Doˆ-iˇ 19:18 - Akha

¹⁸ Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Doˆ-iˇ 19:18 ပူးပေါင်းရင်းမြစ်များ

Aˇ dahˬ 11:5

Kʼoeˇ naˇ, Sahˬpaˬ Miˬyehˇ zaꞈ ka le-awˇ, tsawˇ haˬ kʼoeˇ deuˬ neh gawˬ taˬ-euˬ meuˬ kʼoeˇ meuˬ hawˇ-eu nymˇ nymˇ ma kʼoeˇ nymˇ-ahˇ haw le-euˬ meh.

Aˇ dahˬ 15:17

Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Neˬhaˬmiˇ 9:13

Siˇnaˆ gawˬ jawˬ kʼoeˇ taˆ mˬ-ahˇ neh nawˇ oe-awˇ, nawˬ-euˬ tsawˇ jeuˬ-ahˇ dawˬ ngehˬ cawˬ le-awˇ, muiˬ-eu tsaˬ-eu zahˇ sahˇ kʼoꞈ dawˬ kawˬ deuˬ, aˬ yawꞈ maꞈ-ahˇ nawˇ biꞈ le-euˬ meh.

Jaceuq 104:32

Miˇ tsaˬ tahˬ kʼawˇ-ahˇ aˬ yawꞈ haw ka gʼeh ngeh, miˇ tsaˬ tahˬ kʼawˇ yaw dzuˬ dzuˬ-eu meh. gawˬ jawˬ-ahˇ aˬ yawꞈ toeˬ ciˆ ngeh, uˬ kʼoeˬ tahˬ doˆ laꞈ-eu meh.

Jaceuq 114:4

Gawˬ jawˬ deuˬ ciꞈ myehꞈ loꞈ-ehˇ tsawˬ-awˇ, gawˬ duˇ deuˬ yawˇ zaˬ loꞈ-ehˇ teuˆ-eu meh.

Jaceuq 114:7

Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

Jaceuq 144:5

Sahˬpaˬ Miˬyehˇ-oˇ, mˬ dehˬ paˆ-awˇ zaꞈ ka le-awˬ. Gawˬ jawˬ-ahˇ toeˬ ciˆ-awˇ uˬ kʼoeˬ bi du doˆ laˇ-awˬ.

Jaceuq 18:9

Mˬngawˬgʼm-awˇyawꞈzaꞈle ngeh, yawꞈ-euˬaˬkuiˇpehˬzaˬuˬmoˆ, mˬdmˇyaw zahˇdaˬtaˬ-euˬmeh.

Jaceuq 68:9

Nawˇ uˬ yehˇ yehˇ ma bi ma le-awˇ, koˆ kaˆ ni gʼeh-eu nawˬ-euˬ miˇ tsaˬ bi jmˬ laˇ-eu meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Doˆ-iˇ 19:13

Tsawˇ haˬ kʼoeˇ gʼaˬ-ahˇ tsawˇ haˬ tiˬ gʼaˬ-iˬ maˬ toeˬ ciˆ ni, kʼaˬ lo biˬ-awˇ maˬ ehˇ, kaˆ beuˆ-awˇ maˬ ehˇ, ya sehꞈ tehꞈ-a. Heu-aˬ, tsawˇ haˬ zaˬ-ahˇ maˬ ehˇ, dzeˬ zaˬ-ahˇ maˬ ehˇ, taꞈ leˇ-eu dawˬ pyeuꞈ-awˇ, kʼoeˇ loꞈ-ehˇ kʼaˇ mˇ-eu deuˬ ya shiˇ tehꞈ-a. Ehˇ kʼawꞈ, daˇ heh baw laˇ ngeh, gawˬ jawˬ kʼoeˇ taˆ aˬ yawꞈ maꞈ ya daˆ leˇ tehꞈ-a.”

Doˆ-iˇ 19:17

Miˬyehˇ-ahˇ tahˬ puˬ leˇ-eu gʼaˇ duˬ, Moˇseˬ aˬ yawꞈ maꞈ-ahˇ sheuˬ doˆ gʼeh-awˇ, gawˬ jawˬ dawˬ dahˬ-ahˇ aˬ yawꞈ maꞈ yawꞈ luꞈ-eu meh.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 24:17

Sahˬpaˬ Miˬyehˇ-euˬ yaw shehꞈ kʼahˬ sehˇ-aˬ, gawˬ jawˬ uˬ du doꞈ luꞈ-eu miˬ dzaˬ-ahˇ duˇ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Doˆ-iˇ 3:2

Kʼoeˇ ngeh, aˇ bawˇ baw duˆ tiˬ duˆ-euˬ gʼahˇ ceh miˬ dzaˬ doꞈ laˇ-awˇ, miˬ dzaˬ miˬ lmˇ laꞈ kʼoeˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ Moˇseˬ mehˬ shi doˆ le-euˬ meh. Baw duˆ kʼoeˇ duˆ-ahˇ miˬ dzaˬ doꞈ luꞈ-eu kʼawꞈ, baw duˆ kʼoeˇ duˆ maˬ puiˆ dzaˬ gaˇ Moˇseˬ ya mawˇ-euˬ meh.

Doˆ-iˇ 34:2

Ni shawˬ uˬ shawˬ lehˬ hmˬ-awˇ, Siˇnaˆ gawˬ jawˬ uˬ du ngaˬ-ahˇ tahˬ puˬ laˇ-awˬ.

Iˇsaˬyaˇ 6:4

Aˬ yawꞈ maꞈ kʼoeˇ loꞈ-ehˇ guˇ-eu teˇ saˇ baˬ da neh, Uˬ duˬ tahˬ nymˇ nymˇ ma nyeh nyeh-ehˇ pyeuꞈ-iˇ-awˇ, Uˬ duˬ tahˬ nymˇ nymˇ ma laꞈ kʼoeˇ uˬ kʼoeˬ byah-eu meh.

Iˇsaˬyaˇ 64:1

Gawˬ jawˬ gawˬ duˇ nawˬ-ahˇ mawˇ-awˇ yaw dzuˬ dzuˬ ni, aˬ jeˬ miˇ neh mˬ gʼeu paˆ-awˇ maˬ oe ka te.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Haˬbaˬkuˆ 3:6

Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Zaˬkaˬliˇ 14:5

Gawˬ jawˬ-ahˇ nyiˬ paˆ biˇ paˆ-euˬ gʼaˬ lawˬ kʼoeˇ caw caw-ehˇ, naw maꞈ cehˆ dzeuˇ nya tehꞈ-a. Aˇ hu Yuˇdaˆ miˇ kʼahˬ-ahˇ sahˬ paˬ Awˇziˇ uˆ lahˇ luꞈ ngeh miˇ luˆ luˆ laˇ-awˇ, naw maꞈ-euˬ aˬ poeˬ aˬ bawˇ deuˬ cehˆ-euˬ loꞈ-ehˇ, naw maꞈ kʼawꞈ ya cehˆ tehꞈ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ taˆ gʼaˬ kʼehˇ dawˬ tawˆ luꞈ sheuˬ-awˇ oe tehꞈ-a.

Maꞈtehˬ 24:7

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Mehꞈ-eu shuꞈ-eu jeˬ hawˇ-eu miˇ luˆ luˆ-eu jeˬ, yawˬ gaˇ na luꞈ keuˆ le tehꞈ-a.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

Dawˬmehˬ 4:36

Mˬ kʼoeˇ taˆ neh aˬ yawꞈ-euˬ teˇ saˇ bi gaˬ le-awˇ, naw maꞈ-ahˇ aˬ yawꞈ mehˬ nehˬ tsoˆ nehˬ-awˇ, miˇ tsaˬ kʼoeˇ taˆ aˬ yawꞈ-euˬ muiˬ-eu shawˇ-eu miˬ dzaˬ naw maꞈ-ahˇ bi mawˇ-awˇ, kʼoeˇ laꞈ kʼoeˇ naw maꞈ-ahˇ dawˬ ngehˬ cawˬ-euˬ meh.

Dawˬmehˬ 5:22

“Heu-aˬ, gawˬ jawˬ dawˬ peh naw maꞈ uiˬ leˇ-awˇ jawˇ ngeh, naw maꞈ dawˬ tawˆ luꞈ-ahˇ Sahˬpaˬ Miˬyehˇ neh biꞈ-euˬ zahˇ dawˬ kʼoꞈ dawˬ deuˬ meh. Miˬ dzaˬ laꞈ kʼoeˇ hawˇ-eu zahˇ tsui ni gʼeh-eu mˬ dmˇ laꞈ kʼoeˇ, aˬ yawꞈ-euˬ baoˬ huiˬ-eu teˇ saˇ dawˬ ngehˬ doˆ laˇ ngeh, zahˇ dawˬ kʼoꞈ dawˬ heu deuˬ tehꞈ-ehˇ biꞈ laꞈ-euˬ meh. Kʼoeˇ naˇ, kʼaˬ lo teˇ byaꞈ nyiˬ byaꞈ kʼoeˇ taˆ zahˇ dawˬ kʼoꞈ dawˬ heu deuˬ aˬ yawꞈ boꞈ-awˇ, ngaˬ-ahˇ biꞈ laꞈ-euˬ meh.

Dawˬmehˬ 5:4

Gawˬ jawˬ kʼoeˇ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ myaˆ pyawˬ ciˬ daˬ-awˇ dawˬ ngehˬ cawˬ-euˬ meh.

2 Teˇsaˬloˇni 1:7

Kʼehˬ-eu kʼaˆ-eu jeˬ-ahˇ ya daˬ-eu naw maꞈ-ahˇ-aˬ, maˬ paˇ bi daˬ ni bi naˬ tehꞈ-a. Nga maꞈ-ahˇ kʼawꞈ kʼoeˇ loꞈ-ehˇ bi naˬ laꞈ tehꞈ-a. Sahˬpaˬ Yeˬsuˇ Ka li aˬ yawꞈ-euˬ baoˬ huiˬ-eu mˬ taˆ gʼaˬ kʼehˇ deuˬ nehˬ-ehˇ mˬ-ahˇ neh doˆ le ngeh, Miˬyehˇ aˬ dui-ahˇ kʼoeˇ loꞈ-ehˇ bi naˬ laꞈ tehꞈ-a.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,

HeˬByehˇ 12:26

Yaw beh poˆ ngehˬ-euˬ aˬ yawꞈ-euˬ dawˬ kʼoeˇ, miˇ tsaˬ heu-ahˇ gʼeu nyeh-euˬ meh. Kʼoeˇ naˆ maˬ tseˇ, nymˬ-mˇ poˆ jawˇ-aˬ, “Miˇ tsaˬ-ahˇ tehꞈ-ehˇ maˬ ngeuˇ ni, mˬ-ahˇ kʼawꞈ ngaˇ paˇ gʼeu nyeh ma” lehˇ, aˬ yawꞈ saˇ jaˬ dzaˬ taˬ-euˬ jaˆ-eu meh.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 15:8

Uˬ duˬ tahˬ nymˇ nymˇ ma laꞈ kʼoeˇ Miˬyehˇ-euˬ baoˬ yaw shehꞈ kʼahˬ sehˇ uˬ kʼoeˬ byah-awˇ, mˬ taˆ gʼaˬ kʼehˇ kʼoeˇ shiꞈ gʼaˬ neh hehˇ leꞈ-euˬ kʼehˬ-eu kʼaˆ-eu kʼoeˇ shiꞈ jeˬ aˇ saˬ maˬ saˬ gʼaˬ kʼoeˇ keuˆ ni, uˬ duˬ tahˬ nymˇ nymˇ ma laꞈ kʼoeˇ tiˬ gʼaˬ-iˬ maˬ uˇ leˇ nya-a.

Panmaeq 9:2

Aˬ guiˇ kʼoeˇ siˬ maˬ li-iˇ nya-eu duˬ kʼahˬ-ahˇ pah dzeh-euˬ meh. Kʼoeˇ ngeh, miˬ dzaˬ tsawˬ bu bu ma-ahˇ uˬ kʼoeˬ doˆ laˇ-eu loꞈ-ehˇ, duˬ kʼahˬ kʼoeˇ kʼahˬ uˬ kʼoeˬ du doˆ luꞈ-eu meh. Maˬ li-iˇ nya-eu duˬ kʼahˬ-euˬ uˬ kʼoeˬ kʼoeˇ, nahˇ ma yaw shehꞈ hawˇ-eu jaˬ lehˇ-ahˇ zahˇ tsui ni bi pyeuꞈ-iˇ-euˬ meh.

Yaˇ kʼaˬ daˇ 5:5

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, Siˇnaˆ gawˬ jawˬ-euˬ Sahˬpaˬ Miˬyehˇ mehˬ shi, gawˬ jawˬ deuˬ miˇ luˆ luˆ-eu meh.