Doˆ-iˇ 20:13 - Akha

¹³ “Aˬ cawˬ-ahˇ nawˇ maˬ ya sehꞈ-a.

Doˆ-iˇ 20:13 ပူးပေါင်းရင်းမြစ်များ

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

2 Laˬsaˬbaˬ 24:22

Sahˬ paˬ Yawˇshaˆ-aˬ, Zaˬkaˬliˇ-euˬ aˬ da Yeˬhawˇyaˬdaˬ neh aˬ yawꞈ-ahˇ ngehˬ gʼeh caw ba nehˬ-euˬ deuˬ-ahˇ maˬ noeˬ keuˆ-ehˇ Zaˬkaˬliˇ-ahˇ bi sehꞈ-euˬ meh. Zaˬkaˬliˇ shiˇ leˇ ngeh, “Naw maꞈ neh mˇ-euˬ jeˬ-ahˇ Sahˬpaˬ Miˬyehˇ mawˇ-awˇ, naw maꞈ-ahˇ kʼehˬ nehˬ kʼaˆ nehˬ luꞈ-uˇ” lehˇ ehˇ-awˇ shiˇ-euˬ meh.

Doˆ-iˇ 21:12

“Tsawˇ haˬ aˬ geu gʼaˬ maˬ kaˬ, tsawˇ haˬ tiˬ gʼaˬ na-ahˇ laˆ tahˬ-awˇ bi shiˇ naˇ, aˬ yawꞈ-ahˇ ya sehꞈ meh.

Doˆ-iˇ 21:14

Ehˇ kʼawꞈ, tsawˇ haˬ tiˬ gʼaˬ na nui ma pehˇ laˇ-awˇ, yawˬ gʼaˬ yawˬ-ahˇ sehꞈ naˇ, ngaˬ-euˬ lawˇ duˬ-ahˇ aˬ yawꞈ cehˆ-iˇ-awˇ cehˆ buˬ-euˬ kʼawꞈ, aˬ yawꞈ-ahˇ gʼeu doˆ-awˇ ya sehꞈ tehꞈ-a.

Doˆ-iˇ 21:20

“Tsawˇ haˬ tiˬ gʼaˬ na, yawˬ ha-euˬ zaˬ miˬ zaˬ zaˬ kʼaˆ-ahˇ maˬ ehˇ, kʼaˬ dzeˇ zaˬ zaˬ kʼaˆ-ahˇ maˬ ehˇ, daˇ kawˬ neh diˬ-awˇ, maˬ bi luˆ-iˇ ni, aˬ yawꞈ tsahˇ-ahˇ neh diˬ sehꞈ naˇ, kʼehˬ nehˬ kʼaˆ nehˬ-eu jeˬ-ahˇ ya daˬ tehꞈ-a.

Doˆ-iˇ 21:29

Ehˇ kʼawꞈ, mawˇ neˇ kʼoeˇ mawˇ dzeuˇ laˇ ngeh tsawˇ haˬ-ahˇ tahˬ-euˬ jaˆ-awˇ, yaw sahˇ gʼaˬ-ahˇ ehˇ nehˬ-euˬ kʼawꞈ, maˬ paꞈ ni pyehˬ taˬ-awˇ, tsawˇ haˬ-ahˇ paˇ tahˬ sehꞈ-euˬ jeˬ pyeuꞈ naˇ, mawˇ neˇ kʼoeˇ mawˇ-ahˇ kʼaˬ lo neh biˬ sehꞈ-awˇ, yaw sahˇ gʼaˬ kʼawꞈ, sehꞈ nehˬ gaˇ ya daˬ tehꞈ-a.

Doˆ-iˇ 23:7

Maˬ tsaˬ maˬ dawˇ-eu laꞈ kʼoeˇ, aˬ cawˬ-ahˇ iˬ baˇ taˬ-awˇ, yaˇ kʼaˬ maˬ ya ja-a. Maˬ lehˬ maˬ ca-eu tsawˇ haˬ-ahˇ maˬ ya sehꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ maˬ tsaˬ maˬ dawˇ-eu jeˬ mˇ-eu tsawˇ haˬ-ahˇ, ngaˇ iˬ baˇ maˬ pyehˬ nya-a.

Dawqdaq 1:11

“Oe-awˬ, tsawˇ haˬ sehꞈ kaˇ-euˇ. Iˬ baˇ maˬ ahˇ-eu deuˬ-ahˇ sehꞈ niˇ gʼa kaˇ-euˇ.

Dawqdaq 1:18

Ehˇ kʼawꞈ yawˬ ha uˬ kʼawˇ yawˬ ha laˆ deuˬ-eu lehˇ, tsawˇ haˬ kʼoeˇ deuˬ joe yuꞈ-awˇ loꞈ-eu meh. Yawˬ ha-ahˇ bi pyeuˆ sehꞈ-eu jeˬ beuˆ tahˇ luꞈ-eu meh.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Uˬ duˬ 24:17

“Aˬ cawˬ-ahˇ sehꞈ-eu tsawˇ haˬ-aˬ, yaw ha-ahˇ sehꞈ nehˬ gaˇ paˇ ya daˬ tehꞈ-a.

Uˬ duˬ 24:21

Jeˬ zaˬ-ahˇ sehꞈ-euˬ tsawˇ haˬ-aˬ, jeˬ zaˬ ya tsoeˬ kʼoꞈ nehˬ tehꞈ-a. Ehˇ kʼawꞈ, tsawˇ haˬ-ahˇ sehꞈ-eu tsawˇ haˬ-aˬ, aˬ yawꞈ-ahˇ sehꞈ nehˬ gaˇ paˇ ya daˬ tehꞈ-a.

Maꞈtehˬ 19:18

A yawꞈ ehˇ-eu, “Zahˇ dawˬ kʼoꞈ dawˬ aˬ geu deuˬ-ahˇ ya caw teh ta.” Yeˬsuˇ ehˇ-eu, “Tsawˇ haˬ taˬ sehꞈ. Aˬ cawˬ-euˬ miˬ zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ.

Maˬkuˆ 10:19

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Tsawˇ haˬ taˬ sehꞈ. Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Jaˬ myawꞈ taˬ myawꞈ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Luˇkaꞈ 18:20

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Tsawˇ haˬ taˬ sehꞈ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Gʼaˬkʼehˇ 16:28

Ehˇ kʼawꞈ, Pawˇluˆ yaw kʼaˆ-ehˇ guˇ-awˇ ehˇ nehˬ-eu, “Nawˬ-euˬ gʼawˇ mawˇ-ahˇ tiˬ jeˬ-iˬ taˬ jahˇ. Nga maꞈ dawˬ tawˆ luꞈ heu gaˇ jawˇ jiˇ ma.”

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”

Lormav 13:9

“Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Tsawˇ haˬ taˬ sehꞈ. Smˇ kʼoeˬ taˬ kʼoeˬ. Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ ehˇ taˬ-euˬ zahˇ dawˬ kʼoꞈ dawˬ heu deuˬ uˬ taꞈ, zahˇ dawˬ kʼoꞈ dawˬ nui deuˬ dawˬ tawˆ luꞈ, “Yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ” lehˇ ehˇ-eu dawˬ heu dawˬ laꞈ kʼoeˇ ahˇ jiˇ-eu meh.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

Dawˬmehˬ 5:17

“Aˬ cawˬ-ahˇ nawˇ maˬ ya sehꞈ-a.

1 Tiˆmoˇseˬ 1:9

Ehˇ kʼawꞈ, zahˇ dawˬ kʼoꞈ dawˬ-aˬ, tsawˇ haˬ yaw muiˬ deuˬ gʼaˇ duˬ taˬ taˬ-euˬ maˬ ngeuˇ-a. Zahˇ dawˬ kʼoꞈ dawˬ-ahˇ mˇ bahˬ-eu tsawˇ haˬ, naˬ lehˬ lehˬ-eu tsawˇ haˬ, Miˬyehˇ-ahˇ yaw zeu maˬ baw-eu tsawˇ haˬ, iˬ baˇ mˇ-eu tsawˇ haˬ, uˬ duˬ tahˬ-eu zahˇ sahˇ kʼoꞈ hawˇ-eu guiˬ lahˬ saꞈ laˇ paw maˬ taˬ huiˬ-eu tsawˇ haˬ, aˬ da aˬ ma-ahˇ sehꞈ-eu tsawˇ haˬ, aˬ cawˬ-ahˇ sehꞈ-eu tsawˇ haˬ,

Yaˬkoˆ 2:11

Aˬ jeˬ miˇ neh ehˇ naˇ, “Aˬ cawˬ-euˬ miˬ sawˇ yo zaˬ-ahˇ maˬ ya bahˬ maˬ ya muˆ-a” lehˇ ehˇ-eu hawˇ-eu, “Tsawˇ haˬ-ahˇ maˬ ya sehꞈ-a” lehˇ ehˇ-eu kʼoeˇ-aˬ, aˬ yawꞈ tiˬ gʼaˬ neh ehˇ-euˬ dawˬ meh. Aˬ cawˬ-euˬ miˬ sawˇ yo zaˬ-ahˇ nawˇ maˬ bahˬ maˬ muˆ-euˬ kʼawꞈ, tsawˇ haˬ sehꞈ naˇ, zahˇ dawˬ kʼoꞈ dawˬ-ahˇ mˇ bahˬ-euˬ meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.