Doˆ-iˇ 2:10 - Akha

¹⁰ Aˬ li kʼoeˇ li huiˬ laˇ ngeh, sahˬ paˬ zaˬ miˬ jawˇ gaˇ sheuˬ gʼeh nehˬ-euˬ meh. Sahˬ paˬ zaˬ miˬ kʼoeˇ gʼaˬ, aˬ li kʼoeˇ li-ahˇ, aˬ yawꞈ-euˬ aˬ li tiˬ gʼaˬ loꞈ-ehˇ cu geuꞈ-euˬ meh. “Aˬ li heu li-ahˇ iˇ cuꞈ laꞈ kʼoeˇ ngaˬ neh gʼeu doˆ-euˬ miˇ neh, Moˇseˬ lehˇ myahˇ nehˬ ma” lehˇ, sahˬ paˬ zaˬ miˬ kʼoeˇ gʼaˬ, yawˬ haˇ yawˬ ha ehˇ-euˬ meh.

Doˆ-iˇ 2:10 ပူးပေါင်းရင်းမြစ်များ

Aˇ dahˬ 16:11

Nawˇ aˬ li tiˬ li jawˇ le-awˇ, aˬ li kʼoeˇ li-ahˇ Iˇshaˬmeˬlaˇ lehˇ ya myahˇ nehˬ tehꞈ-a. Aˬ jeˬ miˇ neh ehˇ naˇ, nawˇ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

Aˇ dahˬ 4:25

Aˬdaˬ hawˇ-eu Eˇbaˆ aˬ nyaꞈ dzeˇ zaˬ aˬ li tiˬ li paˇ jawˇ le-euˬ meh. “Gaˬiˇnaˆ neh bi sehꞈ-euˬ Aˬbeˬlaˆ-euˬ dah zaˇ, Miˬyehˇ ngaˬ-ahˇ aˬ li tiˬ li paˇ biꞈ laꞈ-euˬ nga” lehˇ Eˇbaˆ ehˇ-awˇ, aˬ li kʼoeˇ li-ahˇ, Seˬtaˆ lehˇ myahˇ nehˬ-euˬ meh.

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

2 Saˬmeuˬlaˆ 22:17

Sahˬpaˬ Miˬyehˇ yaw goˇ-ahˇ neh, ngaˬ-ahˇ mˇ jeh-awˇ ciˬ le-awˇ, iˇ cuꞈ naꞈ gaˇ ciˬ doˆ tehꞈ-a.

Doˆ-iˇ 2:9

“Nawˇ zaˬ heu gʼaˬ ciˬ kʼoꞈ gʼeh-awˇ, ngaˬ-euˬ gʼaˇ duˬ bo sa nehˬ laꞈ-awˬ. Nawˬ-ahˇ ngaˇ bo saˆ poeˬ biꞈ ma” lehˇ, zaˬ miˬ zaˬ kʼoeˇ gʼaˬ-ahˇ sahˬ paˬ zaˬ miˬ ehˇ nehˬ-euˬ meh. Kʼoeˇ naˇ, zaˬ miˬ zaˬ kʼoeˇ gʼaˬ, aˬ li kʼoeˇ li ciˬ kʼoꞈ gʼeh-awˇ, bo saˆ-euˬ meh.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Gaˬlaˬtiˆ 4:5

Aˬ dui Miˬyehˇ-euˬ za pyeuꞈ laˇ nya ni, Zahˇ dawˬ kʼoꞈ dawˬ uˬ moˆ dehꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ, aˬ yawꞈ kʼoeˇ loꞈ-ehˇ dehꞈ le-euˬ meh.

HeˬByehˇ 11:24

Moˇseˬ huiˬ loˆ laˇ ngeh, aˬ yawꞈ-ahˇ sahˬpaˬ zaˬ miˬ-euˬ aˬ li lehˇ kuˇ gaˇ maˬ gaˬ nahˇ-eu kʼoeˇ-aˬ, jah-eu jeˬ baˬ da neh meh.

1 Yoˇhaˬ 3:1

Aˬda Miˬyehˇ aˬ dui-ahˇ aˇ naˆ ni gaˬ-eu gaˇ kawˆ shaˇ noeˬ haw sheˇ. Aˬ yawꞈ aˬ dui-ahˇ gaˬ dui dui-eu miˇ neh Miˬyehˇ-euˬ zaˬ lehˇ myahˇ nehˬ laꞈ-euˬ meh. Aˬ dui-aˬ, maˇ maˇ ni aˬ yawꞈ-euˬ zaˬ deuˬ ma. Kʼoeˇ miˇ neh, miˇ tsaˬ zaˬ deuˬ aˬ dui-ahˇ maˬ siˬ nya-a. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-ahˇ maˬ siˬ nya-eu miˇ neh, aˬ dui-ahˇ maˬ siˬ nya-eu jeˬ pyeuꞈ-eu meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.