Doˆ-iˇ 14:3 - Akha

³ Iˇsaˬleˬlaˆ tsawˇ haˬ deuˬ-aˬ, bawˇ tsahˬ-ahˇ cah cah-ehˇ jawˇ-awˇ, bawˇ tsahˬ bawˇ dahˇ laꞈ kʼoeˇ tiˬ gaˇ-iˬ iˇ tsaˬ laˇ tsaˬ maˬ siˬ ni, zahˬ leˇ taˬ-awˇ jawˇ-eu nga lehˇ, Iˇjiˇtuˆ sahˬ paˬ noeˬ tehꞈ-a.

Doˆ-iˇ 14:3 ပူးပေါင်းရင်းမြစ်များ

Jaceuq 139:2

Ngaˇ kʼaˇ mˇ kʼaˇ shaˇ-eu jeˬ nawˇ siˬ nya-eu meh. Gaˇ mahˇ kaˬ gaˇ jawˇ kʼawꞈ ngaˬ-euˬ nui noeˬ nui duˇ dawˬ tawˆ luꞈ nawˇ siˬ nya meh.

Jaceuq 139:4

Ngaˇ dawˬ maˬ ngehˬ doˆ mi naˆ-ehˇ, kʼaˇ ngehˬ kʼaˇ tmˇ mawꞈ-eu jeˬ nawˇ siˬ jiˇ taˬ-euˬ meh.

Jaceuq 3:2

“Miˬyehˇ ngehˬmaˬgʼeh nehˬ-aˇ” lehˇ, yawꞈmaꞈ ngaˬ-ahˇ ja haw-eu meh.

Jaceuq 71:11

Aˬ yawꞈ maꞈ ngaˬ-euˬ gaˇ kawˆ heu loꞈ-ehˇ ja luꞈ meh. “Miˬyehˇ aˬ yawꞈ-ahˇ byehˇ dzeh-euˬ miˇ neh, aˬ dui maꞈ aˬ yawꞈ-ahˇ nyehꞈ-iˇ kaˇ beuˇ. Aˬ yawꞈ-ahˇ ngehˬ gʼeh-eu tiˬ gʼaˬ-iˬ maˬ paˇ jawˇ meh.”

Doˆ-iˇ 14:2

“Iˇsaˬleˬlaˆ tsawˇ haˬ deuˬ-ahˇ, naˇ kʼah paw paˇ jiˆ kʼoꞈ laˇ-awˇ, Miˇdaˬgawˇlaˬ meuˬ hawˇ-eu Iˬ ma laˆ shaˆ Yaw neˇ-euˬ yaw kaˬ-ahˇ, Baˬlaˇzeˬpoˬ meuˬ dawˬ peh jaˆ-eu Piˇhaˬhiˇyoˆ meuˬ mehˬ shi, sehˬ gʼawˆ gʼawˆ-awˇ naˬ-awˬ lehˇ ehˇ nehˬ-awˬ.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Yeˬsaˬgeˬlaˇ 38:17

Aˇ hu ba neh, Iˇsaˬleˬlaˆ tsawˇ haˬ deuˬ-ahˇ Miˬyehˇ gʼaˇ duˬ bi ngehˬ dah-euˬ ngaˬ-euˬ zaˬ kʼaˆ deuˬ-ahˇ zmˬ-awˇ bi gaˬ doe-iˇ-euˬ gaˇ kawˆ pyeuꞈ-eu, aˬ kaˇ tiˬ nah Iˇsaˬleˬlaˆ miˇ kʼahˬ-ahˇ guiˇ bi deuˆ le-eu gʼaˇ duˬ, ngaˇ tsawˇ haˬ pyehˬ gʼeh leꞈ ma lehˇ ehˇ-euˬ kʼoeˇ-aˬ, nawˬ-ahˇ ehˇ-euˬ jeˬ pyeuꞈ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

Dawˬmehˬ 31:21

Kʼoeˇ ngeh, guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ, aˬ yawꞈ maꞈ kʼoeˇ taˆ keuˆ le tehꞈ-a. Ehˇ kʼawˬ, caˇ dawˬ heu bymˇ-ahˇ aˬ myah luꞈ ya caˇ-awˇ, caˇ dawˬ heu aˬ yawꞈ maꞈ gʼaˇ duˬ saˇ kiˇ pyeuꞈ tehꞈ-a. Aˬ yawꞈ maꞈ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ sheuˬ uˇ gʼeh mi naˆ-ehˇ kʼawꞈ, nymˬ-mˇ aˬ yawꞈ maꞈ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu ngaˇ siˬ nya ma.”

Yaˇ kʼaˬ daˇ 16:2

Saˬsoˬ kʼoeˇ gaˇ oe taˬ-euˬ gaˇ, Gaˬzaˬ meuˬ-ahˇ jawˇ-eu tsawˇ haˬ deuˬ ya siˬ-awˇ, jawˇ duˬ kʼoeˇ tsahˇ-ahˇ loꞈ jawˬ-awˇ, uˬ ciꞈ miˇ lah-ehˇ meuˬ lahˇ kʼehˬ-ahˇ aˬ yawꞈ-ahˇ loꞈ-euˬ meh. “Uˬ bya bya laˇ ngeh keuˆ ni aˬ yawꞈ-ahˇ loꞈ-awˇ sehꞈ ma” lehˇ aˬ yawꞈ maꞈ noeˬ-awˇ, uˬ ciꞈ miˇ lah-ehˇ ciꞈ cuˇ ni jawˇ-euˬ meh.

1 Saˬmeuˬlaˆ 23:23

Aˬ yawꞈ aˬ geu tsahˇ-ahˇ dzuˇ zaꞈ luꞈ nga lehˇ yaw duˬ duˬ-ehˇ haw duˬ-awˇ, ngaˇ jawˇ gaˇ yaw kawˇ-ehˇ cehˆ gaˬ laˇ-awˬ. Kʼoeˇ naˇ, naw maꞈ nehˬ-ehˇ ngaˇ oe-awˇ, gahˬ kaˬ kʼoeˇ kaˬ laꞈ kʼoeˇ aˬ yawꞈ maˬ cehˆ doˆ dah-ehˇ jawˇ naˇ, shaˬ teh teh-eu loꞈ-ehˇ aˬ yawꞈ-ahˇ poˆ ma. Yuˇdaˆ miˇ kʼahˬ kʼahˬ lah ni ya poˆ doe paˬ-ehˇ gʼeh naˇ kʼawꞈ poˆ doe tehꞈ-a.”

1 Saˬmeuˬlaˆ 23:7

Daˬbiˇ Kiˇlahˬ meuˬ-ahˇ iˇ-euˬ gaˇ kawˆ Sawˇluˆ ya gaˬ ngeh, heu loꞈ-ehˇ ehˇ-eu meh. “Daˬbiˇ-ahˇ Miˬyehˇ neh ngaˬ-euˬ aˬ laꞈ laꞈ kʼoeˇ a nehˬ laꞈ-euˬ nga. Meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, meuˬ lahˇ kʼehˬ laˇ gʼoˆ ziꞈ dah ni jaˆ-eu meuˬ kʼoeˇ meuˬ laꞈ kʼoeˇ Daˬbiˇ iˇ uˇ-euˬ-aˬ, aˬ yawˇ yawꞈ lahˇ ju kʼmˇ taˬ-euˬ gaˇ cehˆ paꞈ leˇ-euˬ gaˇ duˇ-eu nga.”