Doˆ-iˇ 14:21 - Akha

²¹ Iˬ ma laˆ shaˆ kʼoeˇ taˆ Moˇseˬ aˬ laꞈ cawˬ ja ngeh, Sahˬpaˬ Miˬyehˇ nahˇ ma doˆ kʼehˬ paw neh jaˬ lehˇ lehˇ ma bi baw gʼeh leꞈ-awˇ, iˬ ma laˆ shaˆ iˇ cuꞈ bi baw kʼoꞈ gʼeh-euˬ meh. Jaˬ lehˇ kʼoeˇ bahˬ uˬ ciꞈ miˇ lah-ehˇ baw-euˬ miˇ neh, iˇ cuꞈ nyiˬ paˆ-ehˇ paˆ-iˇ-awˇ, iˬ ma laˆ shaˆ gui coˇ ni pyeuꞈ-iˇ-euˬ meh.

Doˆ-iˇ 14:21 ပူးပေါင်းရင်းမြစ်များ

Aˇ dahˬ 8:1

Noˇaˬ hawˇ-eu aˬ yawꞈ nehˬ-ehˇ saˇ baoˬ laꞈ kʼoeˇ kʼaˇ uˇ-eu jeˬ zaˬ deuˬ-ahˇ Miˬyehˇ maˬ ngehˇ-a. Aˬ yawꞈ jaˬ lehˇ bi baw laˇ-awˇ, iˇ cuꞈ bi aw-iˇ-euˬ meh.

2 Sahˬpaˬ 2:8

Eˇliˇyaˆ gʼaˬ aˬ yawꞈ-euˬ pehˇ kʼahˬ pehˇ mahˇ lehˆ-awˇ lehˬ yoˆ-awˇ, iˇ cuꞈ-ahˇ sheu juiꞈ-euˬ meh. Kʼoeˇ ngeh, iˇ cuꞈ nyiˬ paˆ paˆ-iˇ-awˇ, Eˇliˇshehˇ aˬ yawꞈ nyaꞈ gui coˇ ni gʼeh-eu miˇ tsaˬ-ahˇ nawˬ-awˇ, lawˇ baˬ tsehˆ doˆ-euˬ meh.

Neˬhaˬmiˇ 9:11

Iˬ ma laˆ shaˆ-ahˇ nawˇ gaˇ ma shaˇ dahˇ-awˇ, nawˬ-euˬ tsawˇ haˬ deuˬ gui coˇ ni tsehˆ doˆ-euˬ meh. Aˬ yawꞈ maꞈ-euˬ mehˬ nah teh le-euˬ tsawˇ haˬ deuˬ, laˆ shaˆ-ahˇ ga puꞈ-euˬ kʼaˬ lo loꞈ-ehˇ, yaw naꞈ-ahˇ bi dahˬ sehꞈ-euˬ meh.

Yawˇbaˆ 26:12

Aˬ yawꞈ-euˬ gʼaˬ neh iˬ ma laˆ shaˆ-ahˇ aˬ yawꞈ gʼaˬ leˇ-awˇ, aˬ yawꞈ-euˬ tsawˇ gahˇ neh iˬ ma laˆ shaˆ byaˆ yahˬ Laˬhaˇ-ahˇ laˆ cawˆ-euˬ meh.

Yawˇbaˆ 38:24

Nahˇ ma doˆ laˇ-eu jawˇ duˬ hawˇ-eu, nahˇ ma doˆ kʼehˬ paw neh laˇ-euˬ jaˬ lehˇ baw doˆ laˇ duˬ-ahˇ, nawˇ iˇ keuˆ haw maˬ loˇ.

Jaceuq 136:13

Iˬ ma laˆ shaˆ yaw neˇ-ahˇ aˬ yawꞈ neh nyiˬ paˆ bi paˆ-iˇ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Jaceuq 66:6

Iˬ ma laˆ shaˆ-ahˇ gui coˇ ni gʼeh-eu miˇ tsaˬ bi pyeuꞈ-iˇ-awˇ, aˬ dui-euˬ aˬ poeˬ aˬ bawˇ deuˬ lawˇ baˬ baˬ ma-ahˇ aˬ kuiˇ neh tsehˆ-euˬ meh. Aˬ yawꞈ neh mˇ-euˬ gaˇ baˬ da neh, kʼoeˇ gaˇ aˬ dui laˬ kʼaˬ cehˇ-euˬ ma.

Jaceuq 74:13

Baoˬ huiˬ-eu nawˬ-euˬ gʼaˬ-ahˇ gʼoe-eu laꞈ kʼoeˇ, iˬ ma laˆ shaˆ-ahˇ nawˇ dehˬ paˆ-awˇ, laˆ shaˆ byaˆ yahˬ deuˬ-euˬ uˬ duˬ ngawˬ paˆ-euˬ meh.

Jaceuq 78:13

Iˬ ma laˆ shaˆ-ahˇ aˬ yawꞈ dehˬ paˆ-awˇ, aˬ yawꞈ maꞈ-ahˇ sheuˬ doˆ nehˬ-eu laꞈ kʼoeˇ, iˇ cuꞈ-ahˇ kaˇ pyawˇ loꞈ-ehˇ aˬ yawꞈ bi jaˆ-euˬ meh.

Doˆ-iˇ 14:16

Nawˬ-euˬ gawˬ yoeˬ cawˬ diˇ-awˇ, iˬ ma laˆ shaˆ kʼoeˇ taˆ cawˬ ja-awˬ. Iˇ cuꞈ nyiˬ paˆ-ehˇ paˆ-iˇ-awˇ, Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ nawˬ-ehˇ, iˬ ma laˆ shaˆ ya tsehˆ doˆ tehꞈ-a.

Doˆ-iˇ 14:20

Iˇsaˬleˬlaˆ tsawˇ haˬ hawˇ-eu Iˇjiˇtuˆ tsawˇ haˬ yaw kaˬ-ahˇ jawˇ-iˇ-euˬ meh. Mˬ dmˇ kʼoeˇ Iˇjiˇtuˆ tsawˇ haˬ jawˇ gaˇ zahˇ tsui ni bi pyeuꞈ-iˇ-awˇ, Iˇsaˬleˬlaˆ tsawˇ haˬ-ahˇ yaw shehꞈ bya nehˬ-euˬ meh. Kʼoeˇ miˇ neh, guiˇ guiˇ maꞈ kʼoeˇ nyiˬ maꞈ, uˬ ciꞈ miˇ lah ni, tiˬ maꞈ tiˇ maꞈ dawˬ peh maˬ iˇ peh nya ni jawˇ-euˬ meh.

Doˆ-iˇ 15:8

Nawˬ-euˬ saꞈ neh iˬ ma laˆ shaˆ iˇ cuꞈ jehˆ bymˇ baw bymˇ-awˇ, gʼawˬ mahˇ ni bi goˇ laˇ-euˬ meh. Iˇ cuꞈ kaˇ pyawˇ pyawˇ-iˇ-awˇ, naꞈ dui dui-eu iˬ ma laˆ shaˆ gʼahˇ tseuˆ ni pyeuꞈ-iˇ-euˬ meh.

Doˆ-iˇ 7:19

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Gawˬ yoeˬ kʼoeˇ hmˬ yuˇ-awˇ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu iˇ cuꞈ lawˇ baˬ deuˬ, iˇ cuꞈ uiˇ kʼehˬ deuˬ hawˇ-eu iˇ cuꞈ lah deuˬ kʼoeˇ taˆ cawˬ ja-awˬ lehˇ Aˬloˬ-ahˇ ehˇ nehˬ-awˬ. Iˇ cuꞈ kʼoeˇ deuˬ shiˬ pyeuꞈ jiˇ-awˇ, miˇ kʼahˬ kʼahˬ lah ni shiˬ tehꞈ-ehˇ jaˆ tehꞈ-a. Daˇ kawˬ teˇ byaꞈ neh taꞈ taˬ-euˬ shehˇ byehˇ deuˬ hawˇ-eu, kʼaˬ lo neh jahˇ taˬ-euˬ mui deuˇ oeˬ lahˬ deuˬ laꞈ kʼoeˇ kʼaˇ dahˬ-eu iˇ cuꞈ dawˬ tawˆ luꞈ-ahˇ keuˆ ni, shiˬ pyeuꞈ jiˇ tehꞈ-a” lehˇ ehˇ nehˬ-euˬ meh.

Iˇsaˬyaˇ 23:11

Sahˬpaˬ Miˬyehˇ aˬ laꞈ iˬ ma laˆ shaˆ cawˬ tsehˆ taˬ-awˇ, miˇ kʼahˬ deuˬ-ahˇ laˆ byaˆ-euˬ meh. Piˇniˇshaˆ tsawˇ jeuˬ jeˬ gaꞈ jeˬ ka mˇ taꞈ-eu yaw tsuiꞈ-ahˇ, laˆ pyaˆ-awˬ lehˇ aˬ yawꞈ dawˬ biꞈ-euˬ meh.

Iˇsaˬyaˇ 43:16

Aˇ hu iˬ ma laˆ shaˆ laꞈ kʼoeˇ, Sahˬpaˬ Miˬyehˇ gaˇ ma jahˇ-awˇ, iˇ kʼawˇ gʼahˇ ceh gaˇ jawˬ bi dahˇ-euˬ meh.

Iˇsaˬyaˇ 44:27

Ngaˇ dawˬ kʼaˆ tiˬ dawˬ biꞈ-awˇ, iˬ ma laˆ shaˆ-ahˇ bi gui-iˇ-euˬ ma.

Iˇsaˬyaˇ 50:2

“Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu lehˇ ngaˇ iˇ ngeh, aˬ jeˬ miˇ neh aˬ yawꞈ maꞈ maˬ haw cawˬ laˇ ta. Aˬ jeˬ miˇ neh ngaˇ kuˇ ngeh aˬ yawꞈ maꞈ oˬ maˬ toˬ ta. Ngaˬ-euˬ aˬ laꞈ yaw nymˇ miˇ neh maˬ ka kʼoꞈ nya ta loˇ. Naw maꞈ-ahˇ ka kʼoꞈ nehˬ nya ni ngaˇ gʼaˬ maˬ loꞈ ta loˇ. Ngaˇ dawˬ biꞈ-awˇ iˬ ma laˆ shaˆ-ahˇ bi gui-iˇ nya ma. Iˇ cuꞈ lawˇ baˬ kʼaˇ shuiꞈ deh ga bi pyeuꞈ-iˇ-awˇ, iˇ cuꞈ maˬ dahˬ-eu miˇ neh ngaˬ shaˬ shiˇ jiˇ ni ngaˇ jahˇ nya ma.

Iˇsaˬyaˇ 51:10

Nawˬ neh ka kʼoꞈ-euˬ deuˬ tsehˆ doˆ nya ni, iˬ ma laˆ shaˆ gui coˇ ni laˆ pyeuꞈ-awˇ, iˇ cuꞈ gʼahˇ ceh gaˇ jawˬ shaˇ dahˇ-euˬ kʼawꞈ nawˇ meh.

Iˇsaˬyaˇ 51:15

“Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Iˬ ma laˆ shaˆ-ahˇ ngawˬ nyeh-awˇ iˇ luˆ bi dzeh-euˬ gʼaˬ ngaˇ ma. Ngaˬ-euˬ tsawˇ myahˇ Baoˬ huiˬ-eu Sahˬpaˬ Miˬyehˇ ma.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 63:13

Laˆ shaˆ yaw naꞈ aˬ yawꞈ maꞈ tsehˆ doˆ ngeh, Sahˬpaˬ Miˬyehˇ sheuˬ gʼeh nehˬ-eu miˇ neh, deh ga yaw juiˇ-ahˇ cah-eu mahˬ loꞈ-ehˇ, aˬ yawꞈ maꞈ sahˬ tiꞈ maˬ tiꞈ-a.

Haˬbaˬkuˆ 3:8

Sahˬpaˬ Miˬyehˇ nui ma pehˇ-eu, lawˇ baˬ lawˇ gawˆ kʼoeˇ deuˬ-a loˇ. Nawˇ nui ma daˆ laˇ ni jahˇ-euˬ, iˬ ma laˆ shaˆ lah ma-a loˇ. Kʼoeˇ taˆ mˬ dmˇ-ahˇ nawˇ dziˬ-awˇ, jaˬ lehˇ lehˇ ma laˆ lawˬ dziˬ-awˇ, muiˇ-eu deuˬ-ahˇ deuˆ gʼaˬ-euˬ meh.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

Yawˇshuˆ 2:10

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ luꞈ ngeh, naw maꞈ-euˬ mehˬ shi, Sahˬpaˬ Miˬyehˇ neh iˬ ma laˆ shaˆ yaw neˇ iˇ cuꞈ bi gui-iˇ-euˬ gaˇ kawˆ nga maꞈ ya gaˬ-euˬ ma. Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Siˇhoˬ hawˇ-eu Awˇgaˆ-ahˇ naw maꞈ aˬ joˆ-ehˇ sehꞈ-euˬ gaˇ kawˆ kʼawꞈ, nga maꞈ siˬ nya ma.

Yawˇshuˆ 3:17

Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ-awˇ lawˇ baˬ tsehˆ luꞈ ngeh, aˬ yawꞈ maꞈ dawˬ tawˆ luꞈ maˬ tsehˆ doˆ jiˇ kʼoeˇ keuˆ ni, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ gui coˇ ni gʼeh-eu lawˇ baˬ gʼahˇ ceh yawꞈ luꞈ-eu meh.

Yawˇshuˆ 4:23

Iˬ ma laˆ shaˆ yaw neˇ-ahˇ nga maꞈ gʼaˇ duˬ bi gui-iˇ-euˬ loꞈ-ehˇ, naw maꞈ Yawˇdaˬ lawˇ baˬ tsehˆ doˆ ngeh keuˆ ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ gʼaˇ duˬ Yawˇdaˬ lawˇ baˬ bi gui-iˇ-euˬ meh lehˇ aˬ yawꞈ maꞈ-ahˇ dzawˇ mehˬ nehˬ-awˬ.