Doˆ-iˇ 13:21 - Akha

²¹ Uˬ ciꞈ nah gʼahˇ maˬ-ehˇ, aˬ yawꞈ maꞈ gaˇ ma doˆ-iˇ nya ni, nah gʼahˇ paw aˬ yawꞈ maꞈ-ahˇ gaˇ ma mehˬ-eu gʼaˇ duˬ, mˬ dmˇ kʼawˇ zeuˇ laꞈ kʼoeˇ, Sahˬpaˬ Miˬyehˇ aˬ yawꞈ maꞈ-euˬ mehˬ hu iˇ-awˇ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ aˬ yawꞈ maꞈ-euˬ meh hu aˬ yawꞈ iˇ-eu laꞈ kʼoeˇ, aˬ yawꞈ maꞈ-ahˇ yaw shehꞈ bya nehˬ-euˬ meh.

Doˆ-iˇ 13:21 ပူးပေါင်းရင်းမြစ်များ

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 68:7

Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ sheuˬ gʼeh-awˇ, kʼaˇ shuiꞈ deh-ahˇ nawˇ cah luꞈ ngeh,

Jaceuq 77:20

Moˇseˬ hawˇ-eu Aˬloˬ-ahˇ nawˇ gʼoe-awˇ, yawˇ bo-eu yaw sahˇ loꞈ-ehˇ, nawˬ-euˬ tsawˇ haˬ deuˬ-ahˇ nawˇ sheuˬ gʼeh-euˬ meh.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Jaceuq 99:7

Mˬ dmˇ kʼawˇ zeuˇ laꞈ kʼoeˇ aˬ yawꞈ maꞈ-ahˇ dawˬ ngehˬ cawˬ-awˇ, aˬ yawꞈ neh biꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ, aˬ yawꞈ maꞈ naˇ haˬ geuꞈ-euˬ meh.

Doˆ-iˇ 10:10

Sahˬ paˬ kʼoeˇ gʼaˬ ehˇ-eu, “Naw maꞈ-euˬ zaˬ deuˬ hawˇ-eu zaˬ miˬ zaˬ deuˬ maˬ bi sheuˬ gʼeh lehˇ, Sahˬpaˬ Miˬyehˇ-euˬ mehˬ shi nymˬ-mˇ ngaˇ nawˬ-ahˇ ehˇ tsehˆ nehˬ-eu ma. Naw maꞈ-aˬ, nga maꞈ-ahˇ puiˬ-eu lehˇ gʼeh-eu yaw duˬ baw meh.

Doˆ-iˇ 16:10

Iˇsaˬleˬlaˆ tsawˇ haˬ aˇ maꞈ-ahˇ Aˬloˬ dawˬ ngehˬ cawˬ luꞈ ngeh, aˬ yawꞈ maꞈ bawˇ tsahˬ bawˇ dahˇ paw haw gʼeh-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ mˬ dmˇ laꞈ kʼoeˇ doˆ le-euˬ gaˇ, ja pyuˬ ni ya mawˇ-euˬ meh.

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

Dawˬ caˇ 3:6

Muˇ laˬ yaw saw hawˇ-eu baw gaꞈ deuˬ ahˬ-eu tsiˇ yaw saw gʼawˬ mya jeˬ saw dui dui-eu laꞈ kʼoeˇ, bawˇ tsahˬ bawˇ dahˇ paw neh uˬ kʼoeˬ uꞈ uꞈ-ehˇ laˇ luꞈ-eu aˬ pa jeˬ nga.

Bawˇtsahˬ 10:34

Aˬ yawꞈ poˆ yawꞈ aˬ yawꞈ maꞈ kʼaˇ luˆ-iˇ ngeh, nah gʼahˇ paw Sahˬpaˬ Miˬyehˇ-euˬ mˬ dmˇ aˬ yawꞈ maꞈ kʼoeˇ taˆ jaˆ-eu meh.

Bawˇtsahˬ 14:14

miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.

Dawˬmehˬ 1:33

Naw maꞈ bi jawˇ naˬ-eu gʼaˇ duˬ jawˇ zaˇ shaˇ-eu lehˇ, naw maꞈ-euˬ mehˬ hu, aˬ myah luꞈ aˬ yawꞈ iˇ luꞈ-eu kʼawꞈ, aˬ yawꞈ-ahˇ naw maꞈ maˬ jah-a. Naw maꞈ-ahˇ gaˇ ma mehˬ-eu gʼaˇ duˬ, uˬ ciꞈ paw miˬ dzaˬ kʼawˇ zeuˇ laꞈ kʼoeˇ maˬ ehˇ, nah gʼahˇ paw mˬ dmˇ kʼawˇ zeuˇ laꞈ kʼoeˇ maˬ ehˇ, naw maꞈ-euˬ mehˬ shi aˬ yawꞈ iˇ luꞈ-eu meh.

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”