Doˆ-iˇ 13:15 - Akha

¹⁵ Iˇjiˇtuˆ sahˬ paˬ nui ma gʼahˇ-awˇ, nga maꞈ-ahˇ maˬ pyehˬ nehˬ laꞈ ni jawˇ ngeh, Iˇjiˇtuˆ miˇ kʼahˬ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, Sahˬpaˬ Miˬyehˇ sehꞈ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ-ahˇ kʼawꞈ, aˬ yawꞈ sehꞈ-euˬ meh. Kʼoeˇ miˇ neh, dehꞈ beh beh le-euˬ jeˬ zaˬ aˬ buˬ deuˬ Sahˬpaˬ Miˬyehˇ-ahˇ aˬ dui ya lawˇ nehˬ-awˇ, dehꞈ beh beh le-euˬ aˬ li aˬ yuiꞈ deuˬ-ahˇ aˬ dui ya zeuˇ kʼoꞈ geuꞈ-eu meh.

Doˆ-iˇ 13:15 ပူးပေါင်းရင်းမြစ်များ

Jaceuq 105:36

Iˇjiˇtuˆ nymˇ jiˇ yawˬ jiˇ na luꞈ laꞈ kʼoeˇ, dehꞈ beh beh le-euˬ aˬ li aˬ yuiꞈ deuˬ-ahˇ, aˬ yawꞈ bi shiˇ jiˇ-euˬ meh.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Doˆ-iˇ 34:20

Ehˇ kʼawꞈ, dehꞈ beh beh le-euˬ mahˬ tahˬ laˆ-ahˇ, yawˇ zaˬ lawˇ dah nehˬ-awˇ, naw maꞈ zeuˇ kʼoꞈ geuꞈ nya meh. Kʼoeˇ loꞈ-ehˇ maˬ zeuˇ kʼoꞈ geuꞈ naˇ, mahˬ tahˬ laˆ-euˬ kawˬ lahˇ ngawˬ kʼehꞈ dzeh-awˬ. Dehꞈ beh beh le-euˬ aˬ li yawˬ gʼaˬ na luꞈ-ahˇ zeuˇ kʼoꞈ geuꞈ-awˬ. “Ngaˬ-ahˇ lawˇ nehˬ-eu jeˬ tiˬ jeˬ-iˬ maˬ ahˇ ni, tsawˇ haˬ tiˬ gʼaˬ-iˬ ngaˬ-euˬ dawˬ peh maˬ ya laˇ-a.

Doˆ-iˇ 4:23

Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.”

Bawˇtsahˬ 18:15

“Iˇsaˬleˬlaˆ tsawˇ haˬ deuˬ ngaˬ-ahˇ kʼaˇ damˬ laˇ-euˬ dehꞈ beh beh le-euˬ zaˬ deuˬ hawˇ-eu jeˬ zaˬ deuˬ kʼawꞈ, naw maꞈ-ahˇ oꞈ-eu shaˬ bymˇ pyeuꞈ-eu meh. Ehˇ kʼawꞈ, dehꞈ beh beh le-euˬ zaˬ-ahˇ zeuˇ kʼoꞈ geuꞈ-euˬ pyuˇ hawˇ-eu, gʼaw beh beh-euˬ maˬ shawˇ-eu jeˬ zaˬ-ahˇ zeuˇ kʼoꞈ geuꞈ-euˬ pyuˇ-ahˇ, naw maꞈ ya ha geuꞈ meh.

Bawˇtsahˬ 3:46

Dehꞈ beh beh le-euˬ Iˇsaˬleˬlaˆ tsawˇ haˬ deuˬ-aˬ, Leˬbiˇ tsawˇ haˬ deuˬ myaˆ maˬ tseˇ nyiˬ yaˇ shiꞈ tseˇ smˇ gʼaˬ myaˬ dzehˬ-eu miˇ neh, dzehˬ laˇ-euˬ aˬ li kʼoeˇ deuˬ-ahˇ naw maꞈ ya zeuˇ kʼoꞈ geuꞈ meh.