Doˆ-iˇ 15:7 - Akha

⁷ Baoˬ huiˬ-eu laꞈ kʼoeˇ, nawˬ-ahˇ muiˇ-eu deuˬ-ahˇ nawˇ laˆ luˬ laˆ seˇ nehˬ-euˬ meh. Nawˇ nui ma pehˇ-eu jeˬ miˬ dzaˬ loꞈ-ehˇ doˆ-iˇ-awˇ, gʼo yoeˬ-ahˇ miˬ dzaˬ puiˆ-eu loꞈ-ehˇ, aˬ yawꞈ maꞈ-ahˇ puiˆ dzeh-euˬ meh.

Doˆ-iˇ 15:7 ပူးပေါင်းရင်းမြစ်များ

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 148:13

Aˬ yawꞈ maꞈ dawˬ tawˆ luꞈ Sahˬpaˬ Miˬyehˇ-ahˇ ja ceuˬ luꞈ-uˇ. Tsawˇ myahˇ dawˬ tawˆ luꞈ kʼoeˇ taˆ aˬ yawꞈ-euˬ tsawˇ myahˇ huiˬ dzehˬ-awˇ, mˬ hawˇ-eu miˇ tsaˬ naˆ maˬ tseˇ, aˬ yawꞈ-euˬ yaw shehꞈ kʼahˬ sehˇ goˇ dzehˬ-eu meh.

Jaceuq 59:13

nui ma pehˇ-eu laꞈ kʼoeˇ laˆ cawˆ nehˬ-awˬ. piˬ-iˇ byoˆ-iˇ jiˇ ni laˆ cawˆ nehˬ-awˬ. Kʼoeˇ ngeh, Iˇsaˬleˬlaˆ miˇ kʼahˬ-ahˇ Miˬyehˇ uˆ lahˇ-awˇ, mˬ dzeˇ miˇ dzeˇ keuˆ ni uˆ lahˇ luꞈ-eu gaˇ kawˆ, tsawˇ haˬ dawˬ tawˆ luꞈ ya siˬ tehꞈ-a.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Jaceuq 83:13

Miˬ yehˇ-oˇ, kʼaˬ lehˇ byaˆ dzeh-eu loꞈ-ehˇ aˬ yawꞈ maꞈ-ahˇ byaˆ dzeh nehˬ-awˬ. Jaˬ lehˇ neh bi baw byoˆ gʼeh-euˬ gʼo yoeˬ loꞈ-ehˇ jahˇ nehˬ-awˬ.

Doˆ-iˇ 14:27

Kʼoeˇ ngeh, Moˇseˬ aˬ laꞈ cawˬ ja-awˇ, mˬ bya laˇ ngeh, iˇ cuꞈ kʼoeˇ deuˬ aˬ yawꞈ yaw oeˇ loꞈ-ahˇ paˇ dahˬ dzm laˇ-euˬ meh. Iˇjiˇtuˆ tsawˇ haˬ kʼoeˇ deuˬ iˇ cuꞈ dahˬ pymˬ laꞈ gaˇ cehˆ dzeuˇ-eu lehˇ leh jeh kʼawꞈ, Sahˬpaˬ Miˬyehˇ aˬ yawꞈ maꞈ-ahˇ iˬ ma laˆ shaˆ laꞈ kʼoeˇ biˬ puꞈ nehˬ-euˬ meh.

Doˆ-iˇ 5:12

Kʼoeˇ ngeh, tsawˇ haˬ kʼoeˇ deuˬ, Iˇjiˇtuˆ miˇ kʼahˬ doe ni iˇ-awˇ gʼo yoeˬ poˆ uiˬ laˬ-iˇ-euˬ meh.

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Iˇsaˬyaˇ 37:17

Sahˬpaˬ Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ kʼoeˇ taˆ keuˆ le taˬ-eu jeˬ-ahˇ haw mawˇ nehˬ laꞈ-awˬ. Dehꞈ luꞈ-eu Miˬyehˇ pyeuꞈ-eu nawˬ-ahˇ Seˬneˬkaˬliˇ neh yehˬ bawˬ sehˇ lu-ehˇ kʼaˇ ehˇ taˬ-euˬ jeˬ-ahˇ naˇ haˬ-awˬ.

Iˇsaˬyaˇ 37:23

Aˬ suˇ gʼaˬ-ahˇ nawˇ yehˬ bawˬ sehˇ lu-ehˇ ehˇ-awˇ yaˬ kʼehˇ yaˬ luꞈ te lehˇ noeˬ-eu nya. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˬ-ahˇ, nawˇ yaw zeu maˬ baw te loˇ.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 37:38

Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Iˇsaˬyaˇ 47:14

“Aˬ yawꞈ maꞈ gʼo yoeˬ-ahˇ duˇ-awˇ, miˬ dzaˬ bi puiˆ dzaˬ jiˇ tehꞈ-a. Aˬ yawꞈ maꞈ yawˬ haˇ yawˬ ha maˬ ka kʼoꞈ nya-a. Miˬ dzaˬ miˬ lmˇ kʼoeˇ aˬ yawꞈ maꞈ-ahˇ lahˇ dui dui tehꞈ-a. Yaw gaˆ lmˇ-eu miˬ jiˆ-ahˇ maˬ duˇ-a.

Iˇsaˬyaˇ 5:16

Ehˇ kʼawꞈ Baoˬ huiˬ-eu Sahˬpaˬ Miˬyehˇ yaw tsaˬ yaw dawˇ jeˬ mˇ-awˇ, aˬ yawꞈ huiˬ-eu mahˇ-eu gaˇ kawˆ pah mehˬ tehꞈ-a. Aˬ yawꞈ-euˬ tsawˇ haˬ deuˬ-ahˇ yaˇ kʼaˬ daˇ-eu laꞈ kʼoeˇ, aˬ yawꞈ muiˬ-eu shawˇ-eu gaˇ kawˆ bi mawˇ tehꞈ-a.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Miˇkaˬ 4:11

Miˇ kʼahˬ gʼawˬ mya ni naw maꞈ-ahˇ guiˇ deuˆ-eu lehˇ uiˬ leˇ taˬ-awˇ, “Yeˬluˇsaˬlehˬ meuˬ-ahˇ laˆ cawˆ ma. Meuˬ teu meuˬ luˬ-iˇ seˇ-iˇ-euˬ gaˇ aˬ dui ya mawˇ tehꞈ-a” lehˇ, aˬ yawꞈ maꞈ lmˬ luꞈ meh.

Zaˬkaˬliˇ 14:3

Kʼoeˇ naˇ, Sahˬpaˬ Miˬyehˇ doˆ-iˇ-awˇ, aˇ hu ba guiˇ deuˆ haw-euˬ loꞈ-ehˇ, tsawˇ jeuˬ kʼoeˇ deuˬ-ahˇ guiˇ deuˆ tehꞈ-a.

Zaˬkaˬliˇ 14:8

Aˇ nah kʼoeˇ nah keuˆ le ngeh jawˇ, Yeˬluˇsaˬlehˬ meuˬ-ahˇ neh, dehꞈ-eu iˇ cuꞈ yoeˇ doˆ le-awˇ, nahˇ ma doˆ kʼehˬ paw pyawˬ-ahˇ jaˆ-eu iˬ ma laˆ shaˆ-ahˇ tiˬ paˆ yoeˇ ahˇ tehꞈ-a. Iˇ cuꞈ kʼoeˇ, tsahˬ gaˆ jawˇ la maˬ baw ni, aˬ myah luꞈ yoeˇ tehꞈ-a.

Zaˬkaˬliˇ 2:8

“Naw maꞈ-ahˇ kʼaˇ laˆ ciˆ-eu tsawˇ haˬ ngaˬ-euˬ myaˆ nuiˆ myaˆ naˆ-ahˇ laˆ ciˆ laˇ gaˇ duˇ tehꞈ-a” lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, aˬ yawꞈ-euˬ tsawˇ haˬ deuˬ-ahˇ smˇ kʼoeˬ tahˇ joe joe-euˬ tsawˇ jeuˬ deuˬ jawˇ gaˇ, Baoˬ huiˬ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Gʼaˬkʼehˇ 9:4

Aˬ yawꞈ miˇ tsa coˬ dzeh-awˇ, heu loꞈ-ehˇ ehˇ-eu teˇ saˇ-ahˇ ya gaˬ-euˬ meh. “Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te.”

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 4:24

Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, puiˆ dzaˬ laˇ-eu miˬ dzaˬ-ahˇ duˇ-awˇ, myaˆ naˆ-eu Miˬyehˇ meh.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.