Doˆ-iˇ 2:24 - Akha

²⁴ Aˬ yawꞈ maꞈ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ Miˬyehˇ ya gaˬ ngeh, Aˬbyaˬhaˬ, Iˇtsaˆ hawˇ-eu Yaˬkoˆ-ahˇ aˬ yawꞈ neh dawˬ ma saˇ jaˇ dzaˬ taˬ-euˬ gaˇ noeˬ keuˆ-euˬ meh.

Doˆ-iˇ 2:24 ပူးပေါင်းရင်းမြစ်များ

Aˇ dahˬ 15:13

Aˬ yawꞈ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ zaˬ nawˬ-euˬ uˆ deuˬ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ loꞈ-ehˇ ya jawˇ tehꞈ-a. Oeˬ yaˇ kʼoꞈ keuˆ ni aˬ yawꞈ maꞈ aˬ cawˬ zaˬ kʼaˆ ya geuꞈ-awˇ, aˬ cawˬ kʼehˬ nehˬ kʼaˆ nehˬ gaˇ ya daˬ tehꞈ-a.

Aˇ dahˬ 16:11

Nawˇ aˬ li tiˬ li jawˇ le-awˇ, aˬ li kʼoeˇ li-ahˇ Iˇshaˬmeˬlaˇ lehˇ ya myahˇ nehˬ tehꞈ-a. Aˬ jeˬ miˇ neh ehˇ naˇ, nawˇ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 18:18

Aˬ yawꞈ-euˬ zaˬ deuˬ uˆ deuˬ-aˬ, tsawˇ myahˇ doˆ-awˇ baoˬ huiˬ-eu tsawˇ jeuˬ pyeuꞈ laˇ tehꞈ-a. Aˬ yawꞈ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Aˇ dahˬ 22:16

“Nawˇ smˇ muiˬ muiˬ dui dui laˇ ni guiˬ lahˬ biꞈ-eu gʼaˇ duˬ, ngaˬ-euˬ tsawˇ myahˇ uˬ moˆ ngaˇ nawˬ-ahˇ saˇ jaˇ dzaˬ-eu ma lehˇ, Sahˬpaˬ Miˬyehˇ ehˇ-eu meh. Aˬ jeˬ miˇ neh ehˇ naˇ, nawˬ li tiˬ gʼaˬ tehꞈ-ehˇ jawˇ-eu kʼawꞈ, ngaˬ-euˬ gʼaˇ duˬ nawˇ lawˇ nehˬ peuˬ-eu meh.

Aˇ dahˬ 26:2

Sahˬpaˬ Miˬyehˇ Iˇtsaˆ jawˇ gaˇ oe-awˇ ehˇ-eu, “Iˇjiˇtuˆ miˇ kʼahˬ-ahˇ taˬ iˇ. Miˇ kʼahˬ heu kʼahˬ laꞈ kʼoeˇ ngaˇ nawˬ-ahˇ kʼaˇ bi jawˇ-eu tsahˇ-ahˇ jawˇ-awˬ.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 26:3

Nawˇ heu gaˇ jawˇ naˇ, nawˬ nehˬ-ehˇ ngaˇ jawˇ-awˇ nawˬ-ahˇ ngaˇ guiˬ lahˬ biꞈ nehˬ ma. Miˇ kʼahˬ heu kʼahˬ kʼahˬ lah ni nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Nawˬ da Aˬbyaˬhaˬ nehˬ-ehˇ ngaˬ neh dzaˬ taˬ-euˬ saˇ jaˇ-ahˇ ngaˇ mˇ byah ma.

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 35:12

Aˬbyaˬhaˬ hawˇ-eu Iˇtsaˆ-ahˇ ngaˬ neh biꞈ-euˬ miˇ kʼahˬ kʼoeˇ kʼahˬ, nawˇ hawˇ-eu aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma.”

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

Jaceuq 102:2

Ngaˇ shaˬ zahˬ ya tahˬ puˬ ngeh, taˬ byehˇ dzeh nehˬ laꞈ. Ngaˬ-euˬ shaˇ dawˬ-ahˇ naˇ haˬ-awˇ, ngaˇ kuˇ ngeh yaw kawˇ-ehˇ oˬ toˬ nehˬ laꞈ.

Jaceuq 102:20

Paꞈ kuˆ-ahˇ bi nyehꞈ uˇ taˬ-euˬ deuˬ mahˇ gaˇ aˬ yawꞈ gaˬ-awˇ, biˬ sehꞈ-eu lehˇ gʼeh-eu deuˬ-ahˇ pyehˬ nehˬ-eu meh.

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

Jaceuq 106:45

Aˬ yawꞈ maꞈ-euˬ gʼaˇ duˬ dawˬ ma saˇ jaˇ-ahˇ noeˬ keuˆ nehˬ-awˇ, aˬ yawꞈ-euˬ huiˬ-eu gʼoeˇ-eu gaˬ-eu jeˬ baˬ da neh, aˬ yawꞈ nui ma juˆ-iˇ-eu laꞈ kʼoeˇ,

Jaceuq 138:3

Nawˬ-ahˇ ngaˇ kuˇ ngeh, ngaˬ-euˬ dawˬ-ahˇ naˇ haˬ nehˬ laꞈ-awˇ, nawˬ-euˬ gʼaˬ neh ngaˬ-ahˇ gʼaˬ lahˬ lahˬ nehˬ laꞈ-euˬ meh.

Jaceuq 22:24

Shaˬzaˬ-ahˇyawꞈmaˬbyehˇdzeh-ehˇ, shaˬzahˬnaꞈ-euˬgaˇmaˬngehˇni, caw ba le ni shaˇ-eu dawˬ-ahˇ, maˬbyehˇni naˇhaˬnehˬ-eu meh.

Jaceuq 22:5

Aˬyawꞈmaꞈnawˬ-ahˇguˇgaˬ-awˇ, shaˬzahˬguˆgaˆya dzeuˇ-iˇ-awˇ, nawˬ-ahˇgʼoe-euˬbaˬda baˇneh, nui ma cawˆgaˇ maˬya keuˆ-a.

Jaceuq 79:11

Paꞈ kuˆ-ahˇ bi dawˆ-euˬ tsawˇ haˬ deuˬ mahˇ gaˇ naˇ haˬ sheˇ. Aˬ cawˬ neh bi sehꞈ-eu lehˇ gʼeh-eu tsawˇ haˬ kʼoeˇ deuˬ-ahˇ, nawˬ-euˬ huiˬ-eu baoˬ-ahˇ gʼoe-awˇ pyehˬ doˆ nehˬ-awˬ.

Doˆ-iˇ 6:5

Nymˬ-mˇ, Iˇsaˬleˬlaˆ tsawˇ haˬ deuˬ Iˇjiˇtuˆ tsawˇ haˬ-euˬ zaˬ kʼaˆ geuꞈ-awˇ ngoeˇ luꞈ-eu teˇ saˇ-ahˇ ngaˇ ya gaˬ ngeh, ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-eu ma.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Gʼaˬkʼehˇ 7:34

Ngaˬ-euˬ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ ngaˇ mawˇ-euˬ ma. Aˬ yawꞈ maꞈ shaˬ zahˬ naꞈ dui dui-eu laꞈ kʼoeˇ mahˇ luꞈ-eu teˇ saˇ-ahˇ ngaˇ gaˬ-awˇ, aˬ yawꞈ maꞈ-ahˇ bi buˬ bi law-iˇ-eu lehˇ ngaˇ zaꞈ ka le-euˬ ma. Laˇ-awˬ. Ngaˇ nawˬ-ahˇ Iˇjiˇtuˆ miˇ kʼahˬ-ahˇ kʼehˇ gʼeh-eu ma.’

Yaˇ kʼaˬ daˇ 2:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ aˬ yuiꞈ aˬ tsu tiˬ gʼaˬ kʼaˇ biꞈ nehˬ ngeh, aˬ yuiꞈ aˬ tsu kʼoeˇ gʼaˬ kʼaˇ dehꞈ kʼoeˇ keuˆ ni aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ, muiˇ-eu tsawˇ haˬ deuˬ-euˬ aˬ laꞈ laꞈ kʼoeˇ neh bi ka kʼoꞈ-euˬ meh. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ mahˇ luꞈ-eu teˇ saˇ-ahˇ Sahˬpaˬ Miˬyehˇ ya gaˬ ngeh, aˬ yawꞈ maꞈ-ahˇ gʼawˬ shaˬ gaˬ-euˬ meh.

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”