Doˆ-iˇ 15:11 - Akha

¹¹ “Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 15:11 ပူးပေါင်းရင်းမြစ်များ

2 Saˬmeuˬlaˆ 7:22

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ-aˬ, huiˬ dui mahˇ dui dui-eu meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ nya-euˬ ma.

1 Sahˬpaˬ 8:23

heu loꞈ-ehˇ guiˬ lahˬ shaˇ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ hawˇ-eu miˇ kʼoeˇ taˆ nawˇ loꞈ-ehˇ gʼeh-eu miˬ yehˇ maˬ jawˇ-a. Nawˬ-euˬ tsawˇ haˬ deuˬ nui ma gʼawˇ mawˇ dawˬ tawˆ luꞈ nawˬ-euˬ ehˇ dawˬ naˇ haˬ-awˇ dehꞈ ngeh, aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ ziꞈ-awˇ, nawˬ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ bi mawˇ-euˬ meh.

1 Laˬsaˬbaˬ 16:25

Sahˬpaˬ Miˬyehˇ huiˬ gaˇ mahˇ gaˇ, ja ceuˬ dui dui paˬ-ehˇ gʼeh meh. Miˬyehˇ dawˬ tawˆ luꞈ naˆ maˬ tseˇ, yawꞈ-ahˇ taˬ huiˬ nehˬ-eu tsaˬ meh.

2 Laˬsaˬbaˬ 2:5

Huiˬ dui dui-eu uˬ duˬ tahˬ nymˇ nymˇ ma tiˬ nymˇ tsoˆ ma lehˇ ngaˇ lehˬ hmˬ taˬ-euˬ ma. Aˬ jeˬ miˇ neh ehˇ naˇ, nga maꞈ-euˬ Miˬyehˇ-aˬ, miˬyehˇ dawˬ tawˆ luꞈ naˆ maˬ tseˇ huiˬ-eu mahˇ-eu meh.

2 Laˬsaˬbaˬ 6:14

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ hawˇ-eu miˇ kʼoeˇ taˆ nawˬ-ahˇ duˇ-eu miˬ yehˇ maˬ jawˇ-a. Nawˬ-euˬ tsawˇ haˬ deuˬ nui ma gʼawˇ mawˇ dawˬ tawˆ luꞈ nawˬ-euˬ ehˇ dawˬ naˇ haˬ-awˇ dehꞈ ngeh, aˬ yawꞈ maꞈ nehˬ-ehˇ dzaˬ taˬ-euˬ Dawˬ ma saˇ jaˇ-ahˇ nawˇ ziꞈ-awˇ, nawˬ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ nawˇ bi mawˇ-euˬ meh.

Jaceuq 113:5

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu tiˬ gʼaˬ-iˬ maˬ jawˇ-a. Yaw goˇ-ahˇ aˬ yawꞈ jawˇ luꞈ kʼawꞈ,

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Jaceuq 136:4

Aˬ yawꞈ tehꞈ-ehˇ kʼaˆ jeˬ-ehˇ gʼeh-eu jeˬ mˇ nya-eu meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 145:17

Sahˬpaˬ Miˬyehˇ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, yaw tsaˬ yaw dawˇ jeˬ hawˇ-eu gʼawˬ shaˬ gaˬ-eu jeˬ ahˇ-eu meh.

Jaceuq 22:23

SahˬpaˬMiˬyehˇ-ahˇguˆ-eu deuˬ, yawꞈ-ahˇcaˇ-awˇja ceuˬkaˇ-euˇ. Yaˬkoˆ-euˬzaˬdeuˬuˆdeuˬ-oˇ, yawꞈ-ahˇciˬhuiˬciˬmahˇnehˬ-awˬ. Iˇsaˬleˬlaˆtsawˇhaˬdeuˬ-oˇ, aˬyawꞈ-ahˇuˬduˬtahˬkaˇ-euˇ.

Jaceuq 35:10

Ngaˬ-euˬpuˇnmꞈlaꞈkʼoeˇkeuˆni, SahˬpaˬMiˬyehˇ-ahˇehˇ-eu ma. “Nawˬ-ahˇduˇ-eu aˬsuˇjawˇta. Gʼaˬkʼaˆaˬda laꞈoˆshaˬ-eu, gʼaˬbaˬ-eu deuˬ-ahˇka kʼoꞈ-awˇ, nawˬdzaˬkʼaˆdzaˬgaˇdaˬluꞈ-eu, shaˬzaˬ-ahˇnawˇka kʼoꞈ-eu meh.”

Jaceuq 60:2

Miˇ kʼahˬ luˆ laˇ nyeh laˇ ni nawˇ jahˇ-awˇ, miˇ tsaˬ bi tsawˬ paˆ jiˇ-euˬ meh. Miˇ kʼahˬ byaˆ-iˇ luꞈ-eu miˇ neh, nymˬ-mˇ paˇ laˆ muiˬ kʼoꞈ-awˬ.

Jaceuq 66:5

Miˬyehˇ neh mˇ taˬ-euˬ gaˇ-ahˇ haw laˇ-awˬ. Tsawˇ haˬ zaˬ gʼaˇ duˬ aˬ yawꞈ neh mˇ taˬ-euˬ huiˬ-eu gaˇ-ahˇ haw laˇ-awˬ.

Jaceuq 77:11

Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ-ahˇ ngaˇ noeˬ keuˆ ma. Dzeuˇ laˇ ngeh nawˬ neh mˇ yaꞈ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ngaˇ noeˬ mawˇ ma.

Jaceuq 77:14

Nawˇ-aˬ, kʼaˆ jeˬ-ehˇ gʼeh-eu jeˬ mˇ-eu Miˬyehˇ meh. Tsawˇ jeuˬ dawˬ tawˆ luꞈ-ahˇ nawˬ-euˬ baoˬ nawˇ bi mawˇ-euˬ meh.

Jaceuq 77:19

Iˇ luˆ dzeh-eu kʼoeˇ taˆ nawˇ cah-awˇ, iˬ ma laˆ shaˆ-ahˇ nawˇ cah tsehˆ gʼeh kʼawꞈ, nawˬ-euˬ pehˬ zaˇ maˬ ya mawˇ-a.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Jaceuq 89:18

Sahˬpaˬ Miˬyehˇ-oˇ, nga maꞈ-ahˇ bi haw piˇ-eu gʼaˬ nawˇ tseˇ doˆ nehˬ laꞈ-euˬ meh. Iˇsaˬleˬlaˆ-euˬ Muiˬ-eu shawˇ-eu Miˬyehˇ-oˇ, nawˇ nga maꞈ-ahˇ sahˬ paˬ biꞈ laꞈ-euˬ meh.

Jaceuq 90:11

Nawˇ nui ma pehˇ-eu baoˬ aˇ naˆ ni kʼaˆ-eu aˬ suˇ gʼaˬ yaw duˬ duˬ-ehˇ tahˬ puˬ haw-awˇ, nawˬ-euˬ nui pehˇ aˇ naˆ ni guˆ paˬ-ehˇ gʼeh-eu aˬ suˇ gʼaˬ siˬ duˬ ta.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Doˆ-iˇ 20:3

“Ngaˬ-euˬ mehˬ shi miˬ yehˇ nui gʼaˬ nawˇ maˬ ya bi jawˇ-a.

Doˆ-iˇ 3:20

Ehˇ kʼawꞈ, baoˬ zmˬ-awˇ, guˆ laˇ paˬ-ehˇ gʼeh-eu jeˬ mˇ-eu laꞈ kʼoeˇ, Iˇjiˇtuˆ miˇ kʼahˬ-ahˇ ngaˇ kʼehˬ nehˬ ma. Kʼoeˇ ngeh, aˬ yawꞈ naw maꞈ-ahˇ pyehˬ nehˬ laꞈ tehꞈ-a.

Doˆ-iˇ 8:10

Moˇseˬ-ahˇ sahˬ paˬ ehˇ-eu, “Ni shawˬ nah ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.” Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu miˬ yehˇ nui gʼaˬ maˬ jawˇ-eu gaˇ kawˆ nawˇ ya siˬ ni, nawˇ kʼaˇ shaˇ-eu loꞈ-ehˇ ngaˇ mˇ nehˬ ma.

Doˆ-iˇ 8:6

Kʼoeˇ naˇ, Aˬloˬ aˬ yawꞈ-euˬ gawˬ yoeˬ yuˇ-awˇ, iˇ cuꞈ kʼaˇ jaˆ gaˇ cawˬ ja-euˬ miˇ neh, kʼaˬ paˬ doˆ laˇ-awˇ, miˇ kʼahˬ kʼoeˇ kʼahˬ kʼahˬ lah ni byah jiˇ-euˬ meh.

Doˆ-iˇ 9:14

Heu poˆ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ duˇ-eu tiˬ gʼaˬ-iˬ maˬ jawˇ-eu gaˇ kawˆ nawˇ ya siˬ ni, nawˬ-eu gaˇ mˇ-eu yaw huiˬ yaw mahˇ deuˬ-ahˇ tehꞈ-ehˇ maˬ ngeuˇ-ehˇ, nawˬ-ahˇ kʼawꞈ ngaˇ kʼehˬ-eu lehˇ lehˬ hmˬ taˬ-euˬ ma.

Iˇsaˬyaˇ 30:11

“Nga maꞈ cah-eu gaˇ ma-ahˇ taˬ laˆ tsoeˬ Iˇsaˬleˬlaˆ-euˬ muiˬ-eu shawˇ-eu Miˬyehˇ gaˇ kawˆ, nga maꞈ maˬ gaˬ mawꞈ nya” lehˇ ehˇ-eu meh.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 6:3

Aˬ yawꞈ maꞈ tiˬ gʼaˬ tiˇ gʼaˬ heu loꞈ-ehˇ guˇ cawˬ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Muiˬ-eu shawˇ-eu meh. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ meh.”

Yeˬlaˬmiˇ 10:16

Yaˬkoˆ-euˬ Miˬyehˇ aˬ yawꞈ maꞈ-ahˇ maˬ duˇ-a. Yawˬ jeˬ na luꞈ-ahˇ beh-euˬ gʼaˬ aˬ yawꞈ pyeuꞈ-awˇ, aˬ yawꞈ-euˬ tsawˇ jeuˬ bi pyeuꞈ-eu gʼaˇ duˬ, Iˇsaˬleˬlaˆ-ahˇ aˬ yawꞈ neh tseˇ doˆ-euˬ meh. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Luˇkaꞈ 12:5

Aˬ suˇ gʼaˬ-ahˇ guˆ-eu tsaˬ ta lehˇ, naw maꞈ-ahˇ ngaˇ mehˬ nehˬ nyaˇ. Gʼawˇ mawˇ-ahˇ sehꞈ-eu uˬ taꞈ, shiˬ buiˇ lah ma-ahˇ biˬ ahˇ nya-eu baoˬ jaˆ-eu Miˬyehˇ-ahˇ guˆ-awˬ. Ngaˇ ehˇ gaˇ jah-awˬ. Naw maꞈ aˬ yawꞈ-ahˇ ya guˆ meh.

Dawˬmehˬ 1:30

‘Tsawˇ haˬ kʼoeˇ deuˬ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ sheuˬ gʼeh-awˇ, Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ naw maꞈ ya mawˇ-euˬ loꞈ-ehˇ, tsawˇ haˬ kʼoeˇ deuˬ-ahˇ kʼawꞈ, naw maꞈ gʼaˇ duˬ aˬ yawꞈ guiˇ deuˆ tehꞈ-a.

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Panmaeq 13:4

Byaˆ yahˬ kʼoeˇ mawˇ aˬ yawꞈ-euˬ uˆ lahˇ-eu baoˬ deuˬ jeˬ zaˬ kʼoeˇ mawˇ-ahˇ biꞈ nehˬ-euˬ miˇ neh, yawˬ gʼaˬ na luꞈ byaˆ yahˬ kʼoeˇ mawˇ-ahˇ uˬ duˬ tahˬ-eu meh. Jeˬ zaˬ yaw haiˬ kʼoeˇ mawˇ-ahˇ kʼawꞈ, aˬ yawꞈ maꞈ uˬ duˬ tahˬ-awˇ, “Jeˬ zaˬ yaw haiˬ heu mawˇ-ahˇ duˇ-eu aˬ suˇ gʼaˬ jawˇ ta. Aˬ yawꞈ-ahˇ guiˇ deuˆ peuˬ-eu aˬ suˇ gʼaˬ jawˇ ta” lehˇ ehˇ-eu meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.