Doˆ-iˇ 17:12 - Akha

¹² Moˇseˬ aˬ laꞈ gʼah laˇ ngeh, Aˬloˬ hawˇ-eu Huˇyaˆ aˬ nyaꞈ kʼaˬ lo tiˬ siˬ yuˇ-awˇ, Moˇseˬ-ahˇ bi nuiˇ-euˬ meh. Aˬ yawꞈ nyaꞈ-aˬ, Moˇseˬ-euˬ kʼoeˇ dzeˇ heu dzeˇ yawꞈ-awˇ, aˬ yawꞈ-euˬ aˬ laꞈ tiˬ paw laꞈ-ahˇ tiˬ gʼaˬ yuˇ-awˇ, nahˇ ma ga ahˇ ngeh keuˆ ni baꞈ diˇ nehˬ taˬ-euˬ meh.

Doˆ-iˇ 17:12 ပူးပေါင်းရင်းမြစ်များ

Jaceuq 35:3

Nawˬ-euˬgahˬgʼeu doˆ-awˇoe-awˇ, ngaˬ-ahˇteh-eu deuˬ-ahˇjoeˬ-awˬ. “Nawˬ-ahˇka kʼoꞈle-euˬma” lehˇ, ngaˬ-euˬsaꞈlaˇ-ahˇehˇle-awˬ.

Doˆ-iˇ 17:11

Moˇseˬ-euˬ aˬ laꞈ kʼaˇ baꞈ diˇ taˬ kʼoeˇ keuˆ ni, Iˇsaˬleˬlaˆ tsawˇ haˬ deuˬ guiˇ deuˆ-eu gʼaˬ leˇ-euˬ meh. Ehˇ kʼawꞈ, Moˇseˬ-euˬ aˬ laꞈ baꞈ ka ngeh jawˇ, Aˬmaˬlehˇ tsawˇ haˬ deuˬ paˇ gʼaˬ leˇ-euˬ meh.

Doˆ-iˇ 17:13

Kʼoeˇ loꞈ-ehˇ jahˇ-awˇ, Aˬmaˬlehˇ guiˇ maꞈ-ahˇ, Yawˇshuˆ guiˇ deuˆ gʼaˬ-euˬ meh.

Doˆ-iˇ 24:14

Aˬ yuiꞈ aˬ tsu kʼoeˇ deuˬ-ahˇ Moˇseˬ ehˇ nehˬ-eu, “Nga nyaꞈ gʼoꞈ keuˆ le ngeh keuˆ ni, sehˬ gʼawˆ-ahˇ jawˇ-awˇ nga nyaꞈ-ahˇ loꞈ tawˬ-awˬ. Aˬloˬ hawˇ-eu Huˇyaˆ aˬ nyaꞈ naw maꞈ nehˬ-ehˇ jawˇ luꞈ meh. Aˬ geu gʼaˬ maˬ kaˬ, ja dzaˬ paˬ-ehˇ gʼeh-eu jeˬ doˆ laˇ naˇ, aˬ yawꞈ nyaꞈ jawˇ gaˇ iˇ-awˇ, bi laˆ tsaˬ geuꞈ-awˬ.”

Iˇsaˬyaˇ 35:3

Gʼaˬ juˬ-eu aˬ laꞈ hawˇ-eu yaˇ laˇ-euˬ pawˬ tsuiꞈ-ahˇ, gʼaˬ biꞈ lahˬ nehˬ-awˬ.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Piˇliˇpiˆ 1:19

Aˬ jeˬ miˇ neh ehˇ naˇ, naw maꞈ guiˬ lahˬ shaˇ nehˬ laꞈ-euˬ baˬ da neh maˬ ehˇ, Yeˬsuˇ Ka li-euˬ Yaw sahˇ Miˬyehˇ caw ba nehˬlaꞈ-eu baˬ da neh maˬ ehˇ, tawˬ heu laꞈ kʼoeˇ neh ngaˇ ya buˬ-iˇ-eu yaw duˬ baw ma lehˇ siˬ duˬ taˬ-euˬ ma.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.

1 Teˇsaˬloˇni 5:25

Aˬ yuiꞈ aˬ nyiˇ Ka li zaˬ deuˬ-oˇ, nga maꞈ gʼaˇ duˬ kʼawꞈ guiˬ lahˬ shaˇ nehˬ laꞈ-awˬ.

HeˬByehˇ 12:12

Kʼoeˇ miˇ neh, laꞈ guˬ shiˇ laˇ-euˬ naw maꞈ-euˬ aˬ laꞈ paˇ cawˬ diˇ-awˇ, gʼaˬ juˬ laˇ-euˬ naw maꞈ-euˬ pawˬ tsuiꞈ gʼaˬ paˇ bi ahˇ kʼoꞈ laˇ-awˬ.

Yaˬkoˆ 1:6

Ehˇ kʼawꞈ, naw maꞈ guiˬ lahˬ shaˇ ngeh maˬ jah coeˇ-eu nui ma maˬ bi ahˇ ni, jah-eu laꞈ kʼoeˇ shaˇ-awˬ. Maˬ jah coeˇ-eu tsawˇ haˬ-aˬ, jaˬ lehˇ kʼaˇ hehˇ-eu paw pyawˇ-iˇ-eu iˬ ma laˆ shaˆ iˇ luˆ dzeh gaˇ duˇ-eu meh.