Doˆ-iˇ 15:2 - Akha

² Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Doˆ-iˇ 15:2 ပူးပေါင်းရင်းမြစ်များ

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

2 Saˬmeuˬlaˆ 22:3

Ngaˬ-euˬ Miˬyehˇ ngaˬ-euˬ lo guˇ, shaˬ zahˬ oe ngeh dzuˇ zaꞈ duˬ ma. Ngaˬ-ahˇ loꞈ piˇ-eu dehˬ daˬ duˬ, ngaˬ-ahˇ ka kʼoꞈ-eu uˬ coeˇ meh. Ngaˬ-euˬ ziꞈ duˬ hawˇ-eu gʼoe duˬ, ngaˬ-ahˇ ka kʼoꞈ-eu yaw sahˇ meh. Yaw haiˬ yaw doeˇ mˇ daˆ laˇ gaˇ, nawˇ ngaˬ-ahˇ ka kʼoꞈ laꞈ-euˬ meh.

2 Saˬmeuˬlaˆ 22:47

Sahˬpaˬ Miˬyehˇ dehꞈ luꞈ-eu meh. ngaˬ-euˬ lo guˇ guiˬ lahˬ huiˬ luˇ. Ka kʼoꞈ laꞈ-euˬ lo guˇ pyeuꞈ-eu, ngaˬ-euˬ Miˬyehˇ-ahˇ ciˬ huiˬ-awˬ.

2 Saˬmeuˬlaˆ 22:51

Miˬyehˇ aˬ yawꞈ-euˬ sahˬpaˬ-ahˇ, aˬ cawˬ kʼoeˇ taˆ bi gʼaˬ leˇ-awˇ, aˬ yawꞈ neh tseˇ doˆ-euˬ gʼaˬ-ahˇ, maˬ tsehˆ leˇ ni gaˬ luꞈ-eu meh. Daˬbiˇ-euˬ mawˇ do-ahˇ maˬ ehˇ, Daˬbiˇ-euˬ zaˬ deuˬ-ahˇ maˬ ehˇ, mˬ maˬ maˬ byaˆ zaˇ ziˇ gaˬ meh.

2 Saˬmeuˬlaˆ 7:24

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ, mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

2 Saˬmeuˬlaˆ 7:5

“Ngaˬ-euˬ zaˬ kʼaˆ Daˬbiˇ jawˇ gaˇ-iˇ-awˇ, ngaˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˇ jawˇ-eu gʼaˇ duˬ uˬ duˬ tahˬ nymˇ ya tsoˆ-eu gʼaˬ nawˇ maˬ ngeuˇ-a.

1 Sahˬpaˬ 8:13

Mˬ maˬ maˬ byaˆ zaˇ ziˇ nawˇ bi jawˇ-eu gʼaˇ duˬ, muiˬ dui dui-eu Uˬ duˬ tahˬ nymˇ nymˇ ma tiˬ nymˇ, nymˬ-mˇ ngaˇ tsoˆ gʼaˬ-euˬ ma.”

1 Sahˬpaˬ 8:27

“Ehˇ kʼawꞈ, Miˬyehˇ-oˇ, miˇ tsaˬ kʼoeˇ taˆ nawˇ aˬ diˇ jawˇ nya ma loˇ. Mˬ siˬ lah-ehˇ nawˇ jawˇ kʼaˇ maˬ deˇ-eu-aˬ, ngaˬ neh tsoˆ taˬ-euˬ Uˬ duˬ tahˬ nymˇ nymˇ ma heu nymˇ laꞈ kʼoeˇ aˬ joˆ-ehˇ jawˇ kʼaˇ deˇ nmˇ.

1 Laˬsaˬbaˬ 16:14

Aˬ dui-euˬ Sahˬpaˬ Miˬyehˇ-aˬ, aˬ dui Miˬyehˇ maˇ maˇ ni ma. Aˬ yawꞈ neh ngehˬ-euˬ dawˬ deuˬ-aˬ, miˇ tsaˬ dawˬ tawˆ luꞈ gʼaˇ duˬ meh.

Jaceuq 109:1

Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Dawˬ maˬ tmˇ ni taˬ jawˇ nehˬ laꞈ.

Jaceuq 118:14

Sahˬpaˬ Miˬyehˇ ngaˬ-ahˇ gʼaˬ bi kʼaˆ laˇ-awˇ, ngaˬ-ahˇ ka kʼoꞈ nehˬ laꞈ-euˬ meh.

Jaceuq 118:21

Ngaˬ-euˬ shaˇ dawˬ-ahˇ nawˇ naˇ haˬ-euˬ uˬ taꞈ, guiˇ deuˆ-euˬ bi gʼaˬ leˇ laꞈ-euˬ miˇ neh, nawˬ-ahˇ ngaˇ ja ceuˬ-eu ma.

Jaceuq 118:28

Nawˇ ngaˬ-euˬ Miˬyehˇ pyeuꞈ-awˇ, nawˬ-euˬ guiˬ lahˬ-ahˇ ngaˇ ja ceuˬ-eu ma. Nawˇ huiˬ dui mahˇ dui dui-eu gaˇ kawˆ ngaˇ ja ma.

Jaceuq 132:5

Sahˬpaˬ Miˬyehˇ gʼaˇ duˬ jawˇ zaˇ shaˇ-awˇ, Yaˬkoˆ-euˬ Baoˬ huiˬ-eu Miˬyehˇ gʼaˇ duˬ nymˇ maˬ tsoˆ doˆ kʼoeˇ keuˆ ni, ngaˇ coˬ lah-awˇ gʼaˬ naˬ maˬ naˬ.

Jaceuq 140:7

Ngaˬ-euˬ Miˬyehˇ pyeuꞈ-eu ngaˬ-ahˇ haw piˇ-eu gʼaˬ kʼaˆ-eu Sahˬpaˬ Miˬyehˇ-oˇ, guiˇ deuˆ ngeh nawˇ ngaˬ-ahˇ haw piˇ nehˬ laꞈ-euˬ meh.

Jaceuq 145:1

Ngaˬ-euˬ sahˬ paˬ pyeuꞈ-eu ngaˬ-euˬ Miˬyehˇ-oˇ, Nawˇ huiˬ dui mahˇ dui dui-eu gaˇ kawˆ ngaˇ ja gaˬ ma. Mˬ maˬ maˬ byaˆ zaˇ ziˇ nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 18:46

SahˬpaˬMiˬyehˇ dehꞈluꞈ-eu meh. Ngaˬ-euˬlo guˇ-ahˇja ceuˬma. Ngaˬ-ahˇka kʼoꞈ-euˬMiˬyehˇ-ahˇ, ciˬhuiˬciˬmahˇ-awˇguˇ-eu ma.

Jaceuq 22:10

Uˬmaˆlaꞈkʼoeˇuˇluꞈngeh neh, nawˇngaˬ-euˬMiˬyehˇpyeuꞈ-eu ma.

Jaceuq 22:3

Ehˇkʼawꞈnawˇ Muiˬ-eu shawˇ-eu Gʼaˬ, Iˇsaˬleˬlaˆ ja ceuˬduˬmeh.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 28:8

Sahˬpaˬ Miˬyehˇ-aˬ, yawˬtsawˇgʼaˇduˬ gʼaˬpyeuꞈ-eu meh. Yawꞈneh tsiˇlehꞈ-euˬ sahˬpaˬ-ahˇ, haw piˇ-awˇ ka kʼoꞈ nehˬ-eu meh.

Jaceuq 30:1

Sahˬpaˬ Miˬyehˇ-oˇ, muiˇ-eu deuˬngaˬ-ahˇzuiˆzuiˆ-ehˇ, laˬkʼaˬmaˬbi cehˇ-eu gʼaˇduˬ, nawˇngaˬ-ahˇ ka kʼoꞈ-euˬmiˇneh, nawˬ-ahˇciˬhuiˬciˬmahˇ-eu ma.

Jaceuq 34:3

SahˬpaˬMiˬyehˇ-euˬtsawˇmyahˇ-ahˇ, tiˬkawˆloꞈ-ehˇciˬhuiˬnehˬ-awˇ, tiˬkawˆloꞈ-ehˇja ceuˬkaˇ-euˇ.

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Jaceuq 59:17

Ngaˬ-ahˇ haw piˇ-eu gʼaˬ-oˇ, nawˬ-ahˇ ngaˇ ja ceuˬ ma. Miˬyehˇ-oˇ, nawˇ ngaˬ-euˬ gʼoe duˬ pyeuꞈ-awˇ, ngaˬ-ahˇ maˬ tsehˆ leˇ ni gaˬ-eu Miˬyehˇ meh.

Jaceuq 68:20

Aˬ dui-euˬ Miˬyehˇ-aˬ, aˬ dui-ahˇ ka kʼoꞈ-eu Miˬyehˇ pyeuꞈ-awˇ, shiˇ-eu jeˬ keuˆ le ngeh aˬ dui-ahˇ sheuˬ dzeuˇ nehˬ laꞈ-eu meh.

Jaceuq 99:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ nuiˇ mahˬ mehˬ shi uˬ duˬ tahˬ-awˬ. Aˬ yawꞈ-aˬ Muiˬ-eu shawˇ-eu gʼaˬ meh.

Jaceuq 99:9

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˇ, aˬ yawꞈ-euˬ muiˬ-euˬ shawˇ-eu gawˬ jawˬ-ahˇ, aˬ yawꞈ-ahˇ uˬ duˬ tahˬ leˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, muiˬ dui shawˇ dui dui-eu gʼaˬ meh.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Doˆ-iˇ 4:22

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ nawˇ ehˇ nehˬ-awˬ. ‘Iˇsaˬleˬlaˆ tsawˇ haˬ-aˬ, ngaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu ma.

Doˆ-iˇ 40:34

Kʼoeˇ naˇ, Sehˬ gʼawˆ-ahˇ mˬ dmˇ dehˬ kaˬ le-awˇ, Sahˬpaˬ Miˬyehˇ zaꞈ uˇ le-euˬ miˇ neh, aˬ yawꞈ-euˬ yaw shehꞈ kʼahˬ sehˇ Sehˬ gʼawˆ tiˬ byah ni jaˆ luꞈ-eu meh.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 66:1

Sahˬpaˬ Miˬyehˇ heu loꞈ-ehˇ ehˇ-eu meh. “Mˬ maˬ ngaˬ-euˬ nuiˇ duˬ pyeuꞈ-awˇ, miˇ maˬ aˬ kuiˇ cawˬ taˬ duˬ ma. Naw maꞈ ngaˬ-euˬ gʼaˇ duˬ nymˇ aˬ joˆ-ehˇ tsoˆ-awˇ, ngaˬ-ahˇ aˬ geu gaˇ bi jawˇ-eu gʼeh te.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Yeˬlaˬmiˇ 31:33

Iˇsaˬleˬlaˆ tsawˇ haˬ nehˬ-ehˇ ngaˇ dzaˬ-eu lehˇ gʼeh-eu dawˬ ma saˇ jaˇ yaw shuiꞈ-aˬ, heu loꞈ-ehˇ ma. Ngaˬ-euˬ zahˇ dawˬ kʼoꞈ dawˬ aˬ yawꞈ maꞈ laꞈ kʼoeˇ dawˆ ahˇ-awˇ, aˬ yawꞈ maꞈ-euˬ nui ma laꞈ kʼoeˇ boꞈ ahˇ nehˬ ma. Ngaˇ aˬ yawꞈ maꞈ-euˬ Miˬyehˇ pyeuꞈ laˇ-awˇ, aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ ma.

Yeˬlaˬmiˇ 32:38

Kʼoeˇ ngeh jawˇ, aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Luˇkaꞈ 1:77

iˬ baˇ pyehˬ nehˬ-eu jeˬ baˬ da, ka kʼoꞈ-eu jeˬ za nya meh lehˇ, Miˬyehˇ-euˬ tsawˇ haˬ kʼoeˇ deuˬ-ahˇ, nawˇ ya dzawˇ mehˬ nehˬ-iˇ tehꞈ-a.

Luˇkaꞈ 2:30

Nawˬ-euˬ ka kʼoꞈ-eu jeˬ-ahˇ ngaˇ, myaˆ nuiˆ ya mawˇ duˬ gʼaˬ-euˬ ma.

Yoˇhaˬ 4:22

Naw maꞈ Saˬmaˬliˆ tsawˇ haˬ deuˬ-aˬ, yawˬ ha uˬ duˬ tahˬ luꞈ-eu gʼaˬ-ahˇ yaw duˬ duˬ-ehˇ maˬ siˬ nya-a. Aˬ jeˬ miˇ neh ehˇ naˇ, ka kʼoꞈ-eu jeˬ Yuˇdaˆ tsawˇ haˬ laꞈ kʼoeˇ neh doˆ le-euˬ meh.

Yoˇhaˬ 5:23

Kʼoeˇ miˇ neh, tsawˇ haˬ dawˬ tawˆ luꞈ Aˬda-ahˇ taˬ huiˬ taˬ mahˇ-eu loꞈ-ehˇ, Zaˬmaˇ-ahˇ taˬ huiˬ taˬ mahˇ tehꞈ-a. Zaˬ maˇ-ahˇ maˬ taˬ huiˬ-eu tsawˇ haˬ-aˬ, aˬ yawꞈ-ahˇ kʼehˇ gʼeh leꞈ-euˬ Aˬda-ahˇ maˬ taˬ huiˬ gaˇ duˇ-eu meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

2 Gawˇliˬtu 5:19

Nga maꞈ ehˇ mawꞈ-eu-aˬ, miˇ tsaˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ nya ni, Ka li-ahˇ gʼoe-awˇ Miˬyehˇ mˇ luꞈ-eu meh. Aˬ yawꞈ maꞈ-euˬ iˬ baˇ-ahˇ Miˬyehˇ maˬ juiˇ uiˬ taˬ ni, aˬ yawꞈ maꞈ aˬ yawꞈ-ahˇ tsaˬ leˇ tsahˇ leˇ nya ni mehˬ nehˬ-iˇ-eu gʼaˇ duˬ, aˬ yawꞈ-euˬ dawˬ nga maꞈ-ahˇ biꞈ laꞈ-euˬ meh.

Eˇpeˇsu 2:22

Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ jawˇ-eu jawˇ duˬ pyeuꞈ laˇ ni, naw maꞈ-ahˇ kʼawꞈ aˬ cawˬ nehˬ-ehˇ tiˬ kawˆ loꞈ-ehˇ Ka li laꞈ kʼoeˇ bi gawˬ ahˇ luꞈ-eu meh.

Dawˬmehˬ 10:21

Aˬ yawꞈ-ahˇ ja ceuˬ-awˬ. Aˬ yawꞈ-aˬ, naw maꞈ-euˬ Miˬyehˇ pyeuꞈ-awˇ, naw maꞈ gʼaˇ duˬ aˬ yawꞈ neh mˇ-euˬ huiˬ dui dui-awˇ zahˬ leˇ paˬ-ehˇ gʼeh-eu jeˬ-ahˇ, naw maꞈ-euˬ myaˆ nuiˆ neh ya mawˇ duˬ gʼaˬ-euˬ meh.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

Panmaeq 15:3

Miˬyehˇ-euˬ zaˬ kʼaˆ pyeuꞈ-eu Moˇseˬ-euˬ caˇ dawˬ hawˇ-eu Yawˇzaˬ-euˬ caˇ dawˬ aˬ yawꞈ maꞈ caˇ luꞈ-eu meh. “Baoˬ huiˬ-eu Sahˬpaˬ Miˬyehˇ-oˇ, nawˬ neh mˇ-euˬ shaˇ-euˬ gaˇ deuˬ, aˇ naˆ ni zahˬ leˇ duˬ jaˆ nga. Tsawˇ jeuˬ dawˬ tawˆ-euˬ Sahˬpaˬ-oˇ, nawˬ-euˬ gaˇ ma tsaˬ meh dawˇ meh.

Panmaeq 19:1

Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Yaˇ kʼaˬ daˇ 5:21

Aˇ kʼoꞈ kʼawˆ laˇ-euˬ Giˇshoˬ lawˇ baˬ iˇ jeuˬ bi oe-awˇ, aˬ yawꞈ maꞈ-ahˇ yaˆ pyawˇ yaˆ dzeh-euˬ meh. Mehˬ hu paw ngaˇ deuˆ gʼeh leꞈ ma. Gʼaˬ ahˇ-eu laꞈ kʼoeˇ deuˆ gʼeh leꞈ ma.