Doˆ-iˇ 12:8 - Akha

⁸ Kʼoeˇ ngeh miˇ, shaˬ jiˇ kʼoeˇ deuˬ tehˬ ba-awˇ, dehˬ tseˬ maˬ ahˇ-eu kaˬ muˇ hawˇ-eu yaw kʼaˬ kʼaˬ-eu gʼawˬ paꞈ gʼawˬ nyoeˇ nehˬ-ehˇ ya dzaˬ meh.

Doˆ-iˇ 12:8 ပူးပေါင်းရင်းမြစ်များ

2 Laˬsaˬbaˬ 35:13

Leˬbiˇ tsawˇ haˬ deuˬ-aˬ, Baˬsaˬkaˬ Bawˬ-iˬ-ahˇ sehꞈ-euˬ jeˬ zaˬ deuˬ-ahˇ zahˇ sahˇ kʼoꞈ jaˆ-eu loꞈ-ehˇ miˬ dzaˬ-ahˇ tehˬ ba-awˇ, muiˬ-eu shawˇ-eu lawˇ-eu jeˬ-ahˇ, miˇ tsaˬ oeˬ lahˬ, guiˬ ba hawˇ-eu, mui za deuˬ laꞈ kʼoeˇ caꞈ-awˇ, tsawˇ haˬ dawˬ tawˆ luꞈ-ahˇ yaw kawˇ-ehˇ biˇ nehˬ-euˬ meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Doˆ-iˇ 1:14

Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ gʼawˬ shaˬ maˬ gaˬ ni, nymˇ tsoˆ gaˇ maˬ ehˇ, deh yaˇ mˇ gaˇ maˬ ehˇ, maˬ mˇ coeˇ gaˇ keuˆ ni myawˬ kʼaˆ bi mˇ-euˬ meh.

Doˆ-iˇ 12:9

Shaˬ jiˇ kʼoeˇ-ahˇ yaw jmˬ-ehˇ maˬ ehˇ, caꞈ jaꞈ-awˇ neh maˬ ehˇ, maˬ ya dzaˬ-a. Ehˇ kʼawꞈ, uˬ duˬ, aˬ kuiˇ aˬ laꞈ hawˇ-eu tsahˬ nahˬ uˇ jiˇ dawˬ tawˆ luꞈ ahˇ leˇ-ehˇ, mawˇ lah ehˇ tehˬ ba-awˇ ya dzaˬ meh.

Doˆ-iˇ 13:3

Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-eu, “Naw maꞈ aˬ cawˬ-euˬ zaˬ kʼaˆ ya geuꞈ luꞈ-eu Iˇjiˇtuˆ miˇ kʼahˬ laꞈ kʼoeˇ neh doˆ le-euˬ aˇ nah heu nah-ahˇ noeˬ keuˆ-awˬ. Aˇ nah heu nah laꞈ kʼoeˇ, Sahˬpaˬ Miˬyehˇ-aˬ, huiˬ-eu aˬ yawꞈ-euˬ baoˬ-ahˇ gʼoe-awˇ, naw maꞈ-ahˇ sheuˬ doˆ nehˬ-euˬ meh. Dehˬ tseˬ ahˇ-eu kaˬ muˇ naw maꞈ maˬ ya dzaˬ-a.

Doˆ-iˇ 13:7

Shiꞈ nah keuˆ ni, dehˬ tseˬ keuˬ-awˇ jahˇ taˬ-euˬ kaˬ muˇ naw maꞈ maˬ ya dzaˬ-a. Dehˬ tseˬ maˬ ehˇ, dehˬ tseˬ ahˇ-eu kaˬ muˇ deuˬ maˬ ehˇ, naw maꞈ-euˬ jawˇ kʼahˬ jawˇ lahˬ laꞈ kʼoeˇ maˬ ya bi jaˆ-a.

Doˆ-iˇ 23:18

“Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ-eu kaˬ muˇ maˬ ya lawˇ ahˇ-a. Bawˬ-iˬ heu smˇ hmˬ laꞈ kʼoeˇ, naw maꞈ neh ngaˬ-ahˇ lawˇ-euˬ jeˬ zaˬ deuˬ-euˬ tsiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Doˆ-iˇ 34:25

“Naw maꞈ ngaˬ-ahˇ jeˬ zaˬ lawˇ ngeh, dehˬ tseˬ keuˬ taˬ-euˬ kaˬ muˇ maˬ ya lawˇ-a. Baˬsaˬkaˬ Bawˬ-iˬ gʼeh gaˇ sehꞈ-euˬ jeˬ zaˬ-euˬ shaˬ jiˇ, yawˬ nah yawˬ uˬ shawˬ paw keuˆ ni maˬ ya bi jaˆ keuˆ-a.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Aˬmoˆ 4:5

Miˬyehˇ-euˬ guiˬ lahˬ-ahˇ noeˬ keuˆ-eu laꞈ kʼoeˇ kaˬ muˇ lawˇ-awˬ. Kʼoeˇ uˬ taꞈ-ehˇ, nui ma keuˆ-eu laꞈ kʼoeˇ lawˇ-eu jeˬ lawˇ-awˇ kʼahˬ sehˇ jehˆ-awˬ. Naw maꞈ kʼoeˇ loꞈ-ehˇ mˇ mawꞈ-eu maˬ ngeuˇ loˇ.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Maꞈtehˬ 16:12

Kʼoeˇ ngeh jawˇ, kaˬ muˇ jahˇ gaˇ dawˆ-eu dehˬ tseˬ-ahˇ yahˇ-eu gʼaˇ duˬ, Yeˬsuˇ aˬ yawꞈ maꞈ-ahˇ ehˇ mawꞈ-eu maˬ ngeuˇ-ehˇ, Paˬliˬsehˇ deuˬ hawˇ-eu Saˬduˬgehˇ deuˬ neh mehˬ-euˬ tsoˆ-euˬ dawˬ deuˬ-ahˇ yahˇ-awˬ lehˇ ehˇ mawꞈ-eu gaˇ kawˆ, zaˬ lahˇ deuˬ gʼoˆ shaw-euˬ meh.

Maꞈtehˬ 26:26

Aˬ yawꞈ maꞈ ciꞈ hawˬ dzaˬ luꞈ ngeh, Yeˬsuˇ kaˬ muˇ yuˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh. Kʼoeˇ naˇ, kaˬ muˇ kʼoeˇ ngawˬ pyehˬ-awˇ, “Heu-aˬ, ngaˬ-euˬ gʼawˇ mawˇ ma. Yuˇ-awˇ dzaˬ-awˬ” lehˇ ehˇ-awˇ biˇ nehˬ-euˬ meh.

Gaˬlaˬtiˆ 5:9

“Cehˇ meu tiˬ tsmˇ tsmˇ lah-ehˇ bi poˬ laˇ-eu gʼaˇ duˬ dehˬ tseˬ ui cuiˆ tehꞈ-ehˇ ya dawˆ-eu meh” lehˇ ehˇ taˬ-euˬ meh.

Dawˬmehˬ 16:7

Uˬ duˬ tahˬ-eu jawˇ duˬ kʼoeˇ tsahˇ-ahˇ shaˬ jiˇ caꞈ dzaˬ-awˇ, yawˬ shawˬ yawˬ iˇ kahˇ-ahˇ gʼoꞈ-iˇ-awˬ.

1 Teˇsaˬloˇni 1:6

Nga maꞈ-ahˇ maˬ ehˇ, Sahˬpaˬ Yeˬsuˇ-ahˇ maˬ ehˇ, naw maꞈ dzaw geuꞈ-euˬ meh. Shaˬ-eu zahˬ-eu jeˬ-ahˇ naw maꞈ ya daˬ dui dui-euˬ kʼawꞈ, Muiˬ-eu shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬtiˬ byah ni ahˇ-eu laꞈ kʼoeˇ, guiˬ lahˬ dawˬ-ahˇ naw maꞈ ha geuꞈ-euˬ meh.