Doˆ-iˇ 14:12 - Akha

¹² Heu loꞈ-ehˇ pyeuꞈ laˇ tehꞈ-a lehˇ, aˬ dui maꞈ maˬ doˆ le mi naˆ-ehˇ, nawˬ-ahˇ nga maꞈ maˬ ehˇ-aˬ loˇ. Iˇjiˇtuˆ miˇ kʼahˬ laꞈ kʼoeˇ bi jawˇ yaꞈ nehˬ laꞈ-awˬ. Iˇjiˇtuˆ tsawˇ haˬ deuˬ-euˬ zaˬ kʼaˆ geuꞈ yaꞈ ma lehˇ, nawˬ-ahˇ nga maꞈ ehˇ nehˬ-euˬ maˬ ngeuˇ-a loˇ. Kʼoeˇ gaˇ jawˇ-awˇ aˬ cawˬ-euˬ zaˬ kʼaˆ ya geuꞈ-eu-aˬ, heu gaˇ, bawˇ tsahˬ bawˇ dahˇ-ahˇ oe-awˇ ya shiˇ-eu naˆ maˬ tseˇ zaˬ dzehˬ tehꞈ-a.”

Doˆ-iˇ 14:12 ပူးပေါင်းရင်းမြစ်များ

Jaceuq 106:7

Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.

Doˆ-iˇ 13:17

Iˇjiˇtuˆ sahˬ paˬ Iˇsaˬleˬlaˆ tsawˇ haˬ deuˬ-ahˇ pyehˬ nehˬ-awˇ bi doˆ-iˇ ngeh, Piˇliˇtiˆ miˇ kʼahˬ caw caw-ehˇ dahˇ daˆ gʼeh-eu gaˇ ma kʼoeˇ kahˇ dawˇ dui dui kʼawꞈ, gaˇ ma kʼoeˇ kahˇ-ahˇ neh Iˇsaˬleˬlaˆ tsawˇ haˬ deuˬ-ahˇ Miˬyehˇ maˬ sheuˬ doˆ gʼeh-aˬ. “Mehˬ hu paw guiˇ ya deuˆ paˬ-ehˇ jaˆ-eu gaˇ Iˇsaˬleˬlaˆ tsawˇ haˬ deuˬ ya siˬ naˇ, Iˇjiˇtuˆ miˇ kʼahˬ-ahˇ paˇ gʼoꞈ poˆ-iˇ-eu jeˬ-ahˇ ngaˇ maˬ geuꞈ mawꞈ nya” lehˇ Miˬyehˇ noeˬ-eu meh.

Doˆ-iˇ 3:9

Ngaˬ-euˬ tsawˇ haˬ deuˬ ngoeˇ luꞈ-eu teˇ saˇ-ahˇ, ngaˇ aˬ diˇ aˬ maˇ ya gaˬ gʼaˬ-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ luꞈ-eu ngaˇ mawˇ duˬ gʼaˬ-euˬ ma.

Doˆ-iˇ 5:21

Moˇseˬ hawˇ-eu Aˬloˬ-ahˇ aˬ yawꞈ maꞈ ehˇ nehˬ-eu, “Naw nyaꞈ neh mˇ-euˬ gaˇ-ahˇ, Sahˬpaˬ Miˬyehˇ mawˇ luꞈ meh. Iˇjiˇtuˆ sahˬ paˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nga maꞈ-ahˇ bye ni naw nyaꞈ jahˇ-euˬ miˇ neh, Sahˬpaˬ Miˬyehˇ naw nyaꞈ-ahˇ kʼehˬ nehˬ tehꞈ-a. Naw nyaꞈ-aˬ, nga maꞈ-ahˇ bi sehꞈ-eu lehˇ, Iˇjiˇtuˆ tsawˇ haˬ-euˬ aˬ laꞈ-ahˇ mi cehˇ nmꞈ ahˇ nehˬ gaˇ duˇ meh.”

Doˆ-iˇ 6:9

Gaˇ kawˆ heu Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ mehˬ nehˬ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ maˬ naˇ haˬ geuꞈ-a. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ daˬ-awˇ, aˬ cawˬ zaˬ kʼaˆ ya geuꞈ luꞈ-eu miˇ neh, aˬ yawꞈ maꞈ nui ma cawˆ dui dui luꞈ-eu meh.

Hawˇseˬ 4:17

Iˇsaˬleˬlaˆ tsawˇ haˬ kʼoeˇ deuˬ, tahˬ pahˬ aˬ ma uˬ moˆ jawˇ-eu, aˬ yawꞈ maꞈ tehꞈ-ehˇ bi shaˬ-awˬ.

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Yawˇnaˆ 4:8

Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Maˬkuˆ 1:24

guˇ guˇ-ehˇ ehˇ-eu, “Naˬzaˬlehˇ tsawˇ haˬ Yeˬsuˇ-oˇ, nawˇ nga maꞈ-ahˇ aˬ jeˬ taꞈ te. Nga maꞈ-ahˇ laˆ cawˆ-eu lehˇ oe teˬ loˇ. Nawˬ-ahˇ ngaˇ siˬ nya ma. Nawˇ-aˬ, Miˬyehˇ-euˬ muiˬ-eu shawˇ-eu gʼaˬ kʼehˇ meh.”

Maˬkuˆ 5:7

Kʼoeˇ naˇ, yaw kʼaˆ-ehˇ guˇ-awˇ ehˇ-eu, “Dawˬ tawˆ kʼoeˇ taˆ Huiˬ dui dui-eu Miˬyehˇ-euˬ Zaˬmaˇ-oˇ. Nawˇ ngaˬ-ahˇ aˬ jeˬ taꞈ te. Ngaˬ-ahˇ taˬ kʼehˬ nehˬ laꞈ lehˇ, Miˬyehˇ mehˬ shi nawˬ-ahˇ ngaˇ shaˇ-eu ma.”