Doˆ-iˇ 12:9 - Akha

⁹ Shaˬ jiˇ kʼoeˇ-ahˇ yaw jmˬ-ehˇ maˬ ehˇ, caꞈ jaꞈ-awˇ neh maˬ ehˇ, maˬ ya dzaˬ-a. Ehˇ kʼawꞈ, uˬ duˬ, aˬ kuiˇ aˬ laꞈ hawˇ-eu tsahˬ nahˬ uˇ jiˇ dawˬ tawˆ luꞈ ahˇ leˇ-ehˇ, mawˇ lah ehˇ tehˬ ba-awˇ ya dzaˬ meh.

Doˆ-iˇ 12:9 ပူးပေါင်းရင်းမြစ်များ

2 Laˬsaˬbaˬ 35:13

Leˬbiˇ tsawˇ haˬ deuˬ-aˬ, Baˬsaˬkaˬ Bawˬ-iˬ-ahˇ sehꞈ-euˬ jeˬ zaˬ deuˬ-ahˇ zahˇ sahˇ kʼoꞈ jaˆ-eu loꞈ-ehˇ miˬ dzaˬ-ahˇ tehˬ ba-awˇ, muiˬ-eu shawˇ-eu lawˇ-eu jeˬ-ahˇ, miˇ tsaˬ oeˬ lahˬ, guiˬ ba hawˇ-eu, mui za deuˬ laꞈ kʼoeˇ caꞈ-awˇ, tsawˇ haˬ dawˬ tawˆ luꞈ-ahˇ yaw kawˇ-ehˇ biˇ nehˬ-euˬ meh.

Doˆ-iˇ 12:8

Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 29:13

Kʼoeˇ naˇ, tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, gʼawˬ siˬ nyiˬ siˬ hawˇ-eu gʼawˬ siˬ-ahˇ dawꞈ-eu tsiˇ maˬ ehˇ, yuˇ-awˇ, lawˇ duˬ kʼoeˇ taˆ puiˇ-awˇ, ngaˬ-ahˇ lawˇ-awˬ.

Doˆ-iˇ 29:17

Kʼoeˇ naˇ, yawˇ kʼoeˇ mawˇ-ahˇ pyaˆ-awˇ deuˆ-awˬ. Tsahˬ nahˬ uˇ jiˇ hawˇ-eu aˬ kuiˇ tsiˬ shawˇ-awˇ, shaˬ jiˇ kʼoeˇ taˆ bi jaˆ-awˬ.

Ngoeˇ dawˬ 1:13

“Mˬ-ahˇ neh miˬ dzaˬ pyehˬ leꞈ-awˇ, shaˬ yoeˬ-ahˇ bi puiˆ keuˆ leꞈ-awˇ, aˬ kuiˇ-ahˇ lahˇ ju kʼmˇ paꞈ-awˇ, sehˇ pyaˆ-ehˇ bi coˬ-iˇ laꞈ-awˇ, naˇ dui dui-awˇ myaꞈ leˇ-euˬ gaˇ, nah lah-ehˇ byehˇ dzeh laꞈ-euˬ meh.

Uˬ duˬ 1:9

Tsawˇ haˬ kʼoeˇ gʼaˬ tsahˬ nahˬ uˇ jiˇ deuˬ hawˇ-eu aˬ kuiˇ deuˬ ya tsiˬ shawˇ-awˇ, aˬ yuiꞈ geuꞈ-awˇ gaˇ mˇ luꞈ-eu piˇ ma gʼaˬ-aˬ, mawˇ neˇ kʼoeˇ mawˇ mawˇ lah ni lawˇ duˬ kʼoeˇ taˆ ya dzah puiˆ meh. Heu loꞈ-ehˇ lawˇ-euˬ dzaˬ dzaˬ dawˇ dawˇ lawˇ-eu yaw saꞈ kʼoeˇ-ahˇ, Sahˬpaˬ Miˬyehˇ nui ma tsaˬ-eu meh.

Dawˬmehˬ 16:7

Uˬ duˬ tahˬ-eu jawˇ duˬ kʼoeˇ tsahˇ-ahˇ shaˬ jiˇ caꞈ dzaˬ-awˇ, yawˬ shawˬ yawˬ iˇ kahˇ-ahˇ gʼoꞈ-iˇ-awˬ.