʼoeˇ dawˬ ngehˬ doˆ laˇ-eu teˇ saˇ-ahˇ naw maꞈ ya gaˬ ngeh, naw maꞈ-euˬ aˬ yuiꞈ aˬ tsu deuˬ hawˇ-eu naw maꞈ tsawˇ jeuˬ deuˬ kʼoeˇ taˆ aˬ yuiꞈ geuꞈ-eu deuˬ, ngaˇ jawˇ gaˇ laˇ-euˬ meh.

Dawˬmehˬ 5:25

Ehˇ kʼawꞈ, guˆ laˇ paˬ-ehˇ gʼeh-eu miˬ dzaˬ kʼoeˇ laˆ cawˆ laˇ gaˇ guˆ-eu miˇ neh, nyiˬ poˆ maˬ paˇ naˇ haˬ peuˬ miˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ gaˇ tiˬ poˆ paˇ ya gaˬ lawˬ naˇ, maˇ maˇ ni ya shiˇ-eu miˇ-a.

Dawˬmehˬ 5:27

Moˇseˬ-oˇ, nawˇ gʼoꞈ leˇ-awˇ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ kʼaˇ ehˇ-eu jeˬ-ahˇ naˇ haˬ leˇ-awˬ. Kʼoeˇ naˇ, nga maꞈ jawˇ gaˇ paˇ gʼoꞈ le-awˇ, aˬ yawꞈ neh nawˬ-ahˇ kʼaˇ ehˇ nehˬ laꞈ-euˬ jeˬ paˇ dzawˇ mehˬ le-awˬ. Nga maꞈ naˇ haˬ geuꞈ-awˇ mˇ gʼeh ma’ lehˇ ehˇ-eu meh.

Dawˬmehˬ 5:5

Kʼoeˇ ngeh, Sahˬpaˬ Miˬyehˇ neh ehˇ-euˬ jeˬ naw maꞈ-ahˇ ehˇ nehˬ-eu gʼaˇ duˬ, aˬ yawꞈ hawˇ-eu naw maꞈ-euˬ yaw kaˬ-ahˇ ngaˇ yawꞈ-euˬ ma. Aˬ jeˬ miˇ neh ehˇ naˇ, naw maꞈ miˬ dzaˬ-ahˇ guˆ-eu miˇ neh gawˬ jawˬ-ahˇ maˬ le daˆ peuˬ-a. Sahˬpaˬ Miˬyehˇ ehˇ-eu,