Doˆ-iˇ 17:10 - Akha

¹⁰ Moˇseˬ, Aˬloˬ hawˇ-eu, Huˇyaˆ aˬ ha smˇ gʼaˬ gawˬ jawˬ uˬ du daˆ leˇ luꞈ ngeh, Yawˇshuˆ-aˬ, Moˇseˬ neh aˬ yawꞈ-ahˇ ehˇ nehˬ taˬ-euˬ loꞈ-ehˇ mˇ-awˇ, Aˬmaˬlehˇ tsawˇ haˬ-ahˇ guiˇ deuˆ leˇ-eu lehˇ, doˆ leˇ-euˬ meh.

Doˆ-iˇ 17:10 ပူးပေါင်းရင်းမြစ်များ

1 Laˬsaˬbaˬ 2:19

Aˬzuˇbaˬ shiˇ ngeh jawˇ, Eˇpaˬlaˇ-ahˇ Gaˬlehˆ sheuˬ-awˇ, Huˇyaˆ lehˇ myahˇ-euˬ aˬ li tiˬ li jawˇ le-euˬ meh.

Doˆ-iˇ 17:11

Moˇseˬ-euˬ aˬ laꞈ kʼaˇ baꞈ diˇ taˬ kʼoeˇ keuˆ ni, Iˇsaˬleˬlaˆ tsawˇ haˬ deuˬ guiˇ deuˆ-eu gʼaˬ leˇ-euˬ meh. Ehˇ kʼawꞈ, Moˇseˬ-euˬ aˬ laꞈ baꞈ ka ngeh jawˇ, Aˬmaˬlehˇ tsawˇ haˬ deuˬ paˇ gʼaˬ leˇ-euˬ meh.

Doˆ-iˇ 17:12

Moˇseˬ aˬ laꞈ gʼah laˇ ngeh, Aˬloˬ hawˇ-eu Huˇyaˆ aˬ nyaꞈ kʼaˬ lo tiˬ siˬ yuˇ-awˇ, Moˇseˬ-ahˇ bi nuiˇ-euˬ meh. Aˬ yawꞈ nyaꞈ-aˬ, Moˇseˬ-euˬ kʼoeˇ dzeˇ heu dzeˇ yawꞈ-awˇ, aˬ yawꞈ-euˬ aˬ laꞈ tiˬ paw laꞈ-ahˇ tiˬ gʼaˬ yuˇ-awˇ, nahˇ ma ga ahˇ ngeh keuˆ ni baꞈ diˇ nehˬ taˬ-euˬ meh.

Doˆ-iˇ 24:14

Aˬ yuiꞈ aˬ tsu kʼoeˇ deuˬ-ahˇ Moˇseˬ ehˇ nehˬ-eu, “Nga nyaꞈ gʼoꞈ keuˆ le ngeh keuˆ ni, sehˬ gʼawˆ-ahˇ jawˇ-awˇ nga nyaꞈ-ahˇ loꞈ tawˬ-awˬ. Aˬloˬ hawˇ-eu Huˇyaˆ aˬ nyaꞈ naw maꞈ nehˬ-ehˇ jawˇ luꞈ meh. Aˬ geu gʼaˬ maˬ kaˬ, ja dzaˬ paˬ-ehˇ gʼeh-eu jeˬ doˆ laˇ naˇ, aˬ yawꞈ nyaꞈ jawˇ gaˇ iˇ-awˇ, bi laˆ tsaˬ geuꞈ-awˬ.”

Doˆ-iˇ 31:2

“Yuˇdaˆ tsawˇ haˬ Huˇyaˆ-euˬ oeˬ paˬ pyeuꞈ-awˇ, Uˇliˆ-euˬ aˬ li pyeuꞈ-eu Baˬzeˬlaˇ-ahˇ ngaˇ tseˇ doˆ gʼaˬ-euˬ ma.

Maꞈtehˬ 28:20

Ngaˬ neh naw maꞈ-ahˇ dawˬ kʼaˇ biꞈ taˬ-euˬ yawˬ jeˬ na luꞈ, aˬ yawꞈ maꞈ naˇ haˬ-awˇ caw teh ni mehˬ nehˬ tsoˆ nehˬ-awˬ. Miˇ tsaˬ heu aˇ saˬ saˬ ngeh keuˆ ni, naw maꞈ nehˬ-ehˇ aˬ myah luꞈ ngaˇ jawˇ ma.”

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yoˇhaˬ 2:5

Kʼoeˇ ngeh, “Ngaˬ li kʼaˇ ehˇ-eu loꞈ-ehˇ mˇ-awˬ” lehˇ, zaˬ kʼaˆ deuˬ-ahˇ Yeˬsuˇ-euˬ aˬ ma ehˇ nehˬ-euˬ meh.

Yawˇshuˆ 11:15

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Yawˇshuˆ-ahˇ Moˇseˬ dawˬ biꞈ poˆ-awˇ, dawˬ kʼoeˇ deuˬ-ahˇ Yawˇshuˆ naˇ haˬ geuꞈ-euˬ meh. Moˇseˬ-ahˇ Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ aˬ yawꞈ mˇ-euˬ meh.