Doˆ-iˇ 17:6 - Akha

⁶ Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Doˆ-iˇ 17:6 ပူးပေါင်းရင်းမြစ်များ

Neˬhaˬmiˇ 9:15

Aˬ yawꞈ maꞈ hawˬ mehꞈ luꞈ ngeh jawˇ, mˬ taˆ kaˬ muˇ nawˇ bi dzaˬ-awˇ, aˬ yawꞈ maꞈ iˇ cuꞈ mehꞈ ngeh jawˇ, kʼaˬ lo-ahˇ iˇ cuꞈ bi doˆ le-euˬ meh. Nawˇ saˇ jaˇ dzaˬ taˬ-euˬ miˇ kʼahˬ kʼoeˇ geuꞈ-awˬ lehˇ, aˬ yawꞈ maꞈ-ahˇ nawˇ ehˇ-awˇ biꞈ-euˬ meh.

Jaceuq 105:41

Kʼaˬ lo-ahˇ aˬ yawꞈ pah ngeh iˇ cuꞈ tahˬ doˆ laꞈ-awˇ, kʼaˇ shuiꞈ deh-ahˇ lawˇ baˬ loꞈ-ehˇ yoeˇ-euˬ meh.

Jaceuq 114:8

Kʼaˬ lo lo yaˇ-ahˇ lah bi pyeuꞈ-iˇ-awˇ, lo guˇ-ahˇ lawˇ gawˆ bi yoeˇ le-eu gʼaˬ-euˬ mehˬ shi guˆ-awˇ yaw dzuˬ dzuˬ-awˬ.

Jaceuq 46:4

Miˬyehˇ-euˬ meuˬ hawˇ-eu Huiˬ dui mahˇ dui dui-eu Gʼaˬ-euˬ nymˇ-ahˇ, laˬ kʼaˬ cehˇ nui saˇ za-eu jeˬ hehˇ ahˇ leꞈ-eu lawˇ gawˆ tiˬ gawˆ yoeˇ-eu meh.

Jaceuq 74:15

Lawˇ kʼmˬ lawˇ gawˆ-ahˇ nawˇ iˇ cuꞈ bi yoeˇ-awˇ, Lawˇ baˬ baˬ ma deuˬ-ahˇ iˇ cuꞈ bi guiˇ-iˇ-eu meh.

Jaceuq 78:18

Aˬ yawꞈ maꞈ mehꞈ-eu jeˬ bi dzaˬ laꞈ lehˇ ehˇ-awˇ, Miˬyehˇ-ahˇ aˬ yawꞈ maꞈ lawˬ haw-euˬ meh.

Jaceuq 78:20

Kaˬ lo-ahˇ aˬ yawꞈ juiꞈ-awˇ iˇ cuꞈ bi doˆ le-euˬ law nmˇ-aˬ ngeuˇ meh. Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ kaˬ muˇ hawˇ-eu shaˬ jiˇ bi dzaˬ nehˬ laꞈ nya tehꞈ-a loˇ.”

Jaceuq 81:7

Nawˇ guˆ-eu gaˆ-eu jeˬ tahˬ puˬ-awˇ ngaˬ-ahˇ kuˇ ngeh, nawˬ-ahˇ ngaˇ ka kʼoꞈ nehˬ-euˬ ma. Ngaˬ-euˬ dzuˇ yaꞈ duˬ pyeuꞈ-eu mˬ jeˬ jaˬ lehˇ laꞈ kʼoeˇ jawˇ-awˇ, nawˬ-euˬ shaˇ dawˬ-ahˇ ngaˇ naˇ haˬ-euˬ ma. Meˬliˇbaˬ lawˇ gawˆ dawˬ peh, nawˬ-ahˇ ngaˇ lawˬ haw-euˬ ma.

Doˆ-iˇ 14:16

Nawˬ-euˬ gawˬ yoeˬ cawˬ diˇ-awˇ, iˬ ma laˆ shaˆ kʼoeˇ taˆ cawˬ ja-awˬ. Iˇ cuꞈ nyiˬ paˆ-ehˇ paˆ-iˇ-awˇ, Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ nawˬ-ehˇ, iˬ ma laˆ shaˆ ya tsehˆ doˆ tehꞈ-a.

Doˆ-iˇ 16:10

Iˇsaˬleˬlaˆ tsawˇ haˬ aˇ maꞈ-ahˇ Aˬloˬ dawˬ ngehˬ cawˬ luꞈ ngeh, aˬ yawꞈ maꞈ bawˇ tsahˬ bawˇ dahˇ paw haw gʼeh-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ mˬ dmˇ laꞈ kʼoeˇ doˆ le-euˬ gaˇ, ja pyuˬ ni ya mawˇ-euˬ meh.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Bawˇtsahˬ 20:8

“Dawˬ ma saˇ jaˇ Bahˬ keuˆ mehˬ shi jaˆ-eu gawˬ yoeˬ yuˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ Aˬloˬ naw nyaꞈ kuˇ uiˬ-awˬ. Aˬ yawꞈ maꞈ dawˬ tawˆ luꞈ mehˬ shi, kʼoeˇ gaˇ jaˆ-eu kʼaˬ lo kʼoeˇ siˬ-ahˇ dawˬ ngehˬ nehˬ-awˬ. Kʼaˬ lo kʼoeˇ siˬ laꞈ kʼoeˇ iˇ cuꞈ yoeˇ doˆ le tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ jeˬ zaˬ deuˬ dawˇ-eu gʼaˇ duˬ, kʼaˬ lo kʼoeˇ siˬ-ahˇ iˇ cuꞈ bi yoeˇ doˆ le-awˬ.”

Yoˇhaˬ 4:10

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

1 Gawˇliˬtu 10:4

Mˬ taˆ-euˬ iˇ cuꞈ kʼawꞈ tiˬ kawˆ loꞈ-ehˇ dawˇ-euˬ meh. Aˬ yawꞈ maꞈ nehˬ-ehˇ tiˬ kawˆ loꞈ-ehˇ iˇ luꞈ-eu mˬ taˆ-euˬ Kʼaˬ lo-ahˇ neh yoeˇ le-euˬ iˇ cuꞈ aˬ yawꞈ maꞈ dawˇ-euˬ meh. Kʼaˬ lo kʼoeˇ-aˬ, Ka li meh.

Dawˬmehˬ 1:2

Siˇnaˆ gawˬ jawˬ-ahˇ neh Eˬdoˬ miˇ kʼahˬ gawˬ jawˬ gawˬ duˇ paw neh Kaˬdeˬshaˇbaˬneˬ meuˬ-ahˇ tseˇ tiꞈ nah ya iˇ-eu meh.

Dawˬmehˬ 8:15

Doꞈ kʼaˆ-eu aˇ lawˇ hawˇ-eu boeˬ kaˬ laˬ ma jawˇ-eu jeˇ dui dui-awˇ guˆ laˇ paˬ-ehˇ gʼeh-eu bawˇ tsahˬ bawˇ dahˇ laꞈ kʼoeˇ, naw maꞈ-ahˇ aˬ yawꞈ sheuˬ gʼeh-euˬ meh. Iˇ cuꞈ maˬ jaˆ-ehˇ gui coˇ ni gʼeh-eu miˇ kʼahˬ kʼoeˇ kʼahˬ laꞈ kʼoeˇ naw maꞈ cah luꞈ ngeh, maˇ jawˆ ni gʼeh-eu kʼaˬ lo-ahˇ, naw maꞈ gʼaˇ duˬ aˬ yawꞈ iˇ cuꞈ bi yoeˇ le-euˬ meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.