Doˆ-iˇ 14:28 - Akha

²⁸ Iˇ cuꞈ kʼoeˇ paˇ dahˬ pymˬ-awˇ, Iˇsaˬleˬlaˆ tsawˇ haˬ deuˬ mehˬ nah caw teh luꞈ-eu mahˬ laˆ lawˬ deuˬ-ahˇ maˬ ehˇ, mahˬ laˆ lawˬ teh-eu tsawˇ haˬ deuˬ hawˇ-eu Iˇjiˇtuˆ guiˇ maꞈ dawˬ tawˆ luꞈ-ahˇ maˬ ehˇ,dahˬ pymˬ byoˆ jiˇ-euˬ meh. Dzeuˇ-iˇ-euˬ tiˬ gʼaˬ-iˬ maˬ jawˇ-a.

Doˆ-iˇ 14:28 ပူးပေါင်းရင်းမြစ်များ

Aˇ dahˬ 50:9

Mahˬ laˆ lawˬ dziˬ-eu guiˇ maꞈ deuˬ hawˇ-eu mahˬ dziˬ-eu guiˇ maꞈ deuˬ kʼawꞈ, aˬ yawꞈ mehˬ nah caw teh gʼeh-euˬ meh. Yaˬkoˆ-ahˇ baꞈ pahˬ leˇ-eu lehˇ le-euˬ tsawˇ haˬ kʼoeˇ muˇ myaˬ dui dui-eu meh.

Aˇ dahˬ 7:18

Kʼoeˇ naˇ, iˇ cuꞈ paˇ dahˬ daˆ dzehˬ laˇ-awˇ, saˇ baoˬ kʼoeˇ laˇ iˇ cuꞈ kʼoeˇ taˆ gʼa gʼa-ehˇ jaˆ-euˬ meh.

2 Laˬsaˬbaˬ 20:24

Kʼaˇ shuiꞈ deh yaˇ-ahˇ jaˆ-eu loꞈ-eu nymˇ goˇ-ahˇ Yuˇdaˆ tsawˇ haˬ deuˬ le keuˆ-awˇ, muiˇ-eu deuˬ jawˇ paw haw gʼeh-iˬ ngeh, dawˬ tawˆ luꞈ yaw shiˇ-ehˇ ga gaˇ ya mawˇ-euˬ meh. Tiˬ gʼaˬ-iˬ maˬ dzeuˇ-iˇ ni shiˇ jiˇ-euˬ meh.

Neˬhaˬmiˇ 9:11

Iˬ ma laˆ shaˆ-ahˇ nawˇ gaˇ ma shaˇ dahˇ-awˇ, nawˬ-euˬ tsawˇ haˬ deuˬ gui coˇ ni tsehˆ doˆ-euˬ meh. Aˬ yawꞈ maꞈ-euˬ mehˬ nah teh le-euˬ tsawˇ haˬ deuˬ, laˆ shaˆ-ahˇ ga puꞈ-euˬ kʼaˬ lo loꞈ-ehˇ, yaw naꞈ-ahˇ bi dahˬ sehꞈ-euˬ meh.

Jaceuq 106:22

Kʼoeˇ gaˇ aˬ yawꞈ neh mˇ-euˬ jeˬ aˇ naˆ ni gamꞈ leˇ paˬ-ehˇ gʼeh-eu nga. Iˬ ma laˆ shaˆ yaw neˇ dawˬ peh aˬ yawꞈ neh jahˇ-euˬ jeˬ, aˇ naˆ ni zahˬ leˇ paˬ-ehˇ gʼeh-eu nga.

Jaceuq 136:15

Ehˇ kʼawꞈ Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ-ahˇ, kʼoeˇ gaˇ bi ga nuiꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 78:53

Aˬ yawꞈ maꞈ-ahˇ aˬ yawꞈ yaw muiˬ paˬ-ehˇ sheuˬ gʼeh-awˇ, aˬ yawꞈ maꞈ maˬ guˆ-a. Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-ahˇ, iˬ ma laˆ shaˆ iˇ cuꞈ neh dahˬ pymˬ sehꞈ-euˬ meh.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 15:10

Ehˇ kʼawꞈ, Sahˬpaˬ Miˬyehˇ nawˇ saꞈ tiˬ poˆ baw gʼeh ngeh, Iˇjiˇtuˆ tsawˇ haˬ deuˬ iˇ cuꞈ-ahˇ bu-awˇ, guˆ laˇ paˬ-ehˇ gʼeh-eu iˇ cuꞈ laꞈ kʼoeˇ, za siˬ loꞈ-ehˇ aˬ yawꞈ maꞈ ga nuiꞈ-euˬ meh.

Doˆ-iˇ 15:19

Iˇsaˬleˬlaˆ tsawˇ haˬ deuˬ-aˬ, gui coˇ ni gʼeh-eu miˇ tsaˬ-ahˇ nawˬ-awˇ, iˬ ma laˆ shaˆ tsehˆ doˆ-euˬ meh. Ehˇ kʼawꞈ, Iˇjiˇtuˆ tsawˇ haˬ-euˬ mahˬ laˆ lawˬ deuˬ hawˇ-eu, mahˬ laˆ lawˬ teh-eu tsawˇ haˬ deuˬ iˬ ma laˆ shaˆ laꞈ kʼoeˇ uˇ-iˇ ngeh, Sahˬpaˬ Miˬyehˇ iˇ cuꞈ paˇ bi dahˬ dzm laˇ-awˇ, aˬ yawꞈ maꞈ-ahˇ dahˬ pymˬ byoˆ-euˬ meh.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Dawˬmehˬ 11:4

Iˇjiˇtuˆ guiˇ maꞈ deuˬ naw maꞈ mehˬ nah teh ngeh, aˬ yawꞈ maꞈ-euˬ mahˬ deuˬ hawˇ-eu mahˬ laˆ lawˬ deuˬ nehˬ-ehˇ tiˬ kawˆ loꞈ-ehˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ gaˇ naw maꞈ ya mawˇ-euˬ meh.

HeˬByehˇ 11:29

Iˇsaˬleˬlaˆ tsawˇ haˬ deuˬ Iˬ ma laˆ shaˆ Yaw neˇ nyiˬ tsehˆ-ehˇ gui coˇ ni gʼeh-eu miˇ tsaˬ-ahˇ nawˬ-awˇ tsehˆ doˆ nya-euˬ kʼoeˇ-aˬ, jah-eu jeˬ baˬ da neh meh. Iˇjiˇtuˆ tsawˇ haˬ deuˬ kʼoeˇ loꞈ-ehˇ tsehˆ doˆ-eu lehˇ leh jeh ngeh, iˇ cuꞈ neh bi dahˬ pymˬ sehꞈ jiˇ-euˬ meh.

Yaˇ kʼaˬ daˇ 4:16

Baˬyehˇ-aˬ, mahˬ laˆ lawˬ kʼoeˇ deuˬ hawˇ-eu yehˇ kʼoeˇ deuˬ-ahˇ, Gawˇiˆ miˇ kʼahˬ Haˬloˇshehˆ meuˬ-ahˇ keuˆ ni teh-awˇ, Siˇseˬlaˇ-euˬ guiˇ guiˇ maꞈ maꞈ lah-ehˇ, tiˬ gʼaˬ-iˬ maˬ law-iˇ ni bi sehꞈ jiˇ-euˬ meh.