Doˆ-iˇ 2:15 - Akha

¹⁵ Gaˇ kawˆ kʼoeˇ sahˬ paˬ ya gaˬ ngeh, Moˇseˬ-ahˇ sehꞈ-eu lehˇ poˆ-euˬ meh. Ehˇ kʼawꞈ, Miˇdiˬyaˬ miˇ kʼahˬ-ahˇ Moˇseˬ cehˆ leˇ-awˇ jawˇ-euˬ meh. Tiˬ nah-aˬ, lah duˬ tiˬ duˬ dawˬ peh Moˇseˬ nuiˇ luꞈ-eu meh.

Doˆ-iˇ 2:15 ပူးပေါင်းရင်းမြစ်များ

Aˇ dahˬ 24:11

Aˬ yawꞈ kʼoeˇ gaˇ le keuˆ ngeh, meuˬ meuˬ dzeˇ jaˆ-eu lah duˬ dawˬ peh law taw kʼoeˇ deuˬ-ahˇ bi yuꞈ-euˬ meh. Kʼoeˇ ngeh, nahˇ ma biˇ yawꞈ yawꞈ-iˇ-euˬ miˇ neh, zaˬ miˬ zaˬ deuˬ iˇ cuꞈ kʼawꞈ le-eu aˇ yamˬ tsaˬ-eu meh.

Aˇ dahˬ 25:2

Jeˬtuˬlaˇ o neh jawˇ le-euˬ Aˬbyaˬhaˬ-euˬ zaˬ deuˬ-aˬ, Zmˇlaˬ, Yoˇshaˬ, Meˬdaˬ, Miˇdiˬyaˬ, Iˇshaˬbehˇ, Shuˇaˬ, aˬ ha mehˇ nmˇ meh.

Aˇ dahˬ 25:4

Miˇdiˬyaˬ-euˬ aˬ li deuˬ-aˬ, Eˇpaˬ, Eˇpeuˬ, Haˬnoˆ, Aˬbiˇdaˬ, Eˇlaˬdaˬ heu deuˬ meh. Heu deuˬ dawˬ tawˆ luꞈ, Jeˬtuˬlaˇ o neh jeuˬ le o le-euˬ tsawˇ haˬ deuˬ pyeuꞈ-eu meh.

Aˇ dahˬ 29:2

Deh ga-ahˇ jaˆ-eu lah duˬ tiˬ duˬ dawˬ peh aˬ yawꞈ iˇ keuˆ-awˇ, lah duˬ kʼoeˇ duˬ dawˬ peh yawˇ yawˇ maꞈ smˇ maꞈ yawꞈ luꞈ gaˇ aˬ yawꞈ ya mawˇ-euˬ meh. Lah duˬ kʼoeˇ duˬ-aˬ, yawˇ kʼoeˇ deuˬ-ahˇ iˇ cuꞈ bi dawˇ duˬ pyeuꞈ-awˇ, lah duˬ mehˬ kʼehˬ-ahˇ kʼaˬ lo lo ma ngawˬ tsoeˬ taˬ-euˬ meh.

1 Sahˬpaˬ 11:18

Aˬ yawꞈ maꞈ Miˇdiˬyaˬ miˇ kʼahˬ-ahˇ neh doˆ-iˇ-awˇ, Paˬlaˬ miˇ kʼahˬ-ahˇ iˇ-euˬ meh. Kʼoeˇ gaˇ, tsawˇ haˬ tiˬ paˆ na deuˬ aˬ yawꞈ maꞈ jawˇ gaˇ cehˆ gm le-euˬ meh. Kʼoeˇ naˇ, Iˇjiˇtuˆ miˇ kʼahˬ-ahˇ aˬ yawꞈ maꞈ iˇ keuˆ-awˇ, Iˇjiˇtuˆ sahˬ paˬ jawˇ gaˇ le-euˬ meh. Sahˬ paˬ kʼoeˇ gʼaˬ Haˬdaˇ-ahˇ miˇ tsaˬ hawˇ-eu nymˇ tiˬ nymˇ biꞈ nehˬ-awˇ, dzaˬ dzaˬ dawˇ dawˇ caw ba nehˬ-euˬ meh.

Doˆ-iˇ 18:4

‘Ngaˬ da-euˬ Miˬyehˇ ngaˬ-ahˇ caw ba-awˇ, Iˇjiˇtuˆ sahˬ paˬ neh maˬ bi sehꞈ-eu gʼaˇ duˬ ngaˬ-ahˇ ka kʼoꞈ-euˬ meh’ lehˇ Moˇseˬ paˇ ehˇ-awˇ, aˬ yawꞈ-euˬ aˬ li aˬ gʼahˇ gʼaˬ-ahˇ Eˇliˇzaˬ lehˇ myahˇ nehˬ yaꞈ-euˬ meh.

Doˆ-iˇ 4:19

Miˇdiˬyaˬ miˇ kʼahˬ laꞈ kʼoeˇ Moˇseˬ jawˇ luꞈ ngeh, “Iˇjiˇtuˆ miˇ kʼahˬ-ahˇ gʼoꞈ-iˇ-awˬ. Nawˬ-ahˇ kʼaˇ sehꞈ mawꞈ-eu tsawˇ haˬ deuˬ maˬ paˇ dehꞈ meh” lehˇ, aˬ yawꞈ-ahˇ Sahˬpaˬ Miˬyehˇ ehˇ nehˬ-euˬ meh.

Dawqdaq 22:3

Nui ma-ahˇ noeˬ-eu deuˬ shaˬ zahˬ-ahˇ haw mawˇ-awˇ jaw dzeuˇ nya kʼawꞈ, nui ma-ahˇ maˬ noeˬ-eu deuˬ nyiˬ paˆ-ehˇ iˇ gʼeh-awˇ, gʼawˬ shaˇ shaˬ-ehˇ gʼeh-iˬ-eu meh.

Haˬbaˬkuˆ 3:7

Kuˇshaˬ tsawˇ jeuˬ guˆ dui dui-awˇ, Miˇdiˬyaˬ tsawˇ haˬ dawˬ tawˆ luꞈ, yaw dzuˬ dzuˬ gaˇ ngaˇ mawˇ-euˬ ma.

Maꞈtehˬ 10:23

Meuˬ tiˬ meuˬ laꞈ kʼoeˇ, aˬ caw naw maꞈ-ahˇ kʼehˬ laˇ naˇ, yawˬ meuˬ yawˬ-ahˇ cehˆ-awˬ. Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ naw maꞈ gaˇ maˬ mˇ jiˇ mi naˆ-ehˇ, Tsawˇhaˬ-euˬ Zaˬmaˇ oe keuˆ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.

Yoˇhaˬ 4:6

Yaˬkoˆ-euˬ lah duˬ kʼoeˇ gaˇ jaˆ-eu meh. Yeˬsuˇ gaˇ ma cah doeˇ laꞈ-euˬ miˇ neh, lah duˬ dawˬ peh nuiˇ-euˬ meh. Kʼoeˇ-aˬ, nah loˆ ceh ngeh yamˬ meh.

Gʼaˬkʼehˇ 7:29

Dawˬ kʼoeˇ dawˬ-ahˇ Moˇseˬ ya gaˬ ngeh, Iˇjiˇtuˆ miˆ kʼahˬ-ahˇ neh cehˆ-awˇ, Miˇdiˬyaˬ miˇ kʼahˬ-ahˇ cehˆ jawˇ-iˇ-euˬ meh. Aˬ yawꞈ kʼoeˇ gaˇ jawˇ ngeh, aˬ li nyiˬ li jawˇ le-euˬ meh.

HeˬByehˇ 11:27

Sahˬ paˬ nui ma pehˇ gaˇ maˬ yahˇ ni Iˇjiˇtuˆ miˇ kʼahˬ-ahˇ neh Moˇseˬ doˆ-iˇ-euˬ kʼoeˇ-aˬ, jah-eu jeˬ baˬ da neh meh. Maˬ mawˇ nya-eu Miˬyehˇ-ahˇ aˬ yawꞈ ya mawˇ haw-euˬ loꞈ-ehˇ, naˇ kʼah nahˇ gʼoꞈ maˬ gʼoꞈ haw ni aˬ yawꞈ nui ma ziꞈ-euˬ meh.