Doˆ-iˇ 16:15 - Akha

¹⁵ Iˇsaˬleˬlaˆ tsawˇ haˬ deuˬ aˇ kʼoˇ kʼoˇ zaˬ kʼoeˇ deuˬ-ahˇ ya mawˇ ngeh, aˬ jeˬ aˇ kʼoˇ pyeuꞈ-eu maˬ siˬ nya-ehˇ, “Heu aˬ jeˬ nga” lehˇ, tiˬ gʼaˬ tiˇ gʼaˬ naˇ haˬ-euˬ meh. Kʼoeˇ ngeh, aˬ yawꞈ maꞈ-ahˇ Moˇseˬ ehˇ nehˬ-eu, “Heu-aˬ, naw maꞈ dzaˬ-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ nehˬ-euˬ kaˬ muˇ pyeuꞈ-eu meh.

Doˆ-iˇ 16:15 ပူးပေါင်းရင်းမြစ်များ

Neˬhaˬmiˇ 9:15

Aˬ yawꞈ maꞈ hawˬ mehꞈ luꞈ ngeh jawˇ, mˬ taˆ kaˬ muˇ nawˇ bi dzaˬ-awˇ, aˬ yawꞈ maꞈ iˇ cuꞈ mehꞈ ngeh jawˇ, kʼaˬ lo-ahˇ iˇ cuꞈ bi doˆ le-euˬ meh. Nawˇ saˇ jaˇ dzaˬ taˬ-euˬ miˇ kʼahˬ kʼoeˇ geuꞈ-awˬ lehˇ, aˬ yawꞈ maꞈ-ahˇ nawˇ ehˇ-awˇ biꞈ-euˬ meh.

Neˬhaˬmiˇ 9:20

Muiˬ-eu jaˬ-eu nawˬ-euˬ Yaw sahˇ, aˬ yawꞈ maꞈ mˇ paˬ-ehˇ gʼeh-eu jeˬ mehˬ-euˬ meh. Aˬ yawꞈ maꞈ-ahˇ nawˇ maˬ naˆ kaˬ muˇ biꞈ nehˬ-awˇ, dawˇ-eu iˇ cuꞈ kʼawꞈ biꞈ-euˬ meh.

Jaceuq 105:40

Aˬ yawꞈ maꞈ shaˇ dzaˬ-eu loꞈ-ehˇ kʼahˬ zaˬ laˬ ma pyehˬ gʼeh leꞈ-awˇ, nui kʼahˇ tiˬ shiˇ ya dzaˬ dehˆ ni, mˬ taˆ neh dzaˬ dzaˬ dawˇ dawˇ biꞈ ka leꞈ-euˬ meh.

Jaceuq 78:24

Aˬ yawꞈ maꞈ jawˇ gaˇ maˬ naˆ kaˬ muˇ bi ga le-eu laꞈ kʼoeˇ, mˬ taˆ-euˬ cehˇ aˬ yawꞈ maꞈ-ahˇ bi dzaˬ-euˬ meh.

Doˆ-iˇ 16:31

Kaˬ muˇ kʼoeˇ-ahˇ, Iˇsaˬleˬlaˆ tsawˇ haˬ deuˬ maˬnaˆ lehˇ kuˇ-eu meh. Kʼoeˇ-aˬ, yaˇ sawˇ aˇ nuiˆ-ahˇ duˇ-awˇ, ba ceuˬ ni gʼeh-awˇ, byaˬ byaˬ uiˇ neh jahˇ taˬ-euˬ kaˬ muˇ loꞈ-ehˇ kuiˇ-eu meh.

Doˆ-iˇ 16:33

Kʼoeˇ naˇ, “Ciˬ cuˇ tiˬ siˬ yuˇ-awˇ, maˬnaˆ kaˬ muˇ nyiˬ pehˬ ehˇ gʼaˬ ni pehˬ ahˇ-awˇ, aˬ kaˇ aˬ dui-euˬ zaˬ deuˬ uˆ deuˬ gʼaˇ duˬ bi jeˬ hmˬ taˬ-eu gʼaˇ duˬ, Sahˬpaˬ Miˬyehˇ-euˬ mehˬ shi ciˬ taˬ-iˇ-awˬ” lehˇ, Aˬloˬ-ahˇ Moˇseˬ ehˇ nehˬ-euˬ meh.

Doˆ-iˇ 16:4

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Naw maꞈ dawˬ tawˆ luꞈ gʼaˇ duˬ dzaˬ dzaˬ dawˇ dawˇ uˬ yehˇ loꞈ-ehˇ mˬ kʼoeˇ taˆ neh bi yehˇ ka leꞈ-eu lehˇ, nymˬ-mˇ ngaˇ lehˬ hmˬ taˬ-euˬ ma. Tsawˇ haˬ heu deuˬ-ahˇ yawˬ nah yawˬ na luꞈ bi doˆ-iˇ-awˇ, tiˬ nah gʼaˇ duˬ tiˬ nah loꞈ-eu dzaˬ-eu dawˇ-eu jeˬ bi gʼoˆ uiˬ-iˇ-awˬ. Kʼoeˇ loꞈ-ehˇ jahˇ-awˇ, tsawˇ haˬ heu deuˬ ngaˬ neh mehˬ nehˬ tsoˆ nehˬ-euˬ jeˬ-ahˇ naˇ haˬ geuꞈ nga loˇ lehˇ ngaˇ lawˬ haw ma.

Dawqdaq 9:5

“Laˇ-awˬ, ngaˬ neh lehˬ hmˬ taˬ-euˬ dzaˇ dzaˬ laˇ-awˇ, ngaˬ neh laˆ saˆ taˬ-euˬ aˬ gaꞈ dzaˇ uiˇ dawˇ le-awˬ.

Bawˇtsahˬ 21:5

Miˬyehˇ hawˇ-eu Moˇseˬ-ahˇ iˬ baˇ taˬ-euˬ meh. Aˬ yawꞈ maꞈ ehˇ-eu, “Iˇ cuꞈ hawˇ-eu dzaˇ maˬ jaˆ-eu bawˇ tsahˬ-ahˇ bi shiˇ-eu lehˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ aˬ jeˬ gʼeh sheuˬ doˆ laꞈ te. Dzaˇ heu deuˬ-ahˇ nga maꞈ maˬ paˇ dzaˬ nahˇ miˇ-a.”

Luˇkaꞈ 12:30

Aˬ jeˬ miˇ neh ehˇ naˇ, lawˇ ciꞈ zaˬ dawˬ tawˆ luꞈ kʼoeˇ jeˬ-ahˇ poˆ luꞈ meh. Naw maꞈ kʼoeˇ jeˬ loˬ meh lehˇ, naw maꞈ-euˬ Aˬda siˬ nya meh.

Yoˇhaˬ 6:49

Naw maꞈ-euˬ aˬ poeˬ aˬ bawˇ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ cah ngeh, maˬ naˆ kaˬ muˇ ya dzaˬ-euˬ ngeuˇ meh. Ehˇ kʼawꞈ, aˬ yawꞈ maꞈ tiˬ jawˇ-iˬ maˬ shiˇ ni dehꞈ-euˬ maˬ ngeuˇ-a.

Yoˇhaˬ 6:58

Heu-aˬ, mˬ kʼoeˇ taˆ neh oe-euˬ kaˬ muˇ meh. Kaˬ muˇ heu-aˬ, naw maꞈ-euˬ aˬ poeˬ aˬ bawˇ deuˬ neh dzaˬ-euˬ kaˬ muˇ kʼoeˇ-ahˇ maˬ duˇ-a. Aˬ yawꞈ maꞈ-aˬ, kaˬ muˇ kʼoeˇ dzaˬ-euˬ kʼawꞈ shiˇ-euˬ meh. Ehˇ kʼawꞈ, kaˬ muˇ heu-ahˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ meh.”

1 Gawˇliˬtu 10:3

Aˬ yawꞈ maꞈ dawˬ tawˆ luꞈ mˬ taˆ-euˬ dzaˇ tiˬ kawˆ loꞈ-ehˇ dzaˬ-euˬ meh.

Dawˬmehˬ 8:16

Bawˇ tsahˬ bawˇ dahˇ laꞈ kʼoeˇ, naw maꞈ bi dzaˬ-eu gʼaˇ duˬ, naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ dzaˬ haw-euˬ maˬ naˆ kaˬ muˇ, naw maꞈ-ahˇ aˬ yawꞈ biꞈ-euˬ meh. Aˇ saˬ saˬ laˇ jawˬ-ehˇ, muiˬ-eu jeˬ guiˬ lahˬ naw maꞈ-ahˇ aˬ yawꞈ biꞈ nehˬ mawꞈ-eu miˇ neh, naw maꞈ kʼoeˇ taˆ shaˬ-eu zahˬ-eu jeˬ bi keuˆ le-eu laꞈ kʼoeˇ, aˬ yawꞈ naw maꞈ-ahˇ lawˬ haw-euˬ meh.

Dawˬmehˬ 8:3

Aˬ yawꞈ naw maꞈ-ahˇ bi mehꞈ bi shuꞈ-awˇ, naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ tiˬ jawˇ-iˬ maˬ ya dzaˬ haw-euˬ maˬ naˆ kaˬ muˇ naw maꞈ-ahˇ aˬ yawꞈ bi dzaˬ-euˬ meh. Dzaˬ-eu dawˇ-eu jeˬ -ahˇ tehꞈ-ehˇ gʼoe-awˇ tsawˇ haˬ zaˬ yaw dehꞈ ya dehꞈ-eu maˬ ngeuˇ-a. Ehˇ kʼawꞈ, Sahˬpaˬ Miˬyehˇ neh kʼaˇ ngehˬ kʼaˇ tmˇ-euˬ jeˬ baˬ da neh tsawˇ haˬ zaˬ yaw dehꞈ ya dehꞈ-eu gaˇ kawˆ naw maꞈ-ahˇ mehˬ nehˬ tsoˆ nehˬ mawꞈ-euˬ miˇ neh, aˬ yawꞈ kʼoeˇ loꞈ-ehˇ mˇ mehˬ-euˬ meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.

Yawˇshuˆ 5:12

Kʼoeˇ ngeh neh naˇ, maˬ naˆ kaˬ muˇ maˬ paˇ ga le ni tsehˆ leˇ-awˇ, Iˇsaˬleˬlaˆ tsawˇ haˬ deuˬ maˬ naˆ kaˬ muˇ maˬ paˇ ya dzaˬ ni pyeuꞈ-iˇ-awˇ, Kaˬnaˬ miˇ kʼahˬ-ahˇ doˆ-eu dzaˇ deuˬ aˬ yawꞈ maꞈ dzaˬ-euˬ meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.