Doˆ-iˇ 20:12 - Akha12 “Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh. အခန်းကိုကြည့်ပါ။ |
Doˆ-iˇ 20:12
42 ပူးပေါင်းရင်းမြစ်များ
Kʼoeˇ naˇ, Aˬdawˇniˇyaˆ-euˬ dah zaˇ sahˬ paˬ-ahˇ dawˬ ngehˬ cawˬ leˇ-eu lehˇ, Baˬsheˬba le-euˬ meh. Sahˬpaˬ tsawˬ tuˇ laˇ-awˇ, aˬ yawꞈ-euˬ aˬ ma-ahˇ ha-awˇ, aˬ yawꞈ aˬ ma-euˬ mehˬ shi awˆ byaˆ-eu laꞈ kʼoeˇ yaw zeu baw nehˬ-euˬ meh. Kʼoeˇ naˇ, dzoeˬ dzaˬ nuiˇ mahˬ-ahˇ aˬ yawꞈ paˇ nuiˇ-awˇ, nuiˇ mahˬ yawˬ hmˬ yawˬ paˇ bi baꞈ laꞈ-awˇ, aˬ yawꞈ aˬ ma-ahˇ aˬ yawꞈ-euˬ aˇ maˇ paw bi nuiˇ-euˬ meh.
Kʼoeˇ loꞈ-ehˇ sheuˬ kʼoꞈ daˆ gʼeh luꞈ gaˇ Eˇliˇshehˇ ya mawˇ-awˇ, Eˇliˇyaˆ-ahˇ, “Ngaˬ da-oˇ, Iˇsaˬleˬlaˆ miˇ kʼahˬ-ahˇ haw piˇ-eu gʼaˬ pyeuꞈ-eu baoˬ huiˬ-eu ngaˬ da-oˇ, nawˇ ngaˬ-ahˇ taꞈ yaꞈ-euˬ ma loˇ” lehˇ, guˇ guˇ-ehˇ ehˇ-eu meh. Kʼoeˇ ngeh neh naˇ, Eˇliˇyaˆ-ahˇ aˬ yawꞈ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Eˇliˇshehˇ noeˬ shaˬ-eu laꞈ kʼoeˇ, aˬ yawꞈ-euˬ pehˇ kʼahˬ pehˇ mahˇ lehˆ-awˇ, nyiˬ paˆ cehˬ paˆ doˆ gʼeh-euˬ meh.
Kʼoeˇ naˇ, Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Leˬkaˆ tsawˇ haˬ deuˬ-ahˇ ngaˇ ehˇ nehˬ-euˬ ma. “Naw maꞈ-euˬ aˬ poeˬ Yawˇnaˬdehˇ neh biꞈ taˬ yaꞈ-euˬ dawˬ-ahˇ naw maꞈ naˇ haˬ-awˇ dehꞈ-euˬ meh. Aˬ yawꞈ neh kʼaˇ mehˬ kʼaˇ tsoˆ taˬ-euˬ jeˬ-ahˇ naw maꞈ caw teh-awˇ, aˬ yawꞈ neh dawˬ kʼaˇ biꞈ taˬ-euˬ yawˬ jeˬ na luꞈ naw maꞈ mˇ-euˬ meh.
Nymˇ maˬ tsoˆ, deh yaˇ maˬ mˇ ni ya jawˇ-awˇ, aˬ gaꞈ yaˇ kmˇ mˇ-eu maˬ ehˇ, zeuˇ-eu maˬ ehˇ, maˬ ya jahˇ-a lehˇ, nga maꞈ-ahˇ aˬ yawꞈ ehˇ taˬ-euˬ meh. Boeˇ miˬ siˬ kʼaˬ loꞈ-ehˇ nga maꞈ ya jawˇ luꞈ-eu miˇ kʼahˬ heu kʼahˬ laꞈ kʼoeˇ, gʼawˬ myahˇ ni ya jawˇ daˆ leꞈ-eu gʼaˇ duˬ, aˬ myah luꞈ sehˬ gʼawˆ tehꞈ-ehˇ gʼawˆ-awˇ ya jawˇ meh lehˇ, aˬ yawꞈ dawˬ biꞈ taˬ-euˬ meh.
Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.
Mehˬ-eu tsoˆ-eu dawˬ heu deuˬ-aˬ, gaˇ dahˇ maˬ tsoeˬ-eu dawˬ deuˬ maˬ ngeuˇ-a. Heu-aˬ, naw maꞈ-euˬ dehꞈ jeˬ dehꞈ kawˆ meh. Heu deuˬ-ahˇ naˇ haˬ geuꞈ naˇ, naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ paw jaˆ-eu miˇ kʼahˬ kʼoeˇ kʼahˬ laꞈ kʼoeˇ, naw maꞈ gʼawˬ myahˇ ni ya dehꞈ ya jawˇ tehꞈ-a.”
Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.
Naw maꞈ hawˇ-eu naw maꞈ-euˬ zaˬ deuˬ yaw muiˬ paˬ-ehˇ ya dehꞈ dzaˬ ni, iˬ nah ngaˇ naw maꞈ-ahˇ biꞈ nehˬ-eu aˬ yawꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ geuꞈ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ mˬ maˬ maˬ byaˆ zaˇ ziˇ jiˇ ni biꞈ taˬ-euˬ miˇ kʼahˬ kʼoeˇ kʼahˬ-ahˇ naw maꞈ ya dehˬ ya jawˇ daˆ leꞈ tehꞈ-a.”
Miˇ kʼahˬ kʼoeˇ kʼahˬ laꞈ kʼoeˇ naw maꞈ gʼawˬ myahˇ ni ya dehꞈ ya jawˇ daˆ leꞈ-eu gʼaˇ duˬ, naw maꞈ yaw dehꞈ kʼaˇ dehꞈ kʼoeˇ keuˆ ni, naw maꞈ hawˇ-eu naw maꞈ-euˬ zaˬ deuˬ naw maˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ-awˇ, ngaˇ naw maꞈ-ahˇ biꞈ-eu lehˇ gʼeh-eu aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-awˬ.
Kʼoeˇ gaˇ neh naˇ, Mawˇbaˆ miˇ kʼahˬ laꞈ kʼoeˇ jaˆ-eu Miˇzaˬpaˬ meuˬ-ahˇ Daˬbiˇ iˇ-awˇ, “Miˬyehˇ ngaˬ-euˬ gʼaˇ duˬ gaˇ ma aˬ joˆ-ehˇ laˆ saˆ taˬ-euˬ gaˇ kawˆ ngaˇ maˬ ya siˬ duˬ kʼoeˇ keuˆ ni, ngaˬ da hawˇ-eu ngaˬ ma-ahˇ nawˬ nehˬ-ehˇ tiˬ kʼehˬ bi jawˇ nehˬ laꞈ lehˇ nawˬ-ahˇ shaˇ-eu ma” lehˇ, Mawˇbaˆ sahˬ paˬ-ahˇ Daˬbiˇ ehˇ nehˬ-euˬ meh.
ကြော်ငြာတွေ