Doˆ-iˇ 16:29 - Akha

²⁹ Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ gʼaˬ naˬ naˬ-eu aˇ nah tiˬ nah biꞈ taˬ-euˬ meh lehˇ siˬ nya-awˬ. Kʼoeˇ miˇ neh, koꞈ nah tiˬ nah-ahˇ nyiˬ nah dzaˬ loꞈ-eu dzaˬ-eu dawˇ-eu jeˬ ngaˇ biꞈ nehˬ ma. Shiꞈ nah tiˬ nah-ahˇ, yawˬ gʼaˬ na luꞈ, yawˬ ha jawˇ duˬ-ahˇ yawˬ ha jawˇ-awˇ, yawˬ ha-euˬ nymˇ laꞈ nyiˇ maˬ ya doˆ-iˇ-a.”

Doˆ-iˇ 16:29 ပူးပေါင်းရင်းမြစ်များ

Neˬhaˬmiˇ 9:14

Nawˬ-euˬ gʼaˬ nah jawˇ nah-ahˇ bi muiˬ bi shawˇ-eu gʼaˇ duˬ, aˬ yawꞈ maꞈ-ahˇ nawˇ mehˬ nehˬ tsoˆ nehˬ-awˇ, nawˬ-euˬ zaˬ kʼaˆ Moˇseˬ-ahˇ nawˇ gʼoe-awˇ, aˬ yawꞈ maꞈ-ahˇ zahˇ dawˬ kʼoꞈ dawˬ biꞈ-euˬ meh.

Doˆ-iˇ 16:28

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ tsawˇ haˬ deuˬ ngaˬ-euˬ ehˇ dawˬ-ahˇ maˬ naˇ haˬ ni aˇ myah keuˆ ni jawˇ-eu lehˇ gʼeh ta.

Doˆ-iˇ 16:30

Kʼoeˇ miˇ neh, shiꞈ nah tiˬ nah-ahˇ Iˇsaˬleˬlaˆ tsawˇ haˬ deuˬ gaˇ maˬmˇ-a.

Doˆ-iˇ 31:13

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ gʼaˬ naˬ naˬ-eu aˇ nah pyeuꞈ-eu jawˇ nah ngeh nah, naw maꞈ lah-awˬ daw-awˬ. Aˬ jeˬ miˇ neh ehˇ naˇ, lah-eu daw-eu kʼoeˇ-aˬ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ ngaˬ-euˬ tsawˇ haˬ bi pyeuꞈ laˇ-euˬ gaˇ kawˆ, mˬ maˬ maˬ byaˆ zaˇ ziˇ jiˇ ni saˇ kiˇ pyeuꞈ-eu meh.

Yeˬsaˬgeˬlaˇ 20:12

Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ bi muiˬ bi shawˇ laˇ-euˬ gaˇ kawˆ, ngaˇ hawˇ-eu aˬ yawꞈ maꞈ yaw kaˬ-ahˇ saˇ kiˇ pyeuꞈ ni, jawˇ nah tawˬ-awˇ bi lah bi daw-euˬ ma.

Uˬ duˬ 25:21

Koꞈ kʼoꞈ tiˬ kʼoꞈ laꞈ kʼoeˇ, miˇ tsaˬ-ahˇ Sahˬpaˬ Miˬyehˇ guiˬ lahˬ biꞈ-awˇ, nyiˬ kʼoꞈ dzaˬ loꞈ-eu dzaˬ la gʼo cehˇ bi za le tehꞈ-a.

Maꞈtehˬ 24:20

Naw maꞈ ya cehˆ-eu aˇ nah aˇ yamˬ kʼoeˇ, tsahˬ gaˆ yamˬ hawˇ-eu Jawˇ nah-ahˇ maˬ bi tsaˬ laˇ-eu gʼaˇ duˬ, Miˬyehˇ-ahˇ guiˬ lahˬ shaˇ-awˬ.

Luˇkaꞈ 23:56

Kʼoeˇ naˇ, aˬ yawꞈ maꞈ gʼoꞈ leˇ-awˇ, Yeˬsuˇ-euˬ gʼawˇ mawˇ-ahˇ laˆ saˆ-eu gʼaˇ duˬ tsiˇ yaw saw gʼawˬ mya jeˬ lehˬ hmˬ leˇ-euˬ meh. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, Jawˇ nah kʼoeˇ nah-ahˇ aˬ yawꞈ maꞈ gʼaˬ naˬ naˬ-euˬ meh.