Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Doˆ-iˇ 14:27 - Akha

27 Kʼoeˇ ngeh, Moˇseˬ aˬ laꞈ cawˬ ja-awˇ, mˬ bya laˇ ngeh, iˇ cuꞈ kʼoeˇ deuˬ aˬ yawꞈ yaw oeˇ loꞈ-ahˇ paˇ dahˬ dzm laˇ-euˬ meh. Iˇjiˇtuˆ tsawˇ haˬ kʼoeˇ deuˬ iˇ cuꞈ dahˬ pymˬ laꞈ gaˇ cehˆ dzeuˇ-eu lehˇ leh jeh kʼawꞈ, Sahˬpaˬ Miˬyehˇ aˬ yawꞈ maꞈ-ahˇ iˬ ma laˆ shaˆ laꞈ kʼoeˇ biˬ puꞈ nehˬ-euˬ meh.

အခန်းကိုကြည့်ပါ။ ကော်ပီ




Doˆ-iˇ 14:27
12 ပူးပေါင်းရင်းမြစ်များ  

Iˬ ma laˆ shaˆ-ahˇ nawˇ gaˇ ma shaˇ dahˇ-awˇ, nawˬ-euˬ tsawˇ haˬ deuˬ gui coˇ ni tsehˆ doˆ-euˬ meh. Aˬ yawꞈ maꞈ-euˬ mehˬ nah teh le-euˬ tsawˇ haˬ deuˬ, laˆ shaˆ-ahˇ ga puꞈ-euˬ kʼaˬ lo loꞈ-ehˇ, yaw naꞈ-ahˇ bi dahˬ sehꞈ-euˬ meh.


Ehˇ kʼawꞈ muiˇ-eu deuˬ iˇ cuꞈ-ahˇ ga nuiꞈ-awˇ, tiˬ gʼaˬ-iˬ maˬ dzeuˇ-iˇ ni shiˇ jiˇ-euˬ meh.


Ehˇ kʼawꞈ Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ-ahˇ, kʼoeˇ gaˇ bi ga nuiꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.


Aˬ yawꞈ maꞈ-ahˇ aˬ yawꞈ yaw muiˬ paˬ-ehˇ sheuˬ gʼeh-awˇ, aˬ yawꞈ maꞈ maˬ guˆ-a. Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-ahˇ, iˬ ma laˆ shaˆ iˇ cuꞈ neh dahˬ pymˬ sehꞈ-euˬ meh.


Awˇleˇbaˆ lo guˇ dawˬ peh Miˇdiˬyaˬ tsawˇ haˬ deuˬ-ahˇ ngaˇ yahˬ caˆ neh juiꞈ-euˬ loꞈ-ehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ juiꞈ ma. Iˇjiˇtuˆ tsawˇ haˬ deuˬ-ahˇ ngaˬ neh kʼehˬ nehˬ-euˬ loꞈ-ehˇ, Aˬshuˇliˆ tsawˇ haˬ deuˬ-ahˇ ngaˇ kʼehˬ nehˬ ma.


Iˇjiˇtuˆ guiˇ maꞈ deuˬ naw maꞈ mehˬ nah teh ngeh, aˬ yawꞈ maꞈ-euˬ mahˬ deuˬ hawˇ-eu mahˬ laˆ lawˬ deuˬ nehˬ-ehˇ tiˬ kawˆ loꞈ-ehˇ, geuꞈ-eu jeˬ maˬ ahˇ gaˇ keuˆ ni aˬ yawꞈ maꞈ-ahˇ Sahˬpaˬ Miˬyehˇ laˆ luˬ laˆ seˇ nehˬ-euˬ gaˇ naw maꞈ ya mawˇ-euˬ meh.


Iˇsaˬleˬlaˆ tsawˇ haˬ deuˬ Iˬ ma laˆ shaˆ Yaw neˇ nyiˬ tsehˆ-ehˇ gui coˇ ni gʼeh-eu miˇ tsaˬ-ahˇ nawˬ-awˇ tsehˆ doˆ nya-euˬ kʼoeˇ-aˬ, jah-eu jeˬ baˬ da neh meh. Iˇjiˇtuˆ tsawˇ haˬ deuˬ kʼoeˇ loꞈ-ehˇ tsehˆ doˆ-eu lehˇ leh jeh ngeh, iˇ cuꞈ neh bi dahˬ pymˬ sehꞈ jiˇ-euˬ meh.


Caw ba nehˬ laꞈ-awˬ lehˇ naw maꞈ-euˬ aˬ poeˬ aˬ bawˇ deuˬ ngaˬ-ahˇ guˇ ngeh, Iˇjiˇtuˆ tsawˇ haˬ hawˇ-eu aˬ yawꞈ maꞈ-euˬ yaw kaˬ-ahˇ, zahˇ tsui ni gʼeh-eu jeˬ ngaˇ bi keuˆ le-euˬ ma. Iˬ ma laˆ shaˆ iˇ cuꞈ bi dahˬ daˆ laˇ-awˇ, Iˇjiˇtuˆ tsawˇ haˬ deuˬ-ahˇ bi dah pymˬ sehꞈ-euˬ ma. Iˇjiˇtuˆ tsawˇ haˬ-ahˇ ngaˬ neh jahˇ nehˬ-eu gaˇ kawˆ naw maꞈ siˬ nya meh. “Bawˇ tsahˬ bawˇ dahˇ laꞈ kʼoeˇ aˇ yamˬ gʼawˬ myahˇ ni naw maꞈ jawˇ-euˬ meh.


Piˇ ma deuˬ lawˇ baˬ lawˇ deh-ahˇ doˆ keuˆ laˇ ngeh, lawˇ baˬ iˇ cuꞈ bi lehˬ lehˬ lehˬ-ehˇ paˇ yoeˇ ka gʼeh-euˬ meh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ