Doˆ-iˇ 19:16 - Akha

¹⁶ Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 19:16 ပူးပေါင်းရင်းမြစ်များ

2 Saˬmeuˬlaˆ 22:10

Mˬ ngawˬ gʼm-awˇ zaꞈ ka le ngeh, aˬ yawꞈ aˬ kuiˇ pehˬ zaˬ uˬ moˆ, mˬ dmˇ zahˇ tsui ni jaˆ-eu meh.

2 Laˬsaˬbaˬ 5:14

Juˬ kʼoeˬ kʼoeˇ baˬ da neh, piˇ ma deuˬ yawˬ ha ya mˇ-eu gaˇ maˬ mˇ nya-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ, Uˬ duˬ tahˬ nymˇ nymˇ ma laꞈ kʼoeˇ byah luꞈ-eu meh.

Yawˇbaˆ 38:25

Uˬ yehˇ bi yoeˇ le-eu uiˇ kʼehˬ caˬ-awˇ, mˬ jeˬ tsawˬ tehˆ bi oe-eu gaˇ ma laˆ dahˇ-euˬ gʼaˬ aˬ suˇ gʼaˬ-a.

Jaceuq 50:3

Aˬ dui-euˬ Miˬyehˇ oe luꞈ meh. Ciˬ cuˇ ni aˬ yawꞈ maˬ oe-a. Nyehˆ dui dui-eu miˬ dzaˬ jehˆ bymˇ aˬ yawꞈ mehˬ shi oe-awˇ, mˬ jeˬ jaˬ lehˇ gʼahˇ ceh aˬ yawꞈ oe luꞈ-eu meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Jaceuq 81:8

Naw maꞈ yahˇ paˬ-ehˇ gʼeh-eu gaˇ kawˆ ngaˇ mehˬ gaˇ, ngaˬ-euˬ tsawˇ haˬ deuˬ naˇ haˬ-awˬ. Iˇsaˬleˬlaˆ-oˇ, ngaˬ-euˬ dawˬ-ahˇ nawˇ bi naˇ haˬ geuꞈ mawꞈ dui dui nya.

Jaceuq 97:4

Aˬ yawꞈ-euˬ mˬ jeˬ tsawˬ tehˆ miˇ tsaˬ-ahˇ yaw shehꞈ bya-awˇ, miˇ tsaˬ yaw dzuˬ dzuˬ-eu meh.

Doˆ-iˇ 19:11

Saˇ pehˬ nah maˬ keuˆ laˇ miˇ naˆ-ehˇ, aˬ yawꞈ maꞈ ya lehˬ hmˬ dah meh. Aˬ jeˬ miˇ neh ehˇ naˇ, saˇ pehˬ nah tsawˇ haˬ dawˬ tawˆ luꞈ mawˇ nya gaˇ, Siˇnaˆ gawˬ jawˬ kʼoeˇ taˆ ngaˇ zaꞈ le ma.

Doˆ-iˇ 19:15

“Saˇ pehˬ nah keuˆ laˇ ngeh, yawˬ gʼaˬ na luꞈ lehˬ hmˬ dah jiˇ-awˇ, heu yaw kaˬ-ahˇ, zaˬ miˬ zaˬ hawˇ-eu kʼaˬ dzeˇ zaˬ yaw kaˬ taˬ yuꞈ taꞈ” lehˇ aˬ yawꞈ maꞈ-ahˇ Moˇseˬ ehˇ nehˬ-euˬ meh.

Doˆ-iˇ 19:17

Miˬyehˇ-ahˇ tahˬ puˬ leˇ-eu gʼaˇ duˬ, Moˇseˬ aˬ yawꞈ maꞈ-ahˇ sheuˬ doˆ gʼeh-awˇ, gawˬ jawˬ dawˬ dahˬ-ahˇ aˬ yawꞈ maꞈ yawꞈ luꞈ-eu meh.

Doˆ-iˇ 19:9

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ gaˇ tsawˇ haˬ heu deuˬ ya gaˬ-awˇ, aˬ kaˇ naˇ, aˬ yawꞈ maꞈ nawˬ-ahˇ jah laˇ ni, zahˇ tsui ni gʼeh-eu mˬ dmˇ laꞈ kʼoeˇ nawˇ jawˇ gaˇ ngaˇ oe ma.” Tsawˇ haˬ kʼoeˇ deuˬ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ-ahˇ Moˇseˬ tsaꞈ nehˬ leˇ-euˬ meh.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 20:21

Ehˇ kʼawꞈ, tsawˇ haˬ kʼoeˇ deuˬ-aˬ, gaˇ mahˇ kaˬ gaˇ tehꞈ-ehˇ yawꞈ yaꞈ-awˇ, Moˇseˬ tiˬ gʼaˬ tehꞈ-ehˇ, Miˬyehˇ jawˇ-eu zahˇ tsui ni gʼeh-eu mˬ dmˇ dawˬ peh le-euˬ meh.

Doˆ-iˇ 40:34

Kʼoeˇ naˇ, Sehˬ gʼawˆ-ahˇ mˬ dmˇ dehˬ kaˬ le-awˇ, Sahˬpaˬ Miˬyehˇ zaꞈ uˇ le-euˬ miˇ neh, aˬ yawꞈ-euˬ yaw shehꞈ kʼahˬ sehˇ Sehˬ gʼawˆ tiˬ byah ni jaˆ luꞈ-eu meh.

Doˆ-iˇ 9:23

Kʼoeˇ naˇ, Moˇseˬ aˬ yawꞈ-euˬ gawˬ yoeˬ-ahˇ mˬ paw cawˬ diˇ ngeh, Sahˬpaˬ Miˬyehˇ mˬ jeˬ tsawˬ tehˆ hawˇ-eu uˬ yehˇ aˇ siˬ pyehˬ gʼeh leꞈ-awˇ, miˇ tsaˬ kʼoeˇ taˆ mˬ jeˬ tsawˬ tehˆ tehˆ-awˇ, mˬ myawꞈ myawꞈ-euˬ meh. Kʼoeˇ ngeh, Iˇjiˇtuˆ miˇ kʼahˬ kʼoeˇ taˆ, Sahˬpaˬ Miˬyehˇ uˬ yehˇ aˇ siˬ bi ga le-euˬ meh.

Yeˬlaˬmiˇ 5:22

Ngaˇ Sahˬpaˬ Miˬyehˇ pyeuꞈ-eu ma. Aˬ jeˬ baˬ da neh naw maꞈ ngaˬ-ahˇ maˬ guˆ-ehˇ, ngaˬ-euˬ mehˬ shi yaw dzuˬ maˬ dzuˬ-eu nya. Kʼaˇ shuiꞈ neh iˬ ma laˆ shaˆ-euˬ miˇ kaˬ ngaˇ taw taˬ-awˇ, kʼaˇ shuiꞈ lawˇ deh nui paw tiˬ jawˇ-iˬ maˬ oe dzeuˇ nya-a. Iˇ luˆ dzeh kʼawꞈ maˬ dzeh dzeuˇ leꞈ nya-ehˇ, iˇ kʼawˇ tahˬ kʼawꞈ maˬ tahˬ paˆ doˆ nya-a.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Dawˬmehˬ 5:5

Kʼoeˇ ngeh, Sahˬpaˬ Miˬyehˇ neh ehˇ-euˬ jeˬ naw maꞈ-ahˇ ehˇ nehˬ-eu gʼaˇ duˬ, aˬ yawꞈ hawˇ-eu naw maꞈ-euˬ yaw kaˬ-ahˇ ngaˇ yawꞈ-euˬ ma. Aˬ jeˬ miˇ neh ehˇ naˇ, naw maꞈ miˬ dzaˬ-ahˇ guˆ-eu miˇ neh gawˬ jawˬ-ahˇ maˬ le daˆ peuˬ-a. Sahˬpaˬ Miˬyehˇ ehˇ-eu,

HeˬByehˇ 12:21

Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.

Panmaeq 1:10

Sahˬpaˬ Miˬyehˇ-euˬ aˇ nah -ahˇ, Yaw sahˇ Miˬyehˇ ngaˬ-ahˇ uˆ lahˇ le-awˇ, kʼaˆ dui dui-eu teˇ saˇ tiˬ saˇ-ahˇ ngaˇ ya gaˬ-euˬ ma. Teˇ saˇ kʼoeˇ-aˬ, daˇ heh baw-eu teˇ saˇ-ahˇ duˇ-awˇ, ngaˬ-euˬ naˇ kʼah paw dawˬ ngehˬ luꞈ-eu meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 4:1

Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”

Panmaeq 4:5

Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Panmaeq 8:5

Kʼoeˇ naˇ, tsiˇ yaw saw jeˬ doꞈ duˬ kʼoeˇ-ahˇ mˬ taˆ gʼaˬ kʼehˇ kʼoeˇ gʼaˬ yuˇ-awˇ, lawˇ duˬ kʼoeˇ taˆ doꞈ luꞈ-eu miˬ dzaˬ pehˆ ahˇ-awˇ, miˇ tsaˬ kʼoeˇ taˆ biˬ ka gʼeh-euˬ meh. Kʼoeˇ ngeh, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-awˇ, mˬ myawꞈ myawꞈ-awˇ miˇ luˆ luˆ-euˬ meh.