Doˆ-iˇ 12:51 - Akha

⁵¹ Kʼoeˇ ngeh nah laꞈ kʼoeˇ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ meh.

Doˆ-iˇ 12:51 ပူးပေါင်းရင်းမြစ်များ

Aˇ dahˬ 50:24

Aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ nehˬ-eu, “Ngaˇ ziˇ jiˇ le shaw-iˬ miˇ-a. Ehˇ kʼawꞈ, Miˬyehˇ naw maꞈ-ahˇ yaw muiˬ paˬ-ehˇ ngehˬ gʼeh dah teˬ nehˬ-eu laꞈ kʼoeˇ, miˇ kʼahˬ heu kʼahˬ laꞈ kʼoeˇ neh naw maꞈ-ahˇ sheuˬ doˆ gʼeh-awˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh saˇ jaˇ dzaˬ tsehˆ taˬ-euˬ miˇ kʼahˬ-ahˇ sheuˬ gʼeh nehˬ laꞈ tehꞈ-a” lehˇ ehˇ nehˬ-euˬ meh.

1 Sahˬpaˬ 6:1

Iˇsaˬleˬlaˆ tsawˇ jeuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ-euˬ oeˬ yaˇ yehꞈ tseˇ kʼoꞈ byah laˇ-awˇ, Sawˇlaˬmoˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ oeˬ kʼoꞈ byah ngeh kʼoꞈ, ba la nyiˬ siˬ tiˬ siˬ pyeuꞈ-eu Ziˇbaˆ ba la-ahˇ, Sawˇlaˬmoˬ Uˬ duˬ tahˬ nymˇ nymˇ ma tsoˆ dahˬ beh-euˬ meh.

2 Laˬsaˬbaˬ 14:12

Aˬsaˬ hawˇ-eu Yuˇdaˆ guiˇ maꞈ guiˇ deuˆ-iˇ ngeh, Suˬdaˬ guiˇ maꞈ-ahˇ Sahˬpaˬ Miˬyehˇ deuˆ gʼaˬ-awˇ, Suˬdaˬ tsawˇ haˬ deuˬ cehˆ byaˆ-euˬ meh.

Jaceuq 114:1

Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ-ahˇ neh doˆ laˇ ngeh, Yaˬkoˆ-euˬ zaˬ deuˬ uˆ deuˬ aˬ cawˬ miˇ kʼahˬ-ahˇ neh doˆ laˇ ngeh,

Jaceuq 136:11

Iˇsaˬleˬlaˆ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ aˬ yawꞈ sheuˬ doˆ laꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Doˆ-iˇ 12:41

Oeˬ yaˇ smˬ tseˇ kʼoꞈ byah laˇ ngeh nah, Sahˬpaˬ Miˬyehˇ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ neh doˆ-iˇ-euˬ meh.

Doˆ-iˇ 12:50

Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Iˇsaˬleˬlaˆ tsawˇ haˬ dawˬ tawˆ luꞈ naˇ haˬ-awˇ mˇ-euˬ meh.

Doˆ-iˇ 13:1

Moˇseˬ-ahˇ Sahˬpaˬ Miˬyehˇ ehˇ nehˬ-eu,

Doˆ-iˇ 16:1

Iˇsaˬleˬlaˆ tsawˇ haˬ dawˬ tawˆ luꞈ Eˇleˬ-ahˇ neh doˆ-iˇ-euˬ meh. Aˬ yawꞈ maꞈ Iˇjiˇtuˆ miˇ kʼahˬ laꞈ kʼoeˇ neh doˆ le-euˬ ba la nyiˬ siˬ tiˬ siˬ tseˇ ngaˬ nah tiˬ nah byah laˇ ngeh, Eˇleˬ hawˇ-eu Siˇnaˆ gawˬ jawˬ yaw kaˬ-ahˇ jaˆ-eu Siˬ lehˇ kuˇ-eu jawˇ duˬ-ahˇ aˬ yawꞈ maꞈ oe keuˆ-euˬ meh.

Doˆ-iˇ 19:1

Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Doˆ-iˇ 6:26

“Iˇsaˬleˬlaˆ tsawˇ jeuˬ tsawˇ ca dawˬ tawˆ luꞈ-ahˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-awˬ” lehˇ, Miˬyehˇ neh kʼehˇ-euˬ tsawˇ haˬ-aˬ, Moˇseˬ hawˇ-euˬ Aˬloˬ aˬ nyaꞈ nmˇ meh.

Doˆ-iˇ 6:6

Kʼoeˇ miˇ neh, ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Ngaˇ-aˬ, Sahˬpaˬ Miˬyehˇ ma. Iˇjiˇtuˆ tsawˇ haˬ deuˬ-euˬ laꞈ oˆ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ma. Baoˬ ahˇ-eu ngaˬ-euˬ aˬ laꞈ cawˬ doˆ-awˇ, aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ bi keuˆ le-eu laꞈ kʼoeˇ, naw maꞈ-ahˇ ngaˇ ka kʼoꞈ ma.

Doˆ-iˇ 7:4

Kʼoeˇ naˇ, kʼaˆ dui dui-eu kʼehˬ-eu kʼaˆ-eu jeˬ Iˇjiˇtuˆ miˇ kʼahˬ kʼoeˇ taˆ ngaˇ bi keuˆ le-awˇ, ngaˬ-euˬ tsawˇ jeuˬ tsawˇ ca deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh, ngaˇ sheuˬ doˆ gʼeh ma.

Uˬ duˬ 23:43

Kʼoeˇ loꞈ-ehˇ jawˇ-eu jeˬ-aˬ, Sahˬpaˬ Miˬyehˇ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ ngeh, sehˬ gʼawˆ laꞈ kʼoeˇ bi jawˇ-euˬ gaˇ, naw maꞈ-euˬ zaˬ deuˬ uˆ deuˬ bi siˬ nya-eu gʼaˇ duˬ jawˇ-eu jeˬ pyeuꞈ-eu meh. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Aˬmoˆ 2:10

Naw maꞈ-ahˇ ngaˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-awˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ sheuˬ sheuˬ-ehˇ cah-awˇ, Aˬmawˇliˆ tsawˇ jeuˬ-euˬ miˇ kʼahˬ naw maꞈ-ahˇ biꞈ-euˬ ma.

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.

Bawˇtsahˬ 23:22

Iˇjiˇtuˆ miˇ kʼahˬ laꞈ kʼoeˇ, Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Nehꞈ nyoˬ laꞈ hiˇ loꞈ-ehˇ, aˬ yawꞈ maꞈ gʼaˇ duˬ, aˬ yawꞈ guiˇ deuˆ-euˬ meh.

Bawˇtsahˬ 26:4

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, nyiˬ tseˇ kʼoꞈ-ahˇ neh laꞈ taˆ paw-euˬ tsawˇ haˬ deuˬ-ahˇ tsawˇ myahˇ yuˇ-awˬ lehˇ ehˇ nehˬ-euˬ meh. Heu deuˬ-aˬ, Iˇjiˇtuˆ miˇ kʼahˬ laꞈ kʼoeˇ neh doˆ le-euˬ Iˇsaˬleˬlaˆ tsawˇ haˬ deuˬ pyeuꞈ-eu meh.

Bawˇtsahˬ 33:1

Heu-aˬ, Moˇseˬ hawˇ-eu Aˬloˬ aˬ nyaꞈ Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sheuˬ doˆ laꞈ nehˬ-awˇ, aˬ yawꞈ maꞈ tiˬ gaˇ saˇ-iˬ tiˬ gaˇ jawˇ naˬ-euˬ jawˇ duˬ deuˬ-euˬ tsawˇ myahˇ pyeuꞈ-eu meh.

Gʼaˬkʼehˇ 13:17

Iˇsaˬleˬlaˆ tsawˇ jeuˬ-euˬ Miˬyehˇ-aˬ, aˬ dui-euˬ aˬ poeˬ aˬ bawˇ deuˬ-ahˇ tseˇ doˆ-awˇ, Iˇjiˇtuˆ miˇ kʼahˬ laꞈ kʼoeˇ boeˇ miˬ shiˬ kʼaˬ geuꞈ-awˇ ya dehꞈ luꞈ ngeh, huiˬ-eu tsawˇ jeuˬ bi pyeuꞈ laˇ-euˬ meh. Miˬyehˇ-aˬ, huiˬ dui dui-eu aˬ yawꞈ-euˬ baoˬ-ahˇ gʼoe-awˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ meh.

Dawˬmehˬ 16:1

“Aˬbiˇbaˬ ba la-ahˇ Baˬsaˬkaˬ Bawˬ-iˬ gʼeh-eu laꞈ kʼoeˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ taˬ huiˬ taˬ mahˇ-awˬ. Ba la kʼoeˇ siˬ uˬ ciꞈ tiˬ miˇ-ahˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ ka kʼoꞈ doˆ laꞈ-euˬ meh.

Dawˬmehˬ 4:37

Naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ gaˬ-eu miˇ neh, naw maꞈ-ahˇ aˬ yawꞈ tseˇ doˆ-awˇ, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ aˬ yawꞈ sheuˬ doˆ laꞈ-euˬ meh.

Yawˇshuˆ 24:5

Aˇ nah, Moˇseˬ hawˇ-eu Aˬloˬ-ahˇ ngaˇ pyehˬ gʼeh-awˇ, Iˇjiˇtuˆ miˇ kʼahˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ ma. Ehˇ kʼawꞈ, naw maꞈ-ahˇ ngaˇ sheuˬ doˆ laꞈ-euˬ ma.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.