Doˆ-iˇ 14:2 - Akha

² “Iˇsaˬleˬlaˆ tsawˇ haˬ deuˬ-ahˇ, naˇ kʼah paw paˇ jiˆ kʼoꞈ laˇ-awˇ, Miˇdaˬgawˇlaˬ meuˬ hawˇ-eu Iˬ ma laˆ shaˆ Yaw neˇ-euˬ yaw kaˬ-ahˇ, Baˬlaˇzeˬpoˬ meuˬ dawˬ peh jaˆ-eu Piˇhaˬhiˇyoˆ meuˬ mehˬ shi, sehˬ gʼawˆ gʼawˆ-awˇ naˬ-awˬ lehˇ ehˇ nehˬ-awˬ.

Doˆ-iˇ 14:2 ပူးပေါင်းရင်းမြစ်များ

Doˆ-iˇ 14:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Doˆ-iˇ 14:3

Iˇsaˬleˬlaˆ tsawˇ haˬ deuˬ-aˬ, bawˇ tsahˬ-ahˇ cah cah-ehˇ jawˇ-awˇ, bawˇ tsahˬ bawˇ dahˇ laꞈ kʼoeˇ tiˬ gaˇ-iˬ iˇ tsaˬ laˇ tsaˬ maˬ siˬ ni, zahˬ leˇ taˬ-awˇ jawˇ-eu nga lehˇ, Iˇjiˇtuˆ sahˬ paˬ noeˬ tehꞈ-a.

Doˆ-iˇ 14:9

Mahˬ deuˬ maˬ ehˇ, mahˬ laˆ lawˬ deuˬ maˬ ehˇ, mahˬ laˆ lawˬ teh-eu tsawˇ haˬ deuˬ maˬ ehˇ, dawˬ tawˆ luꞈ kuꞈ-eu Iˇjiˇtuˆ guiˇ maꞈ kʼoeˇ maꞈ, Iˇsaˬleˬlaˆ tsawˇ haˬ deuˬ-euˬ mehˬ nah caw teh-awˇ, iˬ ma laˆ shaˆ Yaw neˇ-euˬ gaˇ dzeˇ, Piˇhaˬhiˇyoˆ meuˬ hawˇ-eu Baˬlaˇzeˬpoˬ meuˬ dawˬ peh sehˬ gʼawˆ gʼawˆ-awˇ naˬ luꞈ gaˇ, teh miˇ le-euˬ meh.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬsaˬgeˬlaˇ 29:10

Nawˇ hawˇ-eu nawˬ-euˬ Niˬlaˇ lawˇ baˬ-ahˇ ngaˇ muiˇ-eu ma. Laꞈ taˆ paw Miˇgaˬdawˇlaˆ meuˬ-ahˇ neh, laꞈ oˆ paw Aˬsaˬgʼawˬ meuˬ-ahˇ keuˆ ni, Suˬdaˬ miˇ kaˬ-ahˇ iˇ-eu gaˇ ma doˆ coˆ-ehˇ, Iˇjiˇtuˆ miˇ kʼahˬ kʼahˬ lah ni bi cawˆ-iˇ ma.

Yawˇshuˆ 24:6

Naw maꞈ-euˬ aˬ poeˬ aˬ bawˇ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ ngeh, Iˇjiˇtuˆ tsawˇ haˬ deuˬ mahˬ laˆ lawˬ hawˇ-eu mahˬ dziˬ-awˇ, Iˬ ma laˆ shaˆ Yaw neˇ-ahˇ keuˆ ni teh keuˆ le-euˬ meh.