Doˆ-iˇ 15:9 - Akha

⁹ Muiˇ-eu deuˬ ehˇ-eu, ‘Aˬ yawꞈ maꞈ-ahˇ ngaˇ teh-awˇ teh mi ma. Aˬ yawꞈ maꞈ-euˬ pyuˇ shuiˇ myawˬ gahˬ dehˬ biˇ-awˇ, ngaˇ kʼaˇ geuꞈ mawꞈ-eu jeˬ yuˇ ma. Ngaˬ-euˬ mi cehˇ ngaˇ gʼawˇ doˆ-awˇ, aˬ yawꞈ maꞈ kʼaˇ ahˇ-eu jeˬ yuˇ jiˇ ma.’

Doˆ-iˇ 15:9 ပူးပေါင်းရင်းမြစ်များ

Aˇ dahˬ 49:27

Beˬyaˬmiˬ-aˬ, smˇ dui dui-eu kʼaˬ yehˇ-ahˇ duˇ-eu meh. Uˬ ciꞈ nah gʼahˇ maˬ tseˇ ni aˬ cawˬ-ahˇ kawꞈ sehꞈ-awˇ, dzaˬ nawˆ nawˆ tehꞈ-a” lehˇ, aˬ ha mehˇ nmˇ-ahˇ Yaˬkoˆ ehˇ nehˬ-euˬ meh.

2 Saˬmeuˬlaˆ 22:38

Muiˇ-eu deuˬ-ahˇ ngaˇ caw teh-awˇ, laˆ luˬ laˆ seˇ nehˬ yaꞈ-euˬ ma. Nui kʼahˇ tiˬ shiˇ maˬ jahˇ nehˬ-ehˇ, mehˬ nah paw maˬ gʼoꞈ kʼoꞈ laˇ-aˬ.

1 Sahˬpaˬ 19:2

Kʼoeˇ naˇ, Eˇliˇyaˆ jawˇ gaˇ Yeˬsaˬbeˬlaˇ tsawˇ haˬ pyehˬ gʼeh-awˇ, “Baˬlaˇ miˬ yehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ nawˬ neh jahˇ nehˬ-euˬ loꞈ-ehˇ, ni shawˬ nah nawˬ-ahˇ ngaˇ maˬ jahˇ kʼ oꞈ nehˬ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ” lehˇ bi ehˇ gaˬ-iˇ-euˬ meh.

1 Sahˬpaˬ 20:10

Beˬhaˬdaˇ neh aˬ yawꞈ-ahˇ paˇ pyehˬ gʼeh leꞈ-awˇ, Aˬhaˆ-ahˇ heu loꞈ-ehˇ bi tsaꞈ gaˬ le-euˬ meh. “Meuˬ heu meuˬ-ahˇ laˆ luˬ laˆ seˇ nya ni, ngaˇ tsawˇ haˬ tiˬ loꞈ sheuˬ leꞈ-awˇ, bi laˆ meuˇ bi laˆ loeˇ ma. Meuˬ heu meuˬ-euˬ kʼaˬ lehˇ-ahˇ, aˬ yawꞈ maꞈ-euˬ aˬ laꞈ neh tawˆ kʼoꞈ gʼeh tehꞈ-a. Ngaˇ kʼoeˇ loꞈ-ehˇ maˬ jahˇ pyeuꞈ nya naˇ, miˬ yehˇ kʼoeˇ deuˬ ngaˬ-ahˇ sehꞈ luꞈ-uˇ.”

Doˆ-iˇ 14:5

Iˇsaˬlaˬleˇ tsawˇ haˬ deuˬ cehˆ doˆ dzeuˇ-euˬ gaˇ kawˆ sahˬ paˬ kʼoeˇ gʼaˬ-ahˇ aˬ cawˬ tsaꞈ gaˬ ngeh, aˬ yawꞈ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma paˇ laˇ-awˇ, “Aˬ dui maꞈ gʼaˇ duˬ shaˬ laˇ-euˬ nga. Iˇsaˬleˬlaˆ tsawˇ haˬ deuˬ-ahˇ aˬ dui maꞈ bi cehˆ doˆ dzeuˇ-euˬ miˇ neh, zaˬ kʼaˆ maˬ paˇ jawˇ ngaˇ” lehˇ ehˇ-eu meh.

Dawqdaq 16:19

Yaw haiˬ deuˬ nehˬ-ehˇ kʼaˆ dzaˇ biˇ dzaˬ-eu naˆ maˬ tseˇ, tsawˇ shaˬ deuˬ nehˬ-ehˇ nahˬ yu ni dehꞈ-eu muiˬ dzehˬ meh.

Iˇsaˬyaˇ 36:20

Saˬmaˬliˆ meuˬ-ahˇ ka kʼoꞈ nehˬ-euˬ gʼaˬ jawˇ meh loˇ. Nga maꞈ miˇ kʼahˬ uˆ lahˇ-eu uˬ moˆ maˬ ya jawˇ ni, miˇ kʼahˬ heu deuˬ-ahˇ aˬ yawꞈ maꞈ-euˬ miˬ yehˇ neh ka kʼoꞈ doˆ nehˬ-euˬ aˇ myaˆ poˆ jaˆ ta. Toˆ-ehˇ ngeuˇ naˇ, Yeˬluˇsaˬlehˬ meuˬ-ahˇ Sahˬpaˬ Miˬyehˇ ka kʼoꞈ tehꞈ-a lehˇ naw maꞈ aˬ joˆ-ehˇ noeˬ tmˬ peuˬ-eu nya.”

Iˇsaˬyaˇ 53:12

Kʼoeˇ miˇ neh aˬ yawꞈ-ahˇ ngaˇ taˬ huiˬ taˬ mahˇ nehˬ-awˇ, baoˬ huiˬ-eu deuˬ-euˬ jawˇ duˬ-ahˇ bi jawˇ ma. Haiˬ-eu tsawˇ haˬ deuˬ ya daˬ-eu yaw doeˇ aˬ yawꞈ daˬ-awˇ, nui ma keuˆ-eu laꞈ kʼoeˇ shiˇ dah-euˬ meh. Tsawˇ haˬ gʼawˬ mya ni-euˬ iˬ baˇ aˬ yawꞈ pi-awˇ, aˬ yawꞈ maꞈ iˬ baˇ ya buˬ ni mˇ dah-euˬ meh.”

Yeˬlaˬmiˇ 46:17

“Iˇjiˇtuˆ sahˬ paˬ-ahˇ tsawˇ myahˇ myahˇ paˇ nehˬ-awˬ. ‘Aˇ yamˬ dawˬ dzeuˇ-eu kʼahˬ sehˇ mehˬ lawꞈ’ lehˇ myahˇ nehˬ-awˬ.

Haˬbaˬkuˆ 3:14

Cehˆ zaꞈ taˬ-euˬ yaw shaˬ zaˬ-ahˇ, nyehꞈ dzaˬ-eu lehˇ noeˬ tsoˆ taˬ-awˇ, jaˬ lehˇ lehˇ zeuˆ loꞈ-ehˇ oe-eu, guiˇ maꞈ kʼoeˇ maꞈ-euˬ aˬ yuiꞈ-ahˇ, aˬ yawꞈ-euˬ gahˬ nawˇ yuˇ doˆ-awˇ, uˬ duˬ joeˬ tsoˆ doˆ nehˬ-euˬ meh.

Luˇkaꞈ 11:22

Ehˇ kʼawꞈ, aˬ yawꞈ naˆ maˬ tseˇ kʼaˆ dzehˬ-eu tiˬ gʼaˬ deuˆ ceh ceh le-awˇ, aˬ yawꞈ-ahˇ deuˆ gʼaˬ ngeh, aꞈ yawꞈ nui ma huiˬ-euˬ aˬ yawꞈ-euˬ guiˇ deuˆ-eu keu ka dawˬ tawˆ luꞈ yuˇ geuꞈ gʼeh jiˇ-awˇ, kʼaˇ deuˆ za-euˬ jeˬ, biˇ geuꞈ tehꞈ-a.

Yaˇ kʼaˬ daˇ 5:30

“Aˬ yawꞈ maꞈ myawˬ gahˬ deuˆ za-awˇ biˇ geuꞈ luꞈ-eu jeˬ nga. Yehˇ tiˬ gʼaˬ gʼaˇ duˬ zaˬ miˬ aˬ buˇ nyiˬ gʼaˬ, Siˇseˬlaˇ gʼaˇ duˬ muiˬ dui dui-eu mehˬ tsoeˬ, Sahˬ paˬ miˬ zaˬ-euˬ kawˬ lahˇ-ahˇ dah-eu aˇ boꞈ boꞈ taˬ-euˬ lawˇ dah heu deuˬ biˇ geuꞈ luꞈ-eu jeˬ nga.”

1 Saˬmeuˬlaˆ 30:8

Kʼoeˇ ngeh, Daˬbiˇ Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ kʼoeˇ deuˬ-euˬ mehˬ nah ngaˇ caw teh-iˇ-awˬ loˇ. Aˬ yawꞈ maꞈ-ahˇ ngaˇ teh mi coeˇ tehꞈ-a loˇ.” Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ caw teh-iˇ-awˬ. Aˬ yawꞈ maꞈ-ahˇ nawˇ teh mi-awˇ, aˬ yawꞈ maꞈ neh nyehꞈ gʼeh-euˬ tsawˇ haˬ deuˬ-ahˇ nawˇ ka kʼoꞈ nya tehꞈ-a.”