Doˆ-iˇ 14:13 - Akha

¹³ Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 14:13 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.

1 Laˬsaˬbaˬ 11:14

Aˬ yawꞈ hawˇ-eu aˬ yawꞈ-euˬ tsawˇ haˬ deuˬ yaˇ kʼoeˇ kawˬ gʼahˇ ceh ziꞈ dah ni jawˇ-awˇ, Piˇliˇtiˆ tsawˇ haˬ deuˬ-ahˇ deuˆ-euˬ meh. Huiˬ dui dui-eu gʼaˬ leˇ-eu jeˬ, aˬ yawꞈ-ahˇ Sahˬpaˬ Miˬyehˇ biꞈ-euˬ meh.

2 Laˬsaˬbaˬ 20:15

Yaˬhaˬzeˬlaˇ ehˇ-eu, “Sahˬ paˬ Yeˬhawˇshaˬpaˇ hawˇ-eu, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-oˇ, myaˬ dui dui-eu guiˇ maꞈ heu maꞈ-ahˇ naw maꞈ guˆ-awˇ gʼaˬ taˬ baˬ. Guiˇ deuˆ-eu heu Miˬyehˇ-euˬ aˬ laꞈ laꞈ kʼoeˇ jaˆ-eu meh.

2 Laˬsaˬbaˬ 20:17

Guiˇ heu naw maꞈ maˬ ya deuˆ-a. Jawˇ duˬ yuˇ-awˇ loꞈ tawˬ-awˬ. Sahˬpaˬ Miˬyehˇ naw maꞈ-ahˇ bi gʼaˬ leˇ nehˬ laꞈ gaˇ naw maꞈ ya mawˇ tehꞈ-a. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, gʼaˬ byehˆ maˬ byehˆ-ehˇ maˬ guˆ ni jawˇ-awˬ. Ni shawˬ nah aˬ yawꞈ maꞈ-ahˇ guiˇ deuˆ-iˇ-awˬ. Sahˬpaˬ Miˬyehˇ naw maꞈ nehˬ-ehˇ jawˇ tehꞈ-a.”

Neˬhaˬmiˇ 9:9

Nga maꞈ-euˬ poeˬ piˬ deuˬ Iˇjiˇtuˆ meuˬ laꞈ kʼoeˇ, shaˬ zahˬ naꞈ-eu nawˇ mawˇ-euˬ meh. Caw ba le-awˬ lehˇ aˬ yawꞈ maꞈ guˇ-eu dawˬ, laˆ shaˆ yaw neˇ dawˬ peh nawˇ gaˬ-euˬ meh.

Jaceuq 3:8

Ka kʼoꞈ-eu jeˬ doˆle duˬ-aˬ, SahˬpaˬMiˬyehˇ jawˇgaˇneh meh. Nawˬ-euˬtsawˇhaˬdawˬtawˆkʼoeˇtaˆ, Nawˬ-euˬguiˬlahˬ keuˆle luꞈ-uˇ.

Jaceuq 68:21

Iˬ baˇ mˇ mˇ-ehˇ kʼaˬ gʼa luꞈ-eu muiˇ-eu deuˬ-euˬ uˬ duˬ-ahˇ, Miˬyehˇ kʼoˆ paˆ nehˬ tehꞈ-a.

Jaceuq 78:53

Aˬ yawꞈ maꞈ-ahˇ aˬ yawꞈ yaw muiˬ paˬ-ehˇ sheuˬ gʼeh-awˇ, aˬ yawꞈ maꞈ maˬ guˆ-a. Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-ahˇ, iˬ ma laˆ shaˆ iˇ cuꞈ neh dahˬ pymˬ sehꞈ-euˬ meh.

Jaceuq 91:8

Haiˬ-eu tsawˇ haˬ deuˬ-ahˇ aˬ joˆ-ehˇ kʼehˬ nehˬ gaˇ nawˇ ya haw mawˇ tehꞈ-a.

Doˆ-iˇ 14:30

Kʼoeˇ ngeh nah, Iˇjiˇtuˆ tsawˇ haˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-awˇ, Iˇjiˇtuˆ tsawˇ haˬ deuˬ iˬ ma laˆ shaˆ lawˇ deh-ahˇ yaw shiˇ-ehˇ ga luꞈ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Doˆ-iˇ 20:20

Aˬ yawꞈ maꞈ-ahˇ Moˇseˬ ehˇ nehˬ-eu, “Taˬ guˆ. Aˬ jeˬ miˇ neh ehˇ naˇ, naw maꞈ-ahˇ lawˬ haw-eu gʼaˇ duˬ maˬ ehˇ, aˬ yawꞈ-ahˇ guˆ-eu baˬ da neh naw maꞈ iˬ baˇ maˬ ya mˇ-eu gʼaˇ duˬ maˬ ehˇ, Miˬyehˇ zaꞈ le-euˬ meh.”

Iˇsaˬyaˇ 26:3

Nui ma ziꞈ dah ni gʼeh-awˇ, nawˬ-ahˇ jah-eu tsawˇ haˬ deuˬ-ahˇ, byah dui dui-eu nui saˇ oꞈ-eu jeˬ, Sahˬpaˬ Miˬyehˇ nawˇ biꞈ nehˬ-awˬ.

Iˇsaˬyaˇ 30:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. “Ngaˇ jawˇ gaˇ gʼoꞈ laˇ-awˇ gʼaˬ naˬ naˬ laˇ-awˬ. Guˆ-eu gaˆ-eu jeˬ-ahˇ naw maꞈ dzeuˇ-iˇ tehꞈ-a. Ciˬ cuˇ ni jawˇ-awˇ ngaˬ-ahˇ gʼoe ngeh, naw maꞈ gʼaˬ ahˇ laˇ tehꞈ-a. Ehˇ kʼawꞈ, naw maꞈ kʼoeˇ loꞈ-ehˇ maˬ geuꞈ-a.

Iˇsaˬyaˇ 35:4

Nui ma gʼaˬ baˬ luꞈ-eu tsawˇ haˬ deuˬ-ahˇ, “Gʼaˬ byehˆ maˬ byehˆ-ehˇ maˬ guˆ ni jawˇ-awˬ. Naw maꞈ-ahˇ ka kʼoꞈ nehˬ-awˇ, muiˇ-eu deuˬ-ahˇ kʼehˬ-eu gʼaˇ duˬ, Miˬyehˇ oe luꞈ meh” lehˇ ehˇ nehˬ-awˬ.

Iˇsaˬyaˇ 43:11

“Sahˬpaˬ Miˬyehˇ pyeuꞈ-eu ngaˇ tiˬ gʼaˬ tehꞈ ma. Naw maꞈ-ahˇ ka kʼoꞈ nya-eu ngaˇ tiˬ gʼaˬ tehꞈ ma.

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Ngoeˇ dawˬ 3:26

Sahˬpaˬ Miˬyehˇ ka kʼoꞈ le gaˇ, ciˬ cuˇ ni oˇ-awˇ dawˬ-eu-aˬ, aˬ dui gʼaˇ duˬ muiˬ dzehˬ-eu meh.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Hawˇseˬ 13:4

Sahˬpaˬ Miˬyehˇ ehˇ-eu dawˬ-aˬ, “Sahˬpaˬ Miˬyehˇ pyeuꞈ-eu ngaˇ-aˬ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ nehˬ laꞈ-euˬ, naw maꞈ-euˬ Miˬyehˇ pyeuꞈ-eu ma. Naw maꞈ-euˬ Miˬyehˇ ngaˇ tehꞈ ma. Ka kʼoꞈ nehˬ-euˬ gʼaˬ ngaˇ tehꞈ ma.

Hawˇseˬ 13:9

“Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ ngaˇ laˆ cawˆ nehˬ ma. Aˬ suˇ gʼaˬ caw ba nehˬ laꞈ nmˇ.

Haˬbaˬkuˆ 3:13

Nawˬ-euˬ tsawˇ haˬ kʼoeˇ deuˬ hawˇ-eu, nawˬ neh tseˇ doˆ-euˬ sahˬpaˬ-ahˇ, ka kʼoꞈ-eu lehˇ nawˇ iˇ-euˬ meh. Haiˬ-eu sahˬ paˬ-ahˇ kʼoˆ coˬ-awˇ, gʼaˬ zaˬ gʼaˬ kʼehˇ dawˬ tawˆ luꞈ-ahˇ, nawˇ laˆ piˬ laˆ byoˆ nehˬ-euˬ meh.

Haˬbaˬkuˆ 3:8

Sahˬpaˬ Miˬyehˇ nui ma pehˇ-eu, lawˇ baˬ lawˇ gawˆ kʼoeˇ deuˬ-a loˇ. Nawˇ nui ma daˆ laˇ ni jahˇ-euˬ, iˬ ma laˆ shaˆ lah ma-a loˇ. Kʼoeˇ taˆ mˬ dmˇ-ahˇ nawˇ dziˬ-awˇ, jaˬ lehˇ lehˇ ma laˆ lawˬ dziˬ-awˇ, muiˇ-eu deuˬ-ahˇ deuˆ gʼaˬ-euˬ meh.

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Maꞈtehˬ 28:5

Mˬ taˆ gʼaˬ kʼehˇ kʼoeˇ gʼaˬ zaˬ miˬ zaˬ kʼoeˇ nyiˬ gʼaˬ-ahˇ heu loꞈ-ehˇ ehˇ nehˬ-euˬ meh. “Naw nyaꞈ taˬ guˆ. Laꞈ yaꞈ kʼoeˇ taˆ bi taꞈ sehꞈ-euˬ Yeˬsuˇ kʼoeˇ gʼaˬ-ahˇ naw nyaꞈ poˆ luꞈ-eu ngaˇ siˬ nya ma.

Dawˬmehˬ 20:3

‘Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ guiˇ deuˆ-eu lehˇ gʼeh luꞈ meh. Naw maꞈ-ahˇ muiˇ-eu deuˬ-ahˇ taˬ guˆ. Gʼaˬ taˬ baˬ. Yaw dzuˬ taˬ dzuˬ. Taˬ noeˬ shaˬ.

1 Saˬmeuˬlaˆ 11:13

Ehˇ kʼawꞈ, Sawˇluˆ ehˇ-eu, “Iˬ nah tsawˇ haˬ tiˬ gʼaˬ-iˬ maˬ ya sehꞈ-a. Aˬ jeˬ miˇ neh ehˇ naˇ, iˬ nah-aˬ, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-euˬ aˇ nah meh.”

1 Saˬmeuˬlaˆ 12:16

Teu miˇ neh, nymˬ-mˇ ciˬ cuˇ ni yawꞈ-awˇ haw-awˬ. Sahˬpaˬ Miˬyehˇ mˇ-eu lehˇ lehˬ hmˬ taˬ-euˬ kʼaˆ jeˬ-ehˇ gʼeh-eu jeˬ-ahˇ naw maꞈ ya mawˇ tehꞈ-a.