Doˆ-iˇ 20:16 - Akha

¹⁶ “Aˬ cawˬ gʼaˇ duˬ, maˬ tsaˬ maˬ dawˇ-eu saˇ kiˇ, nawˇ maˬ ya kamˬ-a.

Doˆ-iˇ 20:16 ပူးပေါင်းရင်းမြစ်များ

Jaceuq 15:3

dawˬdoeˇmaˬngehˬdaˆ-eu tsawˇ haˬ, cawˬ-ahˇ maˬmˇlehˬ-eu tsawˇhaˬ, yawˬha dawˬpeh jawˇ-eu deuˬ-ahˇ, maˬja bu ni dehꞈ-eu tsawˇhaˬ,

Doˆ-iˇ 23:1

“Aˬ cawˬ gaˇ kawˆ, maˬ ngeuˇ gaˇ keuˆ ni ja bu ja doeˇ-eu jeˬ nawˇ maˬ ya mˇ-a. Maˬ tsaˬ maˬ dawˇ-eu tsawˇ haˬ jawˇ paw pyawˬ-awˇ, maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

Dawqdaq 10:18

Bye-eu jeˬ yuˇ zaꞈ taˬ-euˬ tsawˇ haˬ jaˬ myawꞈ myawꞈ-awˇ, yaw doeˇ ja byah-eu tsawˇ haˬ aˬ dzawˬ meh.

Dawqdaq 11:13

Mehˬ boeˬ myaˬ-eu tsawˇ haˬ zaꞈ taˬ-euˬ jeˬ ja doˆ-awˇ, jah coeˇ-eu tsawˇ haˬ maˬ ja paˬ-ehˇ gʼeh-eu jeˬ zaꞈ taˬ nya-eu meh.

Dawqdaq 19:5

Tsawˇ kaˬ yaw lehˬ guiˇ oꞈ-awˇ, jaˬ myawꞈ dawˬ lehˬ maˬ zaꞈ byoˆ nya-a.

Dawqdaq 25:18

Maˬ ngeuˇ gaˇ smˇ kʼoeˬ lehꞈ-eu jeˬ-aˬ, mi cehˇ, diˬ puˬ hawˇ-eu taˆ dui dui-eu kaˆ myaˬ loꞈ-ehˇ tsawˇ shiˇ uˬ kʼawˇ laˆ deuˬ nya-eu meh.

Uˬ duˬ 19:11

“Smˇ kʼoeˬ taˬ kʼoeˬ. Tsawˇ gahˇ taˬ gahˇ. Jaˬ myawꞈ taˬ myawꞈ.

Uˬ duˬ 19:16

Aˬ cawˬ gaˇ kawˆ jaˬ myawꞈ myawꞈ-eu laꞈ kʼoeˇ taˬ ja bu. Tsawˇ haˬ tiˬ gʼaˬ na, tsawˇ shiˇ uˬ kʼawˇ-ahˇ deuˬ ni yaˇ kʼaˬ daˇ nehˬ-eu jeˬ-ahˇ ya daˬ paˬ-ehˇ keuˆ laˇ ngeh, aˬ yawꞈ-ahˇ caw ba nya-eu saˇ kiˇ saˇ seˬ jaˆ naˇ, ngehˬ doˆ tmˇ doˆ nehˬ-awˬ. Ngaˇ-aˬ, Sahˬpaˬ Miˬyehˇ ma.

Uˬ duˬ 19:18

Aˬ cawˬ-ahˇ jahˇ kʼoꞈ nehˬ mawꞈ-eu nui ma taˬ bi ahˇ. Aˬ cawˬ-ahˇ bye-eu nui ma taˬ bi jaˆ. Ehˇ kʼawꞈ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ. Ngaˇ-aˬ, Sahˬpaˬ Miˬyehˇ ma.

Maꞈtehˬ 19:18

A yawꞈ ehˇ-eu, “Zahˇ dawˬ kʼoꞈ dawˬ aˬ geu deuˬ-ahˇ ya caw teh ta.” Yeˬsuˇ ehˇ-eu, “Tsawˇ haˬ taˬ sehꞈ. Aˬ cawˬ-euˬ miˬ zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ.

Luˇkaꞈ 3:14

Yehˇdeuˬ kʼawꞈ aˬ yawꞈ-ahˇ naˇ haˬ-eu, “Nga maꞈ toe. Aˬ joˆ-ehˇ ya jahˇ nmˇ.” Aˬ yawꞈ ehˇ-eu, “Aˬ cawˬ-ahˇ nawˬ dzaˬ kʼaˆ dzaˬ-eu jeˬ hawˇ-eu, laˆ dzaˬ gahˇ dzaˬ-eu jeˬ taˬ mˇ. Yawˬ ha za luꞈ-eu ba la aˇ poeˬ-ahˇ nui kʼahˇ shiˇ-awˬ.”

Gʼaˬkʼehˇ 6:13

Kʼoeˇ naˇ, jaˬ myawꞈ myawꞈ-eu gʼaˇ duˬ aˬ yawꞈ maꞈ neh mehˬ gahˇ taˬ-euˬ tsawˇ haˬ deuˬ sheuˬ ahˇ laꞈ-awˇ, heu loꞈ-ehˇ bi ehˇ-euˬ meh. “Tsawˇ haˬ heu gʼaˬ-aˬ, aˬ dui-euˬ muiˬ-eu shawˇ-eu Uˬ duˬ tahˬ nymˇ nymˇ ma hawˇ-eu Moˇseˬ-euˬ Zahˇ dawˬ kʼoꞈ dawˬ-ahˇ bahˬ leˇ-eu dawˬ maˬ tsehˆ leˇ ni ngehˬ luꞈ meh.

Eˇpeˇsu 4:31

Aˬ cawˬ-ahˇ nui ma naˇ-eu jeˬ maˬ ehˇ, nui ma nymˇ-eu jeˬ maˬ ehˇ, nui ma pehˇ-eu jeˬ maˬ ehˇ, byehˇ dzeh jiˇ-awˬ. Aˬ cawˬ-ahˇ guˇ guˇ-ehˇ ceh-awˇ yaˬ kʼehˇ yaˬ-eu jeˬ hawˇ-eu, aˬ cawˬ-ahˇ bye-eu jeˬ taˬ paˇ mˇ.

Dawˬmehˬ 5:20

“Aˬ cawˬ gʼaˇ duˬ maˬ tsaˬ maˬ dawˇ-eu saˇ kiˇ nawˇ maˬ ya kamˬ-a.

1 Tiˆmoˇseˬ 1:10

maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, aˬ cawˬ nehˬ-ehˇ joe-eu tsawˇ haˬ, tsawˇ haˬ-ahˇ paꞈ-awˇ pyuˇ shaˇ-eu tsawˇ haˬ, jaˬ myawꞈ myawꞈ-eu tsawˇ haˬ, maˬ tsaˬ maˬ dawˇ-eu tsawˇ kaˬ geuꞈ-eu tsawˇ haˬ, tsaˬ-eu dawˇ-eu jah-eu jeˬ-ahˇ laˆ pyaˆ-eu jeˬ mˇ-eu tsawˇ haˬ, heu loꞈ-ehˇ gʼeh-eu tsawˇ haˬ deuˬ gʼaˇ duˬ taˬ taˬ-euˬ meh.

2 Tiˆmoˇseˬ 3:3

gʼawˬ shaˬ gaˬ-eu maˬ siˬ nya-eu, aˬ cawˬ-ahˇ maˬ dehꞈ tsaˬ-eu, ja bu ja doeˇ-eu, dawꞈ-eu ceh-eu, guˆ laˇ paˬ-ehˇ zuiˆ-eu, yaw muiˬ jeˬ-ahˇ muiˇ-eu,

Yaˬkoˆ 4:11

Aˬ yuiꞈ aˬ nyiˇ Ka li zaˬ deuˬ-oˇ, tiˬ gʼaˬ tiˇ gʼaˬ ja bu ja doeˇ-eu jeˬ taˬ mˇ. Ka li zaˬ cawˬ cawˬ ja doeˇ-awˇ yaw lehˬ poˆ-eu tsawˇ haˬ-aˬ, Zahˇ dawˬ kʼoꞈ dawˬ-ahˇ ja doeˇ-awˇ yaw lehˬ poˆ gaˇ duˇ-eu meh. Naw maꞈ Zahˇ dawˬ kʼoꞈ dawˬ-ahˇ yaw lehˬ poˆ naˇ, Zahˇ dawˬ kʼoꞈ dawˬ-ahˇ naˇ haˬ geuꞈ-eu tsawˇ haˬ maˬ paˇ ngeuˇ-ehˇ, Zahˇ dawˬ kʼoꞈ dawˬ-ahˇ yaˇ kʼaˬ daˇ-eu tsawˇ haˬ pyeuꞈ-eu meh.