Doˆ-iˇ 15:20 - Akha

²⁰ Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Doˆ-iˇ 15:20 ပူးပေါင်းရင်းမြစ်များ

Aˇ dahˬ 31:27

Aˬ jeˬ miˇ neh, ngaˬ-ahˇ tiˬ pawꞈ-iˬ maˬ bi siˬ ni tsawˇ gahˇ gahˇ dzeuˇ-awˇ cehˆ kʼoeˬ kʼoeˬ te. Nawˇ ngaˬ-ahˇ yaw muiˬ paˬ-ehˇ ehˇ gaˬ law nmˇ-aˬ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu laꞈ kʼoeˇ, gaˇ pehˇ sheuˬ keuˆ ha laˇ-eu ma tawˇ.

2 Saˬmeuˬlaˆ 1:20

Gaˬ daˇ meuˬ-ahˇ taˬ ja gaˬ-iˇ. Aˬshaˇgaˬloˇ meuˬ-euˬ laꞈ kʼoeˇ, gaˇ ma doe ni taˬ dzawˇ gaˬ-iˇ. Kʼoeˇ loꞈ-ehˇ ja gaˬ dzawˇ gaˬ naˇ, Piˇliˇtiˆ lawˇ ciꞈ zaˬ deuˬ-euˬ, aˬ buˇ deuˬ laˬ kʼaˬ cehˇ tehꞈ-a.

2 Saˬmeuˬlaˆ 6:14

Daˬbiˇ-aˬ, joꞈ-ahˇ keuˆ ni tehꞈ-ehˇ guꞈ taˬ-euˬ shawˇ jehˆ ni gʼeh-eu saˬ paˇ mehˬ tsoeˬ dm-awˇ, gʼaˬ kʼaˇ jaˆ-eu shaˇ-awˇ gaˇ nyeh nyeh-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ-euˬ meh.

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

2 Sahˬpaˬ 22:14

Hiˇlaˬkiˇ, Aˬhiˇkamˬ, Aˬkaˬbawˇ, Shaˇpaˬ, Aˬsaˬyaˆ aˬ ha maꞈ-aˬ, Yeˬluˇsaˬlehˬ meuˬ yaw shuiꞈ tsoˆ-euˬ paw dzeˇ dzaˬ-ahˇ jawˇ-eu Huˇlaˬdaˬ lehˇ myahˇ-euˬ Miˬyehˇ gʼaˇ duˬ ngehˬ dah-eu zaˬ miˬ zaˬ tiˬ gʼaˬ jawˇ gaˇ iˇ-awˇ, naˇ haˬ-iˇ-euˬ meh. (Zaˬ miˬ zaˬ kʼoeˇ gʼaˬ-euˬ kʼaˬ dzeˇ zaˬ-aˬ, Haˬlaˬhaˇ-euˬ oeˬ paˬ pyeuꞈ-awˇ, Tiˇkaˬbaˬ-euˬ aˬ li pyeuꞈ-eu, Uˬ duˬ tahˬ nymˇ nymˇ ma laꞈ kʼoeˇ pehˇ kʼahˬ pehˇ mahˇ jeˬ hmˬ-eu gaˇ mˇ luꞈ-eu Shaˬlmˬ meh.) Kʼaˇ pyeuꞈ laˇ-euˬ gaˇ kawˆ kʼoeˇ deuˬ, zaˬ miˬ zaˬ kʼoeˇ gʼaˬ-ahˇ aˬ yawꞈ maꞈ dzawˇ nehˬ-euˬ meh.

1 Laˬsaˬbaˬ 15:16

“Leˬbiˇ tsawˇ haˬ gʼawˬ mya ni, deuˇ-mˬ diˬ, cehˇ lehˇ ciˆ-awˇ, laˬ kʼaˬ tiˬ cehˇ caˇ dawˬ bi caˇ-awˬ” lehˇ, aˬ yuiꞈ aˬ tsu kʼoeˇ deuˬ-ahˇ Daˬbiˇ dawˬ biꞈ-euˬ meh.

1 Laˬsaˬbaˬ 6:3

Aˬmaˬlamˬ-aˬ, Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li hawˇ-eu, Miˇliˬyaˬ lehˇ myahˇ-euˬ aˬ buˇ tiˬ buˇ jawˇ-eu meh. Aˬloˬ-aˬ, Naˬdehˇ, Aˬbiˇhu, Eˇlaˬzaˬ, Iˇdaˬmaˬ lehˇ myahˇ-euˬ aˬ li oeˬ li jawˇ-eu meh.

Neˬhaˬmiˇ 6:14

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, Tawˇbyaˬ hawˇ-eu Sahˬbaˬlaˆ aˬ nyaꞈ neh ngaˬ-ahˇ mˇ nehˬ laꞈ-euˬ gaˇ maˬ ngehˇ ni aˬ yawꞈ nyaꞈ-ahˇ kʼehˬ nehˬ-awˬ. Nawˇ diˇ lehˇ myahˇ-euˬ zaˬ miˬ zaˬ kʼoeˇ gʼaˬ hawˇ-eu ngaˬ-ahˇ guˆ ciˬ nyehꞈ-eu lehˇ kʼaˇ leh jeh-euˬ nawˬ-euˬ gʼaˇ duˬ ngehˬ dah-eu kʼoeˇ deuˬ-ahˇ kʼawꞈ maˬ kʼehˬ nehˬ ni taˬ byehˇ nehˬ laꞈ.”

Jaceuq 149:3

Gaˇ nyeh nyeh-awˇ aˬ yawꞈ-euˬ tsawˇ myahˇ-ahˇ ja ceuˬ-awˬ. Tahˬ diˬ, deuˇ-mˬ diˬ-awˇ aˬ yawꞈ-ahˇ ja ceuˬ-awˬ.

Jaceuq 150:4

Tahˬ diˬ gaˇ nyeh nyeh-awˇ aˬ yawꞈ-ahˇ ja ceuˬ-awˬ. Deuˇ-mˬ diˬ, bawˬ law baw-awˇ ja ceuˬ-awˬ.

Jaceuq 30:11

Ngaˇnoeˬshaˬnoeˬzahˬ-eu jeˬ-ahˇ, laˬkʼaˬcehˇ-eu jeˬpyeuꞈlaˇni, nawˬneh yuˇpaˇnehˬlaꞈ-euˬmeh. Nui ma shaˬzahˬnyehꞈlehˆlaꞈ-awˇ, laˬkʼaˬcehˇnui saˇza-eu jeˬ, nawˬneh nyehꞈdm nehˬlaꞈ-euˬmeh.

Jaceuq 68:11

Sahˬpaˬ Miˬyehˇ dawˬ biꞈ gʼeh leꞈ-awˇ, zaˬ miˬ zaˬ deuˬ dawˬ kʼoeˇ ja gaˬ-eu meh.

Jaceuq 68:25

Caˇ dawˬ caˇ-eu deuˬ mehˬ hu paw cah-awˇ, bawˬ law baw, deuˇ-mˬ diˬ-eu deuˬ mehˬ nah paw cah-awˇ, cehˇ lehˇ ciˆ-eu zaˬ miˬ aˬ buˇ deuˬ gʼahˇ ceh cah luꞈ meh.

Jaceuq 68:26

Aˬ yawꞈ-euˬ tsawˇ haˬ deuˬ uiˬ leˇ-eu laꞈ kʼoeˇ, Miˬyehˇ-ahˇ ja ceuˬ-awˬ. Yaˬkoˆ-euˬ zaˬ deuˬ uˆ deuˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ.

Jaceuq 81:2

Caˇ dawˬ caˇ-awˇ cehˇ lehˇ ciˆ-awˬ. Deuˇ-mˬ diˬ, bawˬ law baw-awˇ, naˇ haˬ muiˬ-eu caˇ dawˬ caˇ-awˬ.

Doˆ-iˇ 2:4

Aˬ li kʼoeˇ li-euˬ dmˇ ma tiˬ gʼaˬ ui cuiˆ gaˇ mahˇ kaˬ gaˇ yawꞈ-awˇ, aˬ li kʼoeˇ li-ahˇ haw luꞈ-eu meh.

Dawˬ tsoˆ 3:4

Noeˬ shaˬ-eu yamˬ baw-eu loꞈ-ehˇ, laˬ kʼaˬ cehˇ-eu yamˬ baw-eu meh. Tsawˇ ngoeˇ ngoeˇ yamˬ baw-eu loꞈ-ehˇ, gaˇ nyeh nyeh-eu yamˬ baw-eu meh.

Yeˬlaˬmiˇ 31:4

Miˬ shuiꞈ-ahˇ duˇ-eu Iˇsaˬleˬlaˆ-oˇ, nawˬ-ahˇ paˇ bi dehꞈ doˆ laˇ ma. Nawˇ cehˇ lehˇ ciˆ ciˆ-ehˇ, laˬ kʼaˬ cehˇ-awˇ gaˇ nyeh ya nyeh tehꞈ-a.

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.

Bawˇtsahˬ 12:1

Kuˇshaˆ tsawˇ jeuˬ zaˬ miˬ zaˬ-ahˇ Moˇseˬ sheuˬ-euˬ miˇ neh, Miˇliˬyaˬ hawˇ-eu Aˬloˬ aˬ nyaꞈ aˬ yawꞈ-ahˇ iˬ baˇ taˬ-euˬ meh.

Bawˇtsahˬ 12:2

Aˬ yawꞈ nyaꞈ ehˇ-eu, “Moˇseˬ-ahˇ tehꞈ-ehˇ gʼoe-awˇ Sahˬpaˬ Miˬyehˇ dawˬ ngehˬ ta loˇ. Nga nyaꞈ-ahˇ gʼoe-awˇ dawˬ maˬ ngehˬ-a loˇ” lehˇ aˬ yawꞈ nyaꞈ ehˇ-eu meh. Aˬ yawꞈ nyaꞈ kʼoeˇ loꞈ-ehˇ ehˇ gaˇ Sahˬpaˬ Miˬyehˇ ya gaˬ-euˬ meh.

Bawˇtsahˬ 20:1

Ba la yaw beh siˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Ziˇnaˆ lehˇ kuˇ-eu bawˇ tsahˬ bawˇ dahˇ laꞈ kʼoeˇ oe keuˆ-awˇ, Kaˬdeˬshaˇ lehˇ kuˇ-eu jawˇ duˬ-ahˇ jawˇ naˬ-euˬ meh. Kʼoeˇ gaˇ Miˇliˬyaˬ shiˇ-awˇ, baꞈ pahˬ nehˬ-euˬ meh.

Bawˇtsahˬ 26:59

Aˬmaˬlamˬ-euˬ miˬ zaˬ-euˬ tsawˇ myahˇ-aˬ, Iˇjiˇtuˆ miˇ kʼahˬ-ahˇ dehꞈ le-euˬ Leˬbiˇ-euˬ aˬ buˇ Yawˇjeˬbehˇ pyeuꞈ-eu meh. Aˬ yawꞈ-aˬ, Aˬmaˬlamˬ gʼaˇ duˬ Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li ciˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ ciˬ-euˬ meh.

Luˇkaꞈ 2:36

Aˬ shaˬ tsawˇ jeuˬ Paˬnoeˬlaˇ-euˬ aˬ buˇ Aˬnaˬ lehˇ kuˇ-eu, Miˬyehˇ gʼaˇ duˬ ngeh dah-eu zaˬ miˬ zaˬ tiˬ gʼaˬ jawˇ-eu meh. Aˬ yawꞈ-aˬ, mawˬ dui dui laˇ-euˬ meh. Aˬ yawꞈ smˇ miˇ iˇ-awˇ, kʼaˬ dzeˇ zaˬ nehˬ-ehˇ shiꞈ kʼoꞈ tehꞈ-ehˇ ya dehꞈ taꞈ yaꞈ-euˬ meh.

Gʼaˬkʼehˇ 21:9

Aˬ yawꞈ-aˬ, Miˬyehˇ gʼaˇ duˬ ngehˬ dah-eu smˇ miˇ maˬ iˇ-euˬ aˬ buˇ oeˬ buˇ jawˇ-eu meh.

1 Gawˇliˬtu 11:5

Ehˇ kʼawꞈ, zaˬ miˬ zaˬ tiˬ gʼaˬ tsawˇ haˬ gʼawˬ mya ni uiˬ leˇ-awˇ uˬ duˬ tahˬ gaˇ guiˬ lahˬ shaˇ-awˇ sheuˬ gʼeh-eu maˬ kaˬ, dawˬ mehˬ mehˬ-eu maˬ kaˬ, uˬ boeˬ maˬ boeˬ taˬ naˇ, yawˬ ha-euˬ uˬ duˬ pyeuꞈ-eu yawˬ ha-euˬ kʼaˬ dzeˇ zaˬ-ahˇ yaw zeu maˬ baw gaˇ duˇ-eu meh. Aˬ yawꞈ-aˬ, uˬ jehˆ jehˆ dzeh-euˬ zaˬ miˬ zaˬ tiˬ gʼaˬ-ahˇ duˇ tsehˆ tsehˆ-euˬ meh.

1 Gawˇliˬtu 14:34

zaˬ miˬ zaˬ deuˬ-aˬ, Ka li zaˬ aˇ muˇ uiˬ leˇ ngeh ciˬ cuˇ ni ya jawˇ meh. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, aˬ yawꞈ maꞈ dawˬ maˬ ya ngehˬ-a. Aˬ cawˬ-euˬ laꞈ oꞈ ya awꞈ-eu meh.

Yaˇ kʼaˬ daˇ 11:34

Miˇzaˬpaˬ meuˬ-ahˇ jaˆ-eu aˬ yawꞈ-euˬ nymˇ-ahˇ Yeˬpaˬtaˆ gʼoꞈ le ngeh, aˬ yawꞈ-euˬ aˬ buˇ cehˇ lehˇ ciˆ-awˇ, gaˇ nyeh nyeh nyeh-ehˇ aˬ yawꞈ-ahˇ ha laˬ le-euˬ meh. Aˬ yawꞈ-aˬ, aˬ buˇ kʼoeˇ tiˬ buˇ tehꞈ-ehˇ jawˇ-eu meh.

Yaˇ kʼaˬ daˇ 21:21

Shiˇloˬ meuˬ-ahˇ jawˇ-eu zaˬ miˬ aˬ buˇ deuˬ bawˬ-iˬ-ahˇ gaˇ nyeh nyeh le-eu lehˇ doˆ le-eu ya mawˇ ngeh, naw maꞈ doˆ laˇ-awˇ, aˬ yawꞈ gʼaˬ yawꞈ zaˬ miˬ aˬ buˇ kʼoeˇ deuˬ-ahˇ miˬ zaˬ gʼeu geuꞈ-awˇ, Beˬyaˬmiˬ miˇ kʼahˬ-ahˇ naw maꞈ nehˬ-ehˇ sheuˬ kʼoꞈ gʼeh-awˬ.

Yaˇ kʼaˬ daˇ 4:4

Kʼoeˇ ngeh yamˬ-ahˇ, Laˬpiˇdoˆ-euˬ miˬ zaˬ Diˬboˇlaˬ-aˬ, Miˬyehˇ gʼaˇ duˬ ngehˬ dah-eu gʼaˬ pyeuꞈ-awˇ, Iˇsaˬleˬlaˆ tsawˇ haˬ deuˬ-ahˇ yaˇ kʼaˬ daˇ nehˬ-eu gʼaˬ geuꞈ luꞈ-eu meh.

1 Saˬmeuˬlaˆ 10:5

Kʼoeˇ naˇ, Piˇliˇtiˆ tsawˇ haˬ deuˬ-euˬ taˆ tiˬ taˆ jaˆ-eu jawˇ duˬ pyeuꞈ-eu, Giˇbyaˬ meuˬ-ahˇ jaˆ-eu Miˬyehˇ-euˬ gawˬ jawˬ-ahˇ nawˇ ya le tehꞈ-a. Meuˬ-euˬ lahˇ kʼehˬ dawˬ peh nawˇ le keuˆ ngeh, tahˬ diˬ deuˇ-mˬ diˬ-awˇ, bawˬ law baw, cehˇ lehˇ ciˆ-eu laꞈ kʼoeˇ, gawˬ jawˬ-ahˇ neh yaꞈ ka le luꞈ-eu Miˬyehˇ gʼaˇ duˬ ngehˬ dah-eu tsawˇ haˬ tiˬ deuˬ-ahˇ nawˇ ya tahˬ puˬ tehꞈ-a. Tsawˇ haˬ kʼoeˇ deuˬ gaˇ nyeh nyeh nyeh-ehˇ guˇ luꞈ tehꞈ-a.

1 Saˬmeuˬlaˆ 18:6

Daˬbiˇ Gawˇliˇyaˆ-ahˇ sehꞈ gʼaˬ-awˇ gʼoꞈ laˇ-eu loꞈ-ehˇ, yehˇ dawˬ tawˆ luꞈ kʼawꞈ yawˬ ha-euˬ nymˇ-ahˇ yawˬ ha gʼoꞈ laˇ luꞈ ngeh, Iˇsaˬleˬlaˆ miˇ kʼahˬ meuˬ yawˬ meuˬ na luꞈ laꞈ kʼoeˇ jawˇ-eu zaˬ miˬ zaˬ dawˬ tawˆ luꞈ, sahˬ paˬ Sawˇluˆ-ahˇ ha laˬ le-euˬ meh. Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu meh.