Doˆ-iˇ 2:11 - Akha

¹¹ Moˇseˬ huiˬ loˆ laˇ ngeh jawˇ, aˬ yawꞈ-euˬ tsawˇ jeuˬ pyeuꞈ-eu Heˬbyehˇ tsawˇ haˬ deuˬ jawˇ gaˇ doe doe-ehˇ cah haw-iˇ-awˇ, aˬ yawꞈ maꞈ-ahˇ kʼehˬ-awˇ myawˬ kʼaˆ bi mˇ luꞈ gaˇ ya mawˇ-euˬ meh. Tiˬ nah-aˬ, Iˇjiˇtuˆ tsawˇ haˬ tiˬ gʼaˬ, aˬ yawꞈ-euˬ tsawˇ jeuˬ Heˬbyehˇ tsawˇ haˬ tiˬ gʼaˬ-ahˇ sehꞈ-euˬ gaˇ, aˬ yawꞈ ya mawˇ-euˬ meh.

Doˆ-iˇ 2:11 ပူးပေါင်းရင်းမြစ်များ

Doˆ-iˇ 1:11

Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Doˆ-iˇ 5:14

Zaˬ kʼaˆ-ahˇ uˆ lahˇ-eu tsawˇ haˬ kʼoeˇ deuˬ, zaˬ kʼaˆ deuˬ gaˇ mˇ gaˇ bi haw-euˬ Iˇsaˬleˬlaˆ tsawˇ haˬ deuˬ-ahˇ, “Dzeuˇ laˇ ngeh naw maꞈ tsaˬ byaˆ tehˆ doˆ-euˬ myaˆ ni nymˬ-mˇ aˬ jeˬ miˇ neh maˬ tehˆ doˆ nya ta” lehˇ ehˇ-awˇ diˬ-euˬ meh.

Doˆ-iˇ 5:4

Ehˇ kʼawꞈ, sahˬ paˬ kʼoeˇ gʼaˬ aˬ yawꞈ nyaꞈ-ahˇ ehˇ-eu, “Aˬ jeˬ miˇ neh tsawˇ haˬ heu deuˬ-ahˇ gaˇ maˬ bi mˇ ni, naw nyaꞈ sheuˬ-awˇ iˇ-eu gʼeh te. Zaˬ kʼaˆ kʼoeˇ deuˬ-ahˇ gaˇ paˇ bi mˇ-iˇ-awˬ.

Doˆ-iˇ 5:5

Naw maꞈ tsawˇ haˬ Iˇjiˇtuˆ tsawˇ haˬ myaˆ maˬ tseˇ myaˬ laˇ-euˬ miˇ neh, gaˇ maˬ mˇ ni byehˇ-eu gʼeh te loˇ.”

Doˆ-iˇ 5:9

Aˬ yawꞈ maꞈ-ahˇ mehˇ shuiˇ shuiˇ-eu tsawˇ haˬ deuˬ-euˬ ehˇ dawˬ-ahˇ naˇ haˬ-eu maˬ dah gaˇ keuˆ ni gaˇ bi mˇ dui dui-awˬ.”

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Iˇsaˬyaˇ 58:6

“Ngaˇ geuꞈ mawꞈ-eu maˬ dzaˬ-eu zahˇ heu loꞈ-ehˇ ma. Kʼehˬ-eu kʼaˆ-eu shmˇ caˆ hawˇ-eu maˬ tsaˬ maˬ dawˇ-eu kʼaˆ baꞈ deuˬ, dawˬ tawˆ biˬ dzeh jiˇ-awˇ, kʼehˬ-eu kʼaˆ-eu jeˬ-ahˇ ya daˬ-eu tsawˇ haˬ deuˬ, dawˬ tawˆ puiˇ pyehˬ jiˇ-awˬ.

Maꞈtehˬ 11:28

“Kʼaˆ behˆ yaw kah pi-awˇ gʼaˬ doeˇ doeˇ-eu tsawˇ haˬ dawˬ tawˆ luꞈ ngaˇ jawˇ gaˇ laˇ-awˬ. Ngaˇ naw maꞈ-ahˇ gʼaˬ naˬ bi naˬ ma.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.