Doˆ-iˇ 16:22 - Akha

²² Koꞈ nah keuˆ laˇ ngeh, kaˬ muˇ kʼoeˇ aˬ yawꞈ nah yawꞈ gʼoˆ uiˬ-euˬ myaˆ maˬ tseˇ nyiˬ myaˆ ni aˬ yawꞈ maꞈ gʼoˆ uiˬ-euˬ meh. Tsawˇ haˬ tiˬ gʼaˬ gʼaˇ duˬ oeˬ pehˬ gʼoˆ uiˬ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu dawˬ tawˆ luꞈ Moˇseˬ jawˇ gaˇ oe-awˇ, gaˇ kawˆ kʼoeˇ ja nehˬ le-euˬ meh.

Doˆ-iˇ 16:22 ပူးပေါင်းရင်းမြစ်များ

Doˆ-iˇ 16:16

Naw maꞈ yawˬ gʼaˬ na luꞈ, yawˬ ha pehˬ zaˬ kʼaˇ dzaˬ jiˇ coeˇ-eu myaˆ ni, yawˬ ha nymˇ jiˇ laꞈ kʼoeˇ jawˇ-eu tsawˇ haˬ aˇ gʼaˬ-ahˇ haw-awˇ, tiˬ gʼaˬ gʼaˇ duˬ nyiˬ pehˬ gʼoˆ uiˬ-awˬ lehˇ Sahˬpaˬ Miˬyehˇ ehˇ-eu meh.”

Doˆ-iˇ 16:21

Aˬ yawꞈ shawˬ yawꞈ, aˬ yawꞈ maꞈ yawˬ gʼaˬ na luꞈ, yawˬ ha kʼaˇ dzaˬ jiˇ coeˇ-eu myaˆ ni, kaˬ muˇ gʼoˆ uiˬ-euˬ meh. Nahˇ tsaˇ kʼaˆ laˇ ngeh, miˇ tsa kʼaˇ ga yaꞈ-euˬ kaˬ muˇ dawˬ tawˆ luꞈ guiˇ byoˆ jiˇ-euˬ meh.

Doˆ-iˇ 16:5

Koꞈ nah tiˬ nah keuˆ laˇ naˇ, aˇ nah nui deuˬ-ahˇ maˬ duˇ ni, yawˬ nah na luꞈ, aˬ yawꞈ maꞈ gʼoˆ uiˬ luꞈ-eu naˆ maˬ tseˇ, nyiˬ bymˇ ya gʼoˆ uiˬ taˬ tehꞈ-a.”

Doˆ-iˇ 34:31

Ehˇ kʼawꞈ, Moˇseˬ aˬ yawꞈ maꞈ-ahˇ kuˇ ngeh, Aˬloˬ hawˇ-eu aˬ yuiꞈ aˬ tsu deuˬ dawˬ tawˆ luꞈ le-awˇ, aˬ yawꞈ maꞈ-ahˇ Moˇseˬ dawˬ ngehˬ cawˬ-euˬ meh.

Uˬ duˬ 25:12

Aˇ kʼoꞈ kʼoeˇ kʼoꞈ kʼoꞈ lah ni, naw maꞈ gʼaˇ duˬ muiˬ-eu shawˇ-eu aˇ kʼoꞈ pyeuꞈ-eu meh. Deh ma hawˇ-eu yaˇ laꞈ kʼoeˇ za-euˬ jeˬ tehꞈ-ehˇ naw maꞈ ya dzaˬ meh.

Uˬ duˬ 25:22

Yehꞈ kʼoꞈ tiˬ kʼoꞈ siˬ yoeˬ sehˬ ngeh yamˬ-ahˇ, koꞈ kʼoꞈ tiˬ kʼoꞈ laꞈ kʼoeˇ naw maꞈ neh mˇ za taˬ-euˬ dzaˬ la gʼo cehˇ deuˬ naw maꞈ dzaˬ luꞈ-awˇ, cehˇ laˆ luiˆ yamˬ-ahˇ keuˆ ni dzaˬ loꞈ dawˇ loꞈ tehꞈ-a.