Doˆ-iˇ 12:6 - Akha

⁶ Ba la heu siˬ tseˇ oeˬ nah uˬ ciꞈ uˬ taw paw, Iˇsaˬleˬlaˆ tsawˇ haˬ dawˬ tawˆ luꞈ jeˬ zaˬ ya sehꞈ meh.

Doˆ-iˇ 12:6 ပူးပေါင်းရင်းမြစ်များ

2 Laˬsaˬbaˬ 35:1

Sahˬpaˬ Yawˇshiˆ-aˬ, Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ, Yeˬluˇsaˬlehˬ meuˬ-ahˇ Baˬsaˬkaˬ Bawˬ-iˬ gʼeh-euˬ meh. Ba la yaw beh siˬ tseˇ oeˬ nah tiˬ nah-ahˇ bawˬ-iˬ gʼeh-eu gʼaˇ duˬ jeˬ zaˬ sehꞈ-euˬ meh.

Eˇzaˬlaˬ 6:19

Ba la yaw beh siˬ tseˇ oeˬ nah tiˬ nah-ahˇ, Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ deuˬ Baˬsaˬkaˬ bawˬ-iˬ gʼeh-euˬ meh.

Doˆ-iˇ 12:14

Aˇ nah heu nah-ahˇ, Sahˬpaˬ Miˬyehˇ pyeuꞈ-eu ngaˇ mˇ-eu gaˇ-ahˇ noeˬ keuˆ-awˇ, lah-eu daw-eu laꞈ kʼoeˇ, ngaˬ-ahˇ uˬ duˬ tahˬ-eu jeˬ-ahˇ taꞈ leˇ-eu bawˬ-iˬ naw maꞈ ya gʼeh tehꞈ-a. Tiˬ ziˇ saˇ-iˬ tiˬ ziˇ, bawˬ-iˬ heu hmˬ naw maꞈ ya jahˇ daˆ leꞈ meh.”

Doˆ-iˇ 12:17

Bawˬ-iˬ heu hmˬ maˬ byehˇ ni aˬ myah luꞈ jahˇ-awˬ. Aˬ jeˬ miˇ neh ehˇ naˇ, aˇ nah kʼoeˇ nah-ahˇ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ ngaˇ sheuˬ doˆ nehˬ-euˬ ma. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, tiˬ ziˇ saˇ-iˬ tiˬ ziˇ, aˇ nah kʼoeˇ nah-ahˇ naw maꞈ lah daw-eu laꞈ kʼoeˇ, bawˬ-iˬ ya jahˇ daˆ leꞈ tehꞈ-a.

Doˆ-iˇ 12:18

Ba la yaw beh siˬ tseˇ oeˬ nah uˬ ciꞈ uˬ taw paw neh aˇ dahˬ beh-awˇ, nyiˬ tseˇ tiꞈ nah ngeh nah uˬ ciꞈ uˬ taw paw keuˆ ni, dehˬ tseˬ ahˇ-eu kaˬ muˇ maˬ dzaˬ ni naw maꞈ ya jawˇ meh.

Doˆ-iˇ 12:47

Iˇsaˬleˬlaˆ tsawˇ haˬ dawˬ tawˆ luꞈ, Bawˬ-iˬ heu hmˬ ya jahˇ meh.

Doˆ-iˇ 16:1

Iˇsaˬleˬlaˆ tsawˇ haˬ dawˬ tawˆ luꞈ Eˇleˬ-ahˇ neh doˆ-iˇ-euˬ meh. Aˬ yawꞈ maꞈ Iˇjiˇtuˆ miˇ kʼahˬ laꞈ kʼoeˇ neh doˆ le-euˬ ba la nyiˬ siˬ tiˬ siˬ tseˇ ngaˬ nah tiˬ nah byah laˇ ngeh, Eˇleˬ hawˇ-eu Siˇnaˆ gawˬ jawˬ yaw kaˬ-ahˇ jaˆ-eu Siˬ lehˇ kuˇ-eu jawˇ duˬ-ahˇ aˬ yawꞈ maꞈ oe keuˆ-euˬ meh.

Doˆ-iˇ 16:12

“Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ toˇ luꞈ-eu teˇ saˇ-ahˇ ngaˇ ya gaˬ-euˬ ma. Aˬ yawꞈ maꞈ dzaˬ-eu gʼaˇ duˬ shaˬ jiˇ-ahˇ, uˬ ciꞈ uˬ taw paw zahˇ moˬ zahˇ shehˬ shehˬ ngeh yamˬ-ahˇ maˬ ehˇ, aˬ yawꞈ maꞈ loˬ-eu kaˬ muˇ deuˬ-ahˇ uˬ shawˬ paw maˬ ehˇ, aˬ yawꞈ maꞈ za tehꞈ-a lehˇ ehˇ nehˬ-awˬ. Ngaˇ-aˬ, aˬ yawꞈ maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.”

Doˆ-iˇ 19:1

Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 29:39

Uˬ shawˬ paw tiˬ mawˇ hawˇ-eu, uˬ ciꞈ paw tiˬ mawˇ ya lawˇ meh.

Doˆ-iˇ 29:41

Yawˇ zaˬ yawˬ mawˇ yawˬ-ahˇ uˬ ciꞈ uˬ taw paw lawˇ-awˬ. Cehˇ meu, saˬ loˬ tsiˇ hawˇ-eu, aˬ gaꞈ dzaˇ uiˇ kʼawꞈ, uˬ shawˬ paw poˆ lawˇ ngeh loꞈ-ehˇ lawˇ ahˇ-awˬ. Kʼoeˇ-aˬ, Sahˬpaˬ Miˬyehˇ pyeuꞈ-eu ngaˬ-ahˇ lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ, ngaˇ nui ma tsaˬ-eu ma.

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Yeˬsaˬgeˬlaˇ 45:21

“Ba la yaw beh siˬ tseˇ oeˬ nah-ahˇ, Baˬsaˬkaˬ bawˬ-iˬ aˇ dahˬ ya beh meh. Shiꞈ nah keuˆ ni yawˬ gʼaˬ na luꞈ dehˬ tseˬ maˬ ahˇ-eu kaˬ muˇ ya dzaˬ meh.

Uˬ duˬ 23:5

Ba la yaw beh siˬ tseˇ oeˬ nah tiˬ nah uˬ ciꞈ paw nahˇ ma ga ahˇ-eu yamˬ-ahˇ, Sahˬpaˬ Miˬyehˇ-ahˇ taˬ huiˬ taˬ mahˇ-eu Baˬsaˬkaˬ Bawˬ-iˬ aˇ dahˬ beh-eu meh.

Bawˇtsahˬ 28:16

Ba la yaw beh siˬ tseˇ oeˬ nah-ahˇ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, Baˬsaˬkaˬ Bawˬ-iˬ ya gʼeh meh.

Bawˇtsahˬ 28:18

Bawˬ-iˬ aˇ dahˬ beh ngeh nah, naw maꞈ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh.

Bawˇtsahˬ 9:11

Nah tsaˬ tsoˆ taˬ-euˬ aˇ yamˬ-ahˇ ba la tiˬ siˬ nahˬ-ehˇ, ba la nyiˬ siˬ tiˬ siˬ tseˇ oeˬ nah uˬ ciꞈ uˬ taw paw aˬ yawꞈ maꞈ bawˬ-iˬ gʼeh nya meh. Yawˇ-euˬ shaˬ jiˇ nehˬ-ehˇ yaw kʼaˬ kʼaˬ-eu ka gʼawˬ ka dzaˇ aˬ yawꞈ maꞈ ya dzaˬ meh.

Maꞈtehˬ 27:20

Baˬlaˬbaˇ-ahˇ pyehˬ-awˇ Yeˬsuˇ-ahˇ sehꞈ ni sahˬ paˬ Piˇlaˆ-ahˇ shaˇ-eu gʼaˇ duˬ, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ neh tsawˇ haˬ aˇ maꞈ-ahˇ mehˬ gahˇ taˬ-euˬ meh.

Maꞈtehˬ 27:25

Kʼoeˇ ngeh, tsawˇ haˬ dawˬ tawˆ luꞈ ehˇ-eu, “Tsawˇ haˬ teu gʼaˬ-ahˇ sehꞈ-eu iˬ baˇ kʼoeˇ, nga maꞈ kʼoeˇ taˆ hawˇ-eu nga maꞈ-euˬ zaˬ deuˬ kʼoeˇ taˆ keuˆ le luꞈ-uˇ.”

Maˬkuˆ 15:1

Uˬ bya bya laˇ-euˬ nehˬ-ehˇ, piˇ ma aˬ yuiꞈ deuˬ, tsawˇ mawˬ tsawˇ kʼaˆ deuˬ, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu, Baꞈdzah aˇ muˇ-ahˇ kʼaˇ uˇ-eu tsawˇ haˬ dawˬ tawˆ luꞈ, yaw kawˇ-ehˇ tahˬ dzoeˇ-awˇ, mehˬ bawˬ mˇ-euˬ meh. Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ, sahˬ paˬ Piˇlaˆ jawˇ gaˇ bi tsahˇ ha-iˇ-euˬ meh.

Maˬkuˆ 15:11

Ehˇ kʼawꞈ, Baˬlaˬbaˇ-ahˇ bi pyehˬ ni sahˬ paˬ Piˇlaˆ-ahˇ shaˇ-eu gʼaˇ duˬ, tsawˇ haˬ aˇ maꞈ-ahˇ piˇ ma aˬ yuiꞈ deuˬ neh mehˬ gahˇ taˬ-euˬ meh.

Maˬkuˆ 15:25

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ ngeh, uˬ shawˬ paw naˬ liˬ gʼoeˬ laꞈ byah laˇ-euˬ meh.

Maˬkuˆ 15:8

Tsawˇ haˬ aˇ maꞈ uiˬ laˇ-awˇ, aˬ yawꞈ kʼoꞈ yawꞈ jahˇ luꞈ-eu loꞈ-ehˇ, tawˬ-ahˇ uˇ-eu tsawˇ haˬ tiˬ gʼaˬ pyehˬ doˆ nehˬ-eu gʼaˇ duˬ, sahˬ paˬ Piˇlaˆ-ahˇ shaˇ laˇ-euˬ meh.

Luˇkaꞈ 23:1

Kʼoeˇ naˇ, tsawˇ haˬ dawˬ tawˆ luꞈ baˬ maꞈ puˇ jeˬ-ehˇ tuˇ laˇ jiˇ-awˇ, Yeˬsuˇ-ahˇ sahˬ paˬ Piˇlaˆ jawˇ gaˇ sheuˬ gʼeh-euˬ meh.

Luˇkaꞈ 23:18

Tsawˇ haˬ aˇ maꞈ maꞈ lah-ehˇ guˇ-eu, “Aˬ yawꞈ-ahˇ sehꞈ-awˇ Baˬlaˬbaˇ-ahˇ pyehˬ doˆ nehˬ laꞈ-awˬ.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 3:14

Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

Yawˇshuˆ 5:10

Yeˬliˇkoˇ meuˬ dawˬ peh deh ga-ahˇ jaˆ-eu Giˇlaˇgaˬlaˇ-ahˇ Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ jawˇ naˬ luꞈ ngeh, ba la kʼoeˇ siˬ tseˇ oeˬ nah tiˬ nah uˬ ciꞈ uˬ taw paw Baˬsaˬkaˬ bawˬ-iˬ gʼeh-euˬ meh.