Doˆ-iˇ 2:6 - Akha

⁶ Sahˬ paˬ zaˬ miˬ kʼoeˇ gʼaˬ pawˬ tuˇ kʼoeˇ siˬ pah haw ngeh, aˬ li zaˬ nahˬ tiˬ gʼaˬ-ahˇ ya mawˇ-euˬ meh. Aˬ li kʼoeˇ li ngoeˇ luꞈ-eu meh. Aˬ li kʼoeˇ li-ahˇ aˬ yawꞈ gʼawˬ shaˬ gaˬ-awˇ, “Aˬ li heu li-aˬ, Heˬbyehˇ tsawˇ haˬ-euˬ zaˬ pyeuꞈ-eu nga” lehˇ ehˇ-eu meh.

Doˆ-iˇ 2:6 ပူးပေါင်းရင်းမြစ်များ

1 Sahˬpaˬ 8:50

Aˬ yawꞈ maꞈ neh mˇ lehˬ-euˬ iˬ baˇ hawˇ-eu nawˬ-ahˇ puiˬ-euˬ iˬ baˇ dawˬ tawˆ luꞈ-ahˇ nawˇ pyehˬ nehˬ-awˇ, muiˇ-eu deuˬ aˬ yawꞈ maꞈ-ahˇ gʼawˬ shaˬ gaˬ nehˬ nya ni caw ba nehˬ-awˬ.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Jaceuq 106:46

kʼehˬ-eu kʼaˆ-eu tsawˇ haˬ deuˬ aˬ yawꞈ maꞈ-ahˇ gʼawˬ shaˬ haw gaˬ ni, aˬ yawꞈ laˆ saˆ nehˬ-euˬ meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Doˆ-iˇ 2:5

Kʼoeˇ ngeh, sahˬ paˬ zaˬ miˬ lawˇ baˬ-ahˇ iˇ cuꞈ dzuiꞈ le-awˇ, aˬ yawꞈ-euˬ zaˬ miˬ zaˬ zaˬ kʼaˆ deuˬ lawˇ baˬ lawˇ deh caw caw-ehˇ cah luꞈ-eu meh. Aˇ toꞈ toꞈ yaˇ laꞈ kʼoeˇ jaˆ-eu pawˬ tuˇ tiˬ siˬ-ahˇ sahˬ paˬ zaˬ miˬ kʼoeˇ gʼaˬ tiˬ poˆ tehꞈ-ehˇ ya mawˇ-awˇ, aˬ yawꞈ-euˬ zaˬ kʼaˆ-ahˇ kʼehˇ-awˇ bi ciˬ doˆ laˬ-iˇ-euˬ meh.

Doˆ-iˇ 2:7

Kʼoeˇ ngeh, “Nawˬ-euˬ gʼaˇ duˬ zaˬ heu gʼaˬ-ahˇ bi haw-eu Heˬbyehˇ tsawˇ jeuˬ zaˬ miˬ zaˬ tiˬ gʼaˬ, ngaˇ ya kuˇ laˬ-iˇ nmˇ loˇ” lehˇ, aˬ li kʼoeˇ li-euˬ dmˇ ma gʼaˬ sahˬ paˬ zaˬ miˬ-ahˇ naˇ haˬ-euˬ meh.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Yeˬlaˬmiˇ 34:9

Tsawˇ haˬ yawˬ gʼaˬ na luꞈ, yawˬ ha-euˬ tsawˇ jeuˬ pyeuꞈ-eu Heˬbyehˇ tsawˇ haˬ kʼaˬ dzeˇ zaˬ hawˇ-eu zaˬ miˬ zaˬ zaˬ kʼaˆ dawˬ tawˆ luꞈ-ahˇ, zaˬ kʼaˆ maˬ bi geuꞈ ni pyehˬ nehˬ jiˇ-eu gʼaˇ duˬ, saˇ jaˇ dzaˬ-euˬ meh.

Gʼaˬkʼehˇ 7:21

Aˬ yawꞈ-ahˇ laꞈ nyiˇ ciˬ dzeh ha-iˇ ngeh, sahˬ paˬ zaˬ miˬ neh ciˬ cu-awˇ, aˬ yawꞈ-euꞈ aˬ li loꞈ-ehˇ cu huiˬ geuꞈ-euˬ meh.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.