Doˆ-iˇ 17:14 - Akha

¹⁴ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Doˆ-iˇ 17:14 ပူးပေါင်းရင်းမြစ်များ

2 Saˬmeuˬlaˆ 1:1

Sawˇluˆ shiˇ dzeuˇ gʼaˬ ngeh, Aˬmaˬlehˇ tsawˇ haˬ deuˬ-ahˇ Daˬbiˇ guiˇ deuˆ gʼaˬ-awˇ gʼoꞈ keuˆ laˇ-awˇ, Ziˇkaˬlehˆ meuˬ-ahˇ nyiˬ nah jawˇ-euˬ meh.

2 Saˬmeuˬlaˆ 8:12

Shuiˇ hawˇ-eu pyuˇ kʼoeˇ deuˬ-aˬ, Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ hawˇ-eu, Aˬmaˬlehˇ miˇ kʼahˬ-ahˇ neh yuˇ kʼoꞈ laꞈ-euˬ deuˬ uˬ taꞈ, Zoˇbaˬ sahˬ paˬ Leˬhawˇbaˆ-euˬ aˬ li Haˬdaˬdeˬzaˬ-ahˇ deuˆ za-euˬ deuˬ tiˬ paˆ paˆ ahˇ-eu meh.

1 Laˬsaˬbaˬ 4:42

Ngaˬ heˇ gʼaˬ byah-eu Suˇmoˬ tsawˇ jeuˬ tiˬ maꞈ-aˬ, nahˇ ma doˆ kʼehˬ paw jaˆ-eu Eˬdoˬ meuˬ-ahˇ iˇ-euˬ meh. Aˇ maꞈ kʼoeˇ maꞈ-ahˇ, Iˇshiˇ-euˬ aˬ li deuˬ pyeuꞈ-eu Peˬlaˬtiˇ, Neˬliˇyaˆ, Leˬpaˬyaˆ, Awˇzeˬlaˇ aˬ ha mehˇ nmˇ aˬ yuiꞈ geuꞈ-awˇ sheuˬ gʼeh-euˬ meh.

1 Laˬsaˬbaˬ 4:43

Kʼoeˇ gaˇ kʼaˇ dzeˇ-eu Aˬmaˬlehˇ tsawˇ haˬ deuˬ-ahˇ aˬ yawꞈ maꞈ sehꞈ-awˇ, kʼoeˇ ngeh neh naˇ, aˬ yawꞈ maꞈ kʼoeˇ gaˇ jawˇ duˬ dah-euˬ meh.

Eˇzaˬlaˬ 9:14

Nawˬ-euˬ zahˇ dawˬ kʼoꞈ dawˬ-ahˇ nga maꞈ yaw zeu maˬ paˇ baw-ehˇ, maˬ muiˬ maˬ jaˬ-eu tsawˇ haˬ heu deuˬ-ahˇ nga maꞈ paˇ sheuˬ dahˬ dzaˬ taꞈ kʼmˬ tehꞈ-a loˇ. Nga maꞈ kʼoeˇ loꞈ-ehˇ jahˇ naˇ, nawˇ nui ma pehˇ dui dui-eu laꞈ kʼoeˇ, tiˬ gʼaˬ-iˬ maˬ dehꞈ dzeuˇ nya gaˇ keuˆ ni kʼehˬ nehˬ kʼaˆ nehˬ laꞈ tehꞈ-a.

Yawˇbaˆ 18:17

Aˬ yawꞈ-euˬ pu hawˇ-eu miˇ kʼahˬ doe ni aˬ yawꞈ tsawˇ myahˇ doˆ-eu byoˆ-iˇ-awˇ, aˬ cawˬ tiˬ gʼaˬ-iˬ aˬ yawꞈ-ahˇ maˬ paˇ siˬ nya meh.

Yawˇbaˆ 19:23

Tsawˇ haˬ tiˬ gʼaˬ na ngaˬ-euˬ dawˬ deuˬ-ahˇ juiˇ taˬ-awˇ, sahˬ boꞈ laꞈ kʼoeˇ boꞈ ahˇ taˬ law nmˇ-aˬ lehˇ noeˬ miˇ-a.

Jaceuq 9:6

Muiˇ-eu deuˬ-ahˇ mˬmaˬmaˬbyaˆ, nawˇlaˆluˬlaˆseˇnehˬ-euˬmeh. meuˬdeuˬ-ahˇ ciˇtahˬgʼawˇlehˆ-awˇ, laˆ luˬ laˆ seˇ nehˬ-eu laꞈ kʼoeˇ, yawꞈmaꞈdehꞈdzeuˇyaꞈ-euˬgaˇkawˆ, miˇtsaˬzaˬdeuˬ ngehˇtsehˆ-euˬmeh.

Doˆ-iˇ 12:14

Aˇ nah heu nah-ahˇ, Sahˬpaˬ Miˬyehˇ pyeuꞈ-eu ngaˇ mˇ-eu gaˇ-ahˇ noeˬ keuˆ-awˇ, lah-eu daw-eu laꞈ kʼoeˇ, ngaˬ-ahˇ uˬ duˬ tahˬ-eu jeˬ-ahˇ taꞈ leˇ-eu bawˬ-iˬ naw maꞈ ya gʼeh tehꞈ-a. Tiˬ ziˇ saˇ-iˬ tiˬ ziˇ, bawˬ-iˬ heu hmˬ naw maꞈ ya jahˇ daˆ leꞈ meh.”

Doˆ-iˇ 13:9

Bawˬ-iˬ heu hmˬ-aˬ, naw maꞈ-euˬ laꞈ du-ahˇ maˬ ehˇ, naˇ kʼawˇ-ahˇ maˬ ehˇ, laꞈ tuiˆ paꞈ taˬ-euˬ loꞈ-ehˇ, tiˬ jawˇ-iˬ maˬ ngehˇ leˇ ni noeˬ mawˇ-eu jeˬ pyeuꞈ tehꞈ-a. Bawˬ-iˬ heu hmˬ-aˬ, Sahˬpaˬ Miˬyehˇ-euˬ Zahˇ dawˬ kʼoꞈ dawˬ-ahˇ maˬ tsehˆ leˇ ni gui poˆ-awˇ dzaw geuꞈ-eu gʼaˇ duˬ, naw maꞈ maˬ ya ngehˇ ni, bi noeˬ mawˇ-eu jeˬ pyeuꞈ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ-euˬ huiˬ-eu baoˬ-ahˇ gʼoe-awˇ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 17:13

Kʼoeˇ loꞈ-ehˇ jahˇ-awˇ, Aˬmaˬlehˇ guiˇ maꞈ-ahˇ, Yawˇshuˆ guiˇ deuˆ gʼaˬ-euˬ meh.

Doˆ-iˇ 24:4

Kʼoeˇ naˇ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ zahˇ sahˇ kʼoꞈ dawˬ tawˆ luꞈ, Moˇseˬ boꞈ-euˬ meh. Yawˬ nah yawˬ uˬ shawˬ yaw naꞈ-ehˇ, gawˬ jawˬ dawˬ dahˬ-ahˇ lawˇ duˬ tiˬ tsahˇ aˬ yawꞈ tsoˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, kʼaˬ lo tseˇ nyiꞈ siˬ kʼahˬ tuˇ-euˬ meh.

Doˆ-iˇ 32:33

Sahˬpaˬ Miˬyehˇ ehˇ-eu, “Ngaˬ-ahˇ mˇ lehˬ-euˬ tsawˇ haˬ deuˬ-euˬ tsawˇ myahˇ deuˬ tehꞈ-ehˇ, ngaˬ-euˬ sahˬ boꞈ laꞈ kʼoeˇ ngaˇ shiˆ byoˆ ma.

Doˆ-iˇ 34:27

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Dawˬ heu deuˬ boꞈ ahˇ taˬ-awˬ. Aˬ jeˬ miˇ neh ehˇ naˇ, dawˬ heu deuˬ-ahˇ gʼoe-awˇ, nawˇ hawˇ-eu Iˇsaˬleˬlaˆ tsawˇ haˬ deuˬ-ahˇ ngaˇ dawˬ ma saˇ jaˇ dzaˬ-eu jeˬ pyeuꞈ-eu ma.”

Dawqdaq 10:7

Yaw tsaˬ yaw dawˇ tsawˇ haˬ-ahˇ noeˬ keuˆ-eu jeˬ guiˬ lahˬ baw-eu meh. Ehˇ kʼawꞈ, haiˬ-eu tsawˇ haˬ-euˬ tsawˇ myahˇ buꞈ-iˇ tehꞈ-a.

Yeˬlaˬmiˇ 30:2

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ neh nawˬ-ahˇ kʼaˇ ehˇ nehˬ-euˬ jeˬ, sahˬ boꞈ laꞈ kʼoeˇ boꞈ ahˇ taˬ-awˬ.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Bawˇtsahˬ 24:20

Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh. “Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ baoˬ huiˬ-eu miˇ kʼahˬ pyeuꞈ kʼawꞈ, Aˇ saˬ saˬ laˇ ngeh, mˬ maˬ maˬ byaˆ zaˇ ziˇ ya cawˆ-iˇ tehꞈ-a.”

Bawˇtsahˬ 33:2

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, aˬ yawꞈ maꞈ kʼaˇ jawˇ naˬ ngeh, jawˇ naˬ-euˬ jawˇ duˬ tsawˇ myahˇ Moˇseˬ boꞈ-euˬ meh.

Dawˬmehˬ 31:9

Kʼoeˇ naˇ, Miˬyehˇ-euˬ zahˇ dawˬ kʼoꞈ dawˬ deuˬ Moˇseˬ boꞈ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ haw-eu pyaˆ-eu Leˬbiˇ tsawˇ haˬ piˇ ma deuˬ hawˇ-eu, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-ahˇ biꞈ-euˬ meh.

Yawˇshuˆ 4:7

‘Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ lawˇ baˬ tsehˆ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-euˬ meh’ lehˇ ehˇ mehˬ nehˬ-awˬ. Kʼaˬ lo heu deuˬ-aˬ, jawˇ duˬ heu tsahˇ-ahˇ aˬ joˆ-ehˇ pyeuꞈ yaꞈ-euˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ aˬ myah luꞈ bi noeˬ mawˇ tehꞈ-a.”

1 Saˬmeuˬlaˆ 15:18

Maˬ tsaˬ maˬ dawˇ-eu Aˬmaˬlehˇ tsawˇ haˬ kʼoeˇ deuˬ-ahˇ laˆ luˬ laˆ seˇ-iˇ-awˬ lehˇ, Sahˬpaˬ Miˬyehˇ nawˬ-ahˇ dawˬ biꞈ-awˇ bi iˇ-euˬ meh. Aˬ yawꞈ maꞈ dawˬ tawˆ luꞈ-ahˇ sehꞈ jiˇ ngeh keuˆ ni guiˇ deuˆ-awˬ lehˇ, aˬ yawꞈ nawˬ-ahˇ ehˇ nehˬ taˬ-euˬ meh.

1 Saˬmeuˬlaˆ 30:1

Nyiˬ nah byah laˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ Ziˇkaˬlehˆ meuˬ-ahˇ gʼoꞈ keuˆ-iˇ-euˬ meh. Aˬmaˬlehˇ tsawˇ haˬ deuˬ Yuˇdaˆ miˇ kʼahˬ laꞈ oˆ paw dzaˬ-ahˇ guiˇ deuˆ le-awˇ, Ziˇkaˬlehˆ meuˬ-ahˇ miˬ dzaˬ keuˬ dzeh yaꞈ-euˬ meh.

1 Saˬmeuˬlaˆ 30:17

Yawˬ nah yawˬ uˬ bya bya laˇ-eu nehˬ-ehˇ, aˬ yawꞈ maꞈ-ahˇ Daˬbiˇ guiˇ deuˆ-awˇ, uˬ ciꞈ deuˆ ciꞈ-euˬ meh. Law taw dziˬ-awˇ cehˆ-euˬ zaˬ guˬ oeˬ yaˇ gʼaˬ maˬ ngeuˇ naˇ, aˬ yawꞈ maꞈ-euˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.