Doˆ-iˇ 18:13 - Akha

¹³ Yawˬ nah yawˬ uˬ shawˬ paw neh aˇ dahˬ beh-awˇ, uˬ ciꞈ paw keuˆ ni, nah ga-ehˇ, Iˇsaˬleˬlaˆ tsawˇ haˬ deuˬ ja dzaˬ gaˇ Moˇseˬ yaˇ kʼaˬ daˇ nehˬ-euˬ meh.

Doˆ-iˇ 18:13 ပူးပေါင်းရင်းမြစ်များ

Yawˇbaˆ 29:7

Meuˬ-euˬ aˬ yuiꞈ aˬ tsu deuˬ tahˬ dzoeˇ-awˇ, aˬ yawꞈ maꞈ mehˬ shi ngaˇ kʼaˇ nuiˇ leˇ ngeh,

Doˆ-iˇ 18:12

Kʼoeˇ ngeh, Moˇseˬ-euˬ tsawˇ mawˬ Yeˬdaˬyoˇ-aˬ, Miˬyehˇ-ahˇ lawˇ nehˬ-eu gʼaˇ duˬ, jeˬ zaˬ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ hawˇ-eu, aˬ nah aˬ dzeˇ lawˇ nehˬ-eu jeˬ yuˇ laꞈ-euˬ meh. Aˬloˬ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ nehˬ-ehˇ le-awˇ, zahˇ jahˇ-eu dzaˬ byawˇ tiˬ kawˆ loꞈ-ehˇ dzaˬ taꞈ dawˇ taꞈ-eu laꞈ kʼoeˇ, Miˬyehˇ-ahˇ uˬ duˬ tahˬ-euˬ meh.

Doˆ-iˇ 18:14

Yawˬ jeˬ yawˬ na luꞈ Moˇseˬ ya mˇ gaˇ Yeˬdaˬyoˇ mawˇ ngeh, Moˇseˬ-ahˇ ehˇ nehˬ-eu, “Nawˬ-euˬ tsawˇ haˬ heu deuˬ gʼaˇ duˬ, heu deuˬ dawˬ tawˆ luꞈ nawˇ ya mˇ ta loˇ. Nawˬ neh bi mehˬ bi tsoˆ-eu lehˇ, uˬ shawˬ paw neh uˬ ciꞈ ciꞈ le ngeh keuˆ ni heu gaˇ yawꞈ luꞈ-eu tsawˇ haˬ heu deuˬ-ahˇ, aˬ jeˬ miˇ neh nawˇ tiˬ gʼaˬ tehꞈ-ehˇ nuiˇ-awˇ yaˇ kʼaˬ daˇ nehˬ luꞈ te.”

Iˇsaˬyaˇ 16:5

Kʼoeˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, dzoeˬ dzaˬ sahˬ paˬ tiˬ gʼaˬ doˆ laˇ-awˇ, saˇ jaˇ ziꞈ-awˇ gʼoeˇ-eu gaˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ uˆ lahˇ tehꞈ-a. Yaw tsaˬ yaw dawˇ jeˬ mˇ-eu gʼaˇ duˬ aˬ yawꞈ maˬ nyi naˬ ni, yaw sui yaw dawˇ laꞈ kʼoeˇ yaˇ kʼaˬ daˇ nehˬ tehꞈ-a.)

Yawˇlaˆ 3:12

“Tsawˇ jeuˬ dawˬ tawˆ lehˬ hmˬ dah-awˇ, Yaˇ kʼaˬ daˇ-eu Deh kʼawꞈ laꞈ kʼoeˇ yawˬ jeuˬ na luꞈ oe keuˆ jiˇ-awˬ. Sahˬpaˬ Miˬyehˇ pyeuꞈ-eu ngaˇ-aˬ, dawˬ peh jawˇ-eu tsawˇ jeuˬ deuˬ-ahˇ, kʼoeˇ gaˇ nuiˇ-awˇ yaˇ kʼaˬ daˇ ma.

Maꞈtehˬ 23:2

“Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˇsehˇ deuˬ-aˬ, Moˇseˬ-euˬ Zahˇ dawˬ kʼoꞈ dawˬ-ahˇ dawˬ tsuiꞈ yuˇ doˆ-eu aˬ kawˬ-aˬ za taˬ-euˬ tsawˇ haˬ deuˬ meh.

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

Lormav 13:6

Kʼoeˇ baˬ da neh, naw maꞈ kawˬ ya doˆ nehˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yawˬ ha-euˬ gaˇ mˇ-eu kʼoeˇ-aˬ, Miˬyehˇ-euˬ gʼaˇ duˬ mˇ luꞈ-eu jeˬ pyeuꞈ-eu meh.

Yaˇ kʼaˬ daˇ 5:10

Pyuˇ deuˬ ni gʼeh-eu mahˬ tahˬ laˆ dziˬ-awˇ, dziˬ gʼa kʼoeˇ taˆ nuiˇ luꞈ-eu deuˬ maˬ ehˇ, kʼaˇ iˇ kʼaˇ laˇ gaˇ kuiˇ zoˬ cah-eu deuˬ maˬ ehˇ, gaˇ kawˆ heu shaˇ noeˬ haw sheˇ.