Doˆ-iˇ 17:13 - Akha

¹³ Kʼoeˇ loꞈ-ehˇ jahˇ-awˇ, Aˬmaˬlehˇ guiˇ maꞈ-ahˇ, Yawˇshuˆ guiˇ deuˆ gʼaˬ-euˬ meh.

Doˆ-iˇ 17:13 ပူးပေါင်းရင်းမြစ်များ

Doˆ-iˇ 17:12

Moˇseˬ aˬ laꞈ gʼah laˇ ngeh, Aˬloˬ hawˇ-eu Huˇyaˆ aˬ nyaꞈ kʼaˬ lo tiˬ siˬ yuˇ-awˇ, Moˇseˬ-ahˇ bi nuiˇ-euˬ meh. Aˬ yawꞈ nyaꞈ-aˬ, Moˇseˬ-euˬ kʼoeˇ dzeˇ heu dzeˇ yawꞈ-awˇ, aˬ yawꞈ-euˬ aˬ laꞈ tiˬ paw laꞈ-ahˇ tiˬ gʼaˬ yuˇ-awˇ, nahˇ ma ga ahˇ ngeh keuˆ ni baꞈ diˇ nehˬ taˬ-euˬ meh.

Doˆ-iˇ 17:14

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Guiˇ deuˆ-eu gʼaˬ leˇ-euˬ gaˇ kawˆ heu-ahˇ maˬ ya ngehˇ-eu gʼaˇ duˬ, sahˬ boꞈ boꞈ taˬ-awˬ. Aˬmaˬlehˇ tsawˇ jeuˬ-ahˇ ngaˇ yaw muiˇ paˬ-ehˇ laˆ cawˆ nehˬ ma lehˇ Yawˇshuˆ-ahˇ ehˇ nehˬ-awˬ.”

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Yawˇshuˆ 10:28

Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.

Yawˇshuˆ 10:32

Guiˇ deuˆ-eu nyiˬ nah tiˬ nah keuˆ laˇ ngeh, Iˇsaˬleˬlaˆ tsawˇ haˬ deuˬ-ahˇ, Laˬkiˇshaˆ meuˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Liˇbaˬnahˬ meuˬ-ahˇ aˬ yawꞈ maꞈ jahˇ nehˬ-euˬ loꞈ-ehˇ, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ-euˬ meh.

Yawˇshuˆ 10:37

Meuˬ kʼoeˇ meuˬ-ahˇ aˬ yawꞈ maꞈ deuˆ gʼaˬ-awˇ, meuˬ kʼoeˇ meuˬ-euˬ sahˬ paˬ hawˇ-eu kʼoeˇ gaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, meuˬ kʼoeˇ meuˬ-euˬ dawˬ peh jaˆ-eu meuˬ deuˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ maˬ ehˇ, sehꞈ jiˇ-euˬ meh. Eˇgaˬloˬ meuˬ-ahˇ jahˇ nehˬ-euˬ loꞈ-ehˇ, meuˬ kʼoeˇ meuˬ-ahˇ kʼawꞈ, geuꞈ-eu jeˬ maˬ ahˇ gaˇ keuˆ ni YawˇShuˆ laˆ luˬ laˆ seˇ nehˬ-euˬ meh. Kʼoeˇ gaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ jiˇ nehˬ-euˬ meh.

Yawˇshuˆ 10:42

Yawˇshuˆ tiˬ poˆ gʼoˆ doˆ leˇ-euˬ laꞈ kʼoeˇ, sahˬ paˬ heu deuˬ dawˬ tawˆ luꞈ hawˇ-eu aˬ yawꞈ maꞈ-euˬ miˇ kʼahˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ jeuˬ gʼaˇ duˬ guiˇ deuˆ luꞈ-eu meh.

Yawˇshuˆ 11:12

Sahˬpaˬ Miˬyehˇ-euˬ zaˬ kʼaˆ Moˇseˬ neh dawˬ biꞈ taˬ-euˬ loꞈ-ehˇ, meuˬ kʼoeˇ deuˬ hawˇ-eu sahˬ paˬ kʼoeˇ deuˬ dawˬ tawˆ luꞈ-ahˇ Yawˇshuˆ deuˆ gʼaˬ-awˇ, tsawˇ haˬ yawˬ gʼaˬ na luꞈ-ahˇ sehꞈ jiˇ nehˬ-euˬ meh.