Doˆ-iˇ 2:22 - Akha

²² Kʼoeˇ naˇ, Ziˬpoˇlaˬ aˬ li tiˬ li ciˬ-euˬ meh. Kʼoeˇ ngeh, “Ngaˇ-aˬ, miˇ kʼahˬ heu kʼahˬ laꞈ kʼoeˇ boeˇ miˬ siˬ kʼaˬ tiˬ gʼaˬ pyeuꞈ-eu ma” lehˇ, Moˇseˬ yawˬ haˇ yawˬ ha ehˇ-awˇ, aˬ li kʼoeˇ li-ahˇ Geˬlaˬshmˬ lehˇ myahˇ nehˬ-euˬ meh.

Doˆ-iˇ 2:22 ပူးပေါင်းရင်းမြစ်များ

Aˇ dahˬ 23:4

“Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

1 Laˬsaˬbaˬ 16:20

Yawꞈ maꞈ miˇ kʼahˬ cah doe laꞈ-awˇ, tsawˇ jeuˬ tahˬ puˬ dehˆ laꞈ-euˬ meh.

1 Laˬsaˬbaˬ 29:15

Sahˬpaˬ Miˬyehˇ-oˇ, nga maꞈ yaw dehꞈ dehꞈ-eu jeˬ-aˬ, aˇ hu nga maꞈ-euˬ aˬ poeˬ aˬ bawˇ deuˬ dehꞈ dzeuˇ yaꞈ-euˬ loꞈ-ehˇ, boeˇ miˬ siˬ kʼaˬ loꞈ-ehˇ jawˇ duˬ maˬ dah leˇ nya ni doe doe-ehˇ cah-awˇ ya dehꞈ gaˇ duˇ-eu nawˇ siˬ luꞈ meh. Nga maꞈ-euˬ aˇ nah aˇ yamˬ-aˬ, byoˆ-iˇ luꞈ-eu naˇ shmˇ-ahˇ duˇ-awˇ, shiˇ-eu jeˬ-ahˇ nga maꞈ maˬ tsehˆ dzeuˇ nya-a.

Jaceuq 119:19

Ngaˇ miˇ tsaˬ kʼoeˇ taˆ tiˬ kʼehˇ laˇ kʼehˬ dehꞈ-eu tehꞈ ma. Nawˬ-euˬ zahˇ dawˬ kʼoꞈ dawˬ taˬ yuˇ zaꞈ nehˬ laꞈ.

Jaceuq 39:12

SahˬpaˬMiˬyehˇ shaˇdawˬgaˬ-awˇ, guˇ-eu teˇsaˇnaˇhaˬnehˬlaꞈ. Ngaˇmyaˆbiˇlaꞈkʼawˆkʼawˆluꞈngeh, maˬhaw cawˬni taˬjawˇnehˬlaꞈ. Ngaˬ-euˬ aˬpoeˬkʼoeˇdeuˬloꞈ-ehˇ, ngaˇkʼawꞈdaˬyah tiˬ gʼaˬpyeuꞈ-awˇ, tiˬkʼehˇlaˇkʼehˬnaˬ-eu tehꞈma.

Doˆ-iˇ 2:10

Aˬ li kʼoeˇ li huiˬ laˇ ngeh, sahˬ paˬ zaˬ miˬ jawˇ gaˇ sheuˬ gʼeh nehˬ-euˬ meh. Sahˬ paˬ zaˬ miˬ kʼoeˇ gʼaˬ, aˬ li kʼoeˇ li-ahˇ, aˬ yawꞈ-euˬ aˬ li tiˬ gʼaˬ loꞈ-ehˇ cu geuꞈ-euˬ meh. “Aˬ li heu li-ahˇ iˇ cuꞈ laꞈ kʼoeˇ ngaˬ neh gʼeu doˆ-euˬ miˇ neh, Moˇseˬ lehˇ myahˇ nehˬ ma” lehˇ, sahˬ paˬ zaˬ miˬ kʼoeˇ gʼaˬ, yawˬ haˇ yawˬ ha ehˇ-euˬ meh.

Doˆ-iˇ 22:21

“Boeˇ miˬ siˬ kʼaˬ-ahˇ yehˬ bawˬ sehˇ lu-ehˇ maˬ ya jahˇ-a. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, naw maꞈ boeˇ miˬ siˬ kʼaˬ pyeuꞈ haw-euˬ meh.

Doˆ-iˇ 4:20

Kʼoeˇ ngeh, aˬ yawꞈ-euˬ nymˇ dahˬ hawˇ-eu aˬ yawꞈ-euˬ aˬ li deuˬ-ahˇ mahˬ tahˬ laˆ kʼoeˇ taˆ bi dziˬ-awˇ, Iˇjiˇtuˆ miˇ kʼahˬ-ahˇ gʼoꞈ-iˇ-eu lehˇ, Moˇseˬ doˆ-iˇ-euˬ meh. Miˬyehˇ neh aˬ yawꞈ-ahˇ yuˇ gʼeh-awˬ lehˇ ehˇ nehˬ-euˬ gawˬ yoeˬ kʼoeˇ hmˬ, Iˇjiˇtuˆ miˇ kʼahˬ-ahˇ Moˇseˬ yuˇ gʼeh-euˬ meh.

Uˬ duˬ 25:23

Yawˬ ha-euˬ miˇ tsaˬ maˬ ya ahˬ dzaˬ tsehˆ-a. Aˬ jeˬ miˇ neh ehˇ naˇ, Miˬyehˇ-aˬ, miˇ tsaˬ-euˬ yaw sahˇ gʼaˬ pyeuꞈ-awˇ, naw maꞈ-aˬ, miˇ tsaˬ kʼoeˇ-ahˇ tiˬ kʼehˬ tiˬ yamˬ laꞈ kʼoeˇ ya mˇ dzaˬ tawˬ luꞈ-eu boeˇ miˬ siˬ kʼaˬ deuˬ-ahˇ duˇ-eu meh.

Gʼaˬkʼehˇ 7:29

Dawˬ kʼoeˇ dawˬ-ahˇ Moˇseˬ ya gaˬ ngeh, Iˇjiˇtuˆ miˆ kʼahˬ-ahˇ neh cehˆ-awˇ, Miˇdiˬyaˬ miˇ kʼahˬ-ahˇ cehˆ jawˇ-iˇ-euˬ meh. Aˬ yawꞈ kʼoeˇ gaˇ jawˇ ngeh, aˬ li nyiˬ li jawˇ le-euˬ meh.

Yaˇ kʼaˬ daˇ 18:30

Daˬ tsawˇ haˬ deuˬ uˬ duˬ tahˬ-eu gʼaˇ duˬ tahˬ pahˬ aˬ ma mawˇ kawˇ ka tuˇ-awˇ, Moˇseˬ-euˬ oeˬ paˬ pyeuꞈ-awˇ, Geˬlaˬshmˬ-euˬ aˬ li pyeuꞈ-eu Yawˇnaˆshaˬ gʼaˬ Daˬ tsawˇ jeuˬ-euˬ piˇ ma geuꞈ-euˬ meh. Tsawˇ haˬ kʼoeˇ deuˬ-ahˇ aˬ cawˬ-euˬ miˇ kʼahˬ-ahˇ bi nyehꞈ byoˆ gʼeh-euˬ aˇ yamˬ-ahˇ keuˆ ni, aˬ yawꞈ-euˬ zaˬ deuˬ uˆ deuˬ piˇ ma geuꞈ ka leꞈ-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.