Doˆ-iˇ 19:12 - Akha

¹² Tsawˇ haˬ maˬ bi le tsehˆ-eu gʼaˇ duˬ, gawˬ jawˬ heu siˬ jawˬ jawˬ-ehˇ kmˇ tuiˆ mˇ jawˬ taˬ-awˇ, gawˬ jawˬ-ahˇ tiˬ gʼaˬ-iˬ maˬ ya le daˆ-eu uˬ taꞈ, dawˬ peh tehꞈ-ehˇ kʼawꞈ maˬ ya le peh-a lehˇ aˬ yawꞈ maꞈ-ahˇ ehˇ nehˬ-awˬ. Tsawˇ haˬ tiˬ gʼaˬ na, gawˬ jawˬ-ahˇ laˆ ciˆ leˇ naˇ, ya shiˇ tehꞈ-a.

Doˆ-iˇ 19:12 ပူးပေါင်းရင်းမြစ်များ

Doˆ-iˇ 10:28

Sahˬ paˬ kʼoeˇ gʼaˬ Moˇseˬ-ahˇ ehˇ nehˬ-eu, “Ngaˇ mawˇ gaˇ maˬ jawˇ ni yaw kawˇ-ehˇ doˆ-iˇ-awˬ. Aˬ kaˇ naˇ, nawˬ-euˬ myaˆ pyawˬ ngaˬ-ahˇ tiˬ jawˇ-iˬ taˬ paˇ ciˬ haw laˇ. Nawˬ-ahˇ ngaˇ ya mawˇ ngeh nah, nawˇ ya shiˇ tehꞈ-a.”

Doˆ-iˇ 19:21

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˇ zaꞈ ka-iˇ-awˇ, ngaˬ-ahˇ haw laˇ-eu gʼaˇ duˬ, kmˇ tuiˆ maˬ ya tsehˆ laˇ-a lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-iˇ-awˬ. Aˬ yawꞈ maꞈ kmˇ tuiˆ laˇ tsehˆ te lehˇ ngeuˇ naˇ, tsawˇ haˬ gʼawˬ mya ni ya shiˇ tehꞈ-a.

Doˆ-iˇ 19:23

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Iˇsaˬleˬlaˆ tsawˇ haˬ deuˬ heu gaˇ maˬ laˇ daˆ nya-a. Aˬ jeˬ miˇ neh ehˇ naˇ, gawˬ jawˬ heu jawˬ-aˬ, muiˬ-eu shawˇ-eu gawˬ jawˬ pyeuꞈ-awˇ, gawˬ jawˬ heu-euˬ jawˬ jawˬ-ehˇ kmˇ tuiˆ ya tuiˆ taˬ meh lehˇ nawˬ neh dawˬ biꞈ taˬ-euˬ jaˆ-eu meh.”

Doˆ-iˇ 24:2

Nawˇ maˬ ngeuˇ naˇ, nui gʼaˬ tiˬ gʼaˬ-iˬ ngaˬ-eu dawˬ peh maˬ ya laˇ peh-a. Tsawˇ haˬ aˇ maꞈ deuˬ-aˬ, gawˬ jawˬ-ahˇ tehꞈ-ehˇ kʼawꞈ maˬ ya daˆ laˇ-a.”

Doˆ-iˇ 34:12

Naw maꞈ le uˇ-eu miˇ kʼahˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ saˇ jaˇ taˬ dzaˬ. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, naw maꞈ bi shiˇ-eu gʼaˇ duˬ lahˇ ju kʼmˇ gaˇ duˇ-eu meh.

Doˆ-iˇ 34:3

Nawˬ nehˬ-ehˇ tiˬ gʼaˬ-iˬ maˬ ya bi laˇ-a. Gawˬ jawˬ jawˬ lah ni kʼoeˇ taˆ, tsawˇ haˬ tiˬ gʼaˬ-iˬ maˬ ya bi laˇ-a. Gawˬ jawˬ dawˬ peh jeˬ zaˬ tiˬ mawˇ-iˬ maˬ ya bi gaˆ dzaˬ laˇ-a.”

Dawˬmehˬ 2:4

Iˇsaˬleˬlaˆ tsawˇ haˬ-ahˇ heu loꞈ-ehˇ mehˬ nehˬ tsoˆ nehˬ-awˬ. Naw maꞈ nehˬ-ehˇ paˬ gʼawˬ gʼawˬ-iˇ taˬ-euˬ naw maꞈ-euˬ aˇ jeuˬ aˇ ca pyeuꞈ-eu Iˇsawˇ-euˬ zaˬ deuˬ uˆ deuˬ-euˬ miˇ kʼahˬ pyeuꞈ-eu Eˬdoˬ miˇ kʼahˬ gawˬ jawˬ gawˬ duˇ-ahˇ naw maꞈ ya le tsehˆ-eu aˇ yamˬ tsaˬ laˇ-euˬ meh. Aˬ yawꞈ maꞈ naw maꞈ-ahˇ guˆ tehꞈ-a.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

HeˬByehˇ 12:18

Naw maꞈ-aˬ, Iˇsaˬleˬlaˇ tsawˇ haˬ kʼoeˇ deuˬ loꞈ-ehˇ toeˬ haw sawˆ haw nya-eu Siˇnaˆ gawˬ jawˬ-ahˇ laˇ-euˬ maˬ ngeuˇ-a. Aˬ yawꞈ maꞈ-aˬ, miˬ dzaˬ doꞈ luꞈ-eu Siˇnaˆ gawˬ jawˬ-ahˇ, zahˇ dui dui gaˇ maˬ ehˇ, jaˬ lehˇ lehˇ ma baw gaˇ maˬ ehˇ,

Yawˇshuˆ 3:4

Jawˇ duˬ heu tsahˇ-ahˇ dzeuˇ laˇ ngeh naw maꞈ maˬ laˇ keuˆ haw-aˬ. Kʼoeˇ miˇ neh, naw maꞈ ya iˇ-eu gaˇ ma aˬ yawꞈ maꞈ mehˬ nehˬ laꞈ tehꞈ-a. Ehˇ kʼawꞈ, Dawˬ ma saˇ jaˇ Bahˬ keuˆ dawˬ peh tehˬ ni maˬ iˇ-ehˇ, kʼoeˇ-euˬ naˇ kʼah paw ngaˬ yaˇ lmˇ kaˬ gaˇ naw maꞈ cah-awˬ.”