Doˆ-iˇ 12:28 - Akha

²⁸ Kʼoeˇ naˇ, aˬ yawꞈ maꞈ iˇ-awˇ, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-euˬ meh.

Doˆ-iˇ 12:28 ပူးပေါင်းရင်းမြစ်များ

2 Saˬmeuˬlaˆ 5:25

Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Daˬbiˇ mˇ-awˇ, Piˇliˇtiˆ tsawˇ haˬ deuˬ-ahˇ, Geˬbaˬ meuˬ-ahˇ neh Geˬzeuˬ meuˬ-ahˇ keuˆ ni teh kʼoꞈ gʼeh-euˬ meh.

1 Sahˬpaˬ 17:5

Sahˬpaˬ Miˬyehˇ-euˬ ehˇ dawˬ-ahˇ Eˇliˇyaˆ naˇ haˬ-eu laꞈ kʼoeˇ, Sheˬyiˆ lawˇ gawˆ-ahˇ iˇ-awˇ jawˇ-euˬ meh.

Doˆ-iˇ 12:27

naw maꞈ heu loꞈ-ehˇ ya ehˇ mehˬ nehˬ tehꞈ-a. ‘Bawˬ-iˬ heu hmˬ-euˬ dawˬ tsuiꞈ-aˬ, Sahˬpaˬ Miˬyehˇ-ahˇ taˬ huiˬ taˬ mahˇ-eu laꞈ kʼoeˇ mˇ-eu buˬ-iˇ law-iˇ-eu lawˇ-eu shehˇ-eu jeˬ pyeuꞈ-eu meh. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ, Iˇsaˬleˬlaˆ tsawˇ haˬ deuˬ-euˬ nymˇ deuˬ-ahˇ Sahˬpaˬ Miˬyehˇ bi buˬ bi law-iˇ-euˬ meh. Iˇjiˇtuˆ tsawˇ haˬ deuˬ-ahˇ aˬ yawꞈ sehꞈ-awˇ, aˬ dui maꞈ-ahˇ bi law-iˇ nehꞈ laꞈ-euˬ meh’ lehˇ ya ehˇ mehˬ nehˬ tehꞈ-a.” Kʼoeˇ ngeh, Iˇsaˬleˬlaˆ tsawˇ haˬ deuˬ pawˬ tsuiꞈ pawˬ dmˬ dmˬ-awˇ, uˬ duˬ tahˬ-euˬ meh.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Doˆ-iˇ 12:35

Moˇseˬ hawˇ-eu Aˬloˬ neh ehˇ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ-aˬ, Iˇ jiˇ tuˆ tsawˇ haˬ deuˬ-ahˇ, pyuˇ myawˬ guˇ, shuiˇ myawˬ guˇ hawˇ-eu dm gʼaˬ dm lmˇ deuˬ shaˇ-euˬ meh.

Doˆ-iˇ 14:4

Aˬ yawꞈ-ahˇ ngaˇ nui ma bi gʼahˇ-awˇ, naw maꞈ-euˬ mehˬ nah bi caw teh ma. Sahˬ paˬ kʼoeˇ gʼaˬ hawˇ-eu aˬ yawꞈ-euˬ guiˇ maꞈ deuˬ-ahˇ ngaˇ guiˇ deuˆ gʼaˬ ngeh, aˬ cawˬ ngaˬ-ahˇ taˬ huiˬ taˬ mahˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ, Iˇjiˇtuˆ tsawˇ haˬ deuˬ ya siˬ tehꞈ-a.” Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Doˆ-iˇ 36:1

“Muiˬ-eu shawˇ-eu Sehˬ gʼawˆ tsoꞈ-eu gʼaˇ duˬ, loˬ-eu jeˬ dawˬ tawˆ luꞈ-ahˇ aˬ joˆ-ehˇ ya jahˇ-eu gaˇ kawˆ siˬ nya-eu, Sahˬpaˬ Miˬyehˇ neh noeˬ doˆ mˇ doˆ nya-eu tsawˇ gahˇ biꞈ taˬ-euˬ Baˬzeˬlaˇ, Oˬhoˬliˆ hawˇ-eu, laꞈ myawˬ laꞈ muˆ mˇ nya-eu tsawˇ haˬ dawˬ tawˆ luꞈ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ ya mˇ meh.”

Doˆ-iˇ 39:32

Aˇ saˬ saˬ laˇ ngeh, Sahˬpaˬ Miˬyehˇ jawˇ-eu sehˬ gʼawˆ-ahˇ taꞈ leˇ-eu gaˇ dawˬ tawˆ luꞈ mˇ gʼaˬ jiˇ-euˬ meh. Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ mˇ-euˬ meh.

Doˆ-iˇ 39:42

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ yawˬ jeˬ na luꞈ mˇ gʼaˬ-euˬ meh.

Doˆ-iˇ 39:43

Yawˬ jeˬ na luꞈ-ahˇ Moˇseˬ pyehˆ tseˇ haw ngeh, Sahˬpaˬ Miˬyehˇ neh dawˬ kʼaˇ biꞈ taˬ-eu loꞈ-ehˇ aˬ yawꞈ maꞈ mˇ gʼaˬ taˬ jiˇ-euˬ gaˇ ya mawˇ-euˬ meh. Kʼoeˇ naˇ, aˬ yawꞈ maꞈ-ahˇ Moˇseˬ dawˬ ngehˬ gʼeh nehˬ-euˬ meh.

Doˆ-iˇ 7:10

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ jawˇ gaˇ iˇ-awˇ, Sahˬpaˬ Miˬyehˇ neh dawˬ biꞈ-euˬ loꞈ-ehˇ mˇ-iˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ pyeh dzeh ngeh, gawˬ yoeˬ kʼoeˇ aˇ lawˇ pyeuꞈ-iˇ-euˬ meh.

Doˆ-iˇ 7:6

Sahˬpaˬ Miˬyehˇ aˬ yawꞈ nyaꞈ-ahˇ dawˬ biꞈ nehˬ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh.

Uˬ duˬ 24:23

Gaˇ kawˆ kʼoeˇ, Iˇsaˬleˬlaˆ tsawˇ haˬ deuˬ-ahˇ Moˇseˬ dzawˇ nehˬ gʼaˬ ngeh, aˬ yawꞈ maꞈ tsawˇ haˬ kʼoeˇ gʼaˬ-ahˇ pu laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-euˬ meh. Kʼoeˇ loꞈ-ehˇ, Sahˬpaˬ Miˬyehˇ neh Moˇseˬ-ahˇ kʼaˇ ehˇ nehˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ mˇ-euˬ meh.

Bawˇtsahˬ 1:54

Sahˬpaˬ Miˬyehˇ neh Moˇseˬ-ahˇ dawˬ kʼaˇ biꞈ nehˬ-euˬ jeˬ dawˬ tawˆ luꞈ-ahˇ Iˇsaˬleˬlaˆ tsawˇ haˬ deuˬ mˇ-euˬ meh.

Bawˇtsahˬ 31:31

Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ Moˇseˬ hawˇ-eu Eˇlaˬzaˬ aˬ nyaꞈ mˇ-euˬ meh.

Bawˇtsahˬ 31:41

Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Moˇseˬ-aˬ, kawˬ taꞈ za-euˬ kʼoeˇ deuˬ-ahˇ, Sahˬpaˬ Miˬyehˇ gʼaˇ duˬ yaw zawˇ muiˬ-eu damˬ-eu jeˬ loꞈ-ehˇ Eˇlaˬzaˬ-ahˇ biꞈ-euˬ meh.

Bawˇtsahˬ 31:47

Iˇsaˬleˬlaˆ tsawˇ haˬ aˇ maꞈ aˇ muˇ deuˬ-ahˇ oꞈ-eu shaˬ bymˇ kʼoeˇ bymˇ laꞈ kʼoeˇ, tsawˇ haˬ ngaˬ heˇ gʼaˬ-euˬ tiˬ gʼaˬ maˬ ehˇ, jeˬ zaˬ ngaˬ tseˇ mawˇ-euˬ tiˬ mawˇ maˬ ehˇ, Moˇseˬ yuˇ doˆ-awˇ, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ nehˬ-euˬ meh.

Bawˇtsahˬ 5:4

Moˇseˬ-ahˇ Sahˬpaˬ Miˬyehˇ neh mehˬ nehˬ tsoˆ nehˬ-euˬ jeˬ-ahˇ Iˇsaˬleˬlaˆ tsawˇ haˬ deuˬ naˇ haˬ geuꞈ-awˇ, tsawˇ haˬ kʼoeˇ deuˬ-ahˇ pu laꞈ nyiˇ teh dzeh-euˬ meh.

Dawˬmehˬ 34:9

Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

HeˬByehˇ 11:28

Baˬsaˬkaˬ Bawˬ-iˬ gʼeh-awˇ Iˇsaˬleˬlaˆ tsawˇ haˬ deuˬ-euˬ dehꞈ beh beh le-euˬ aˬ li deuˬ-ahˇ Shiˇ-eu jeˬ-euˬ Mˬ taˆ gʼaˬ kʼehˇ neh maˬ bi sehꞈ-eu gʼaˇ duˬ, aˬ yawꞈ dawˬ biꞈ-awˇ laˇ gʼoˆ-ahˇ shiˬ bi byaˆ shehˬ-euˬ kʼoeˇ-aˬ, jah-eu jeˬ baˬ da neh meh.

Yawˇshuˆ 14:5

Moˇseˬ-ahˇ Sahˬpaˬ Miˬyehˇ dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ miˇ kʼahˬ biˇ geuꞈ-euˬ meh.

Yawˇshuˆ 2:21

Aˬ yawꞈ nyaꞈ-euˬ dawˬ-ahˇ aˬ yawꞈ nui ma tsaˬ-awˇ, aˬ yawꞈ nyaꞈ-ahˇ bi doˆ-iˇ-euˬ meh. Aˬ yawꞈ doˆ-iˇ gʼaˬ ngeh, laˆ gʼoˆ gʼoˆ zaˬ kʼoeˇ gʼoˆ-ahˇ aˬ yawꞈ aˇ caˆ caˆ neˇ paꞈ-euˬ meh.

Yawˇshuˆ 4:8

Yawˇshuˆ neh dawˬ biꞈ nehˬ-euˬ loꞈ-ehˇ, tsawˇ haˬ kʼoeˇ deuˬ mˇ-euˬ meh. Sahˬpaˬ Miˬyehˇ neh Yawˇshuˆ-ahˇ dawˬ biꞈ nehˬ-euˬ loꞈ-ehˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ, Yawˇdaˬ lawˇ baˬ gʼahˇ ceh jaˆ-eu kʼaˬ lo tseˇ nyiꞈ siˬ aˬ yawꞈ maꞈ baꞈ gʼeh-awˇ, sehˬ gʼawˆ gʼawˆ-awˇ jawˇ naˬ-euˬ jawˇ duˬ-ahˇ baꞈ taˬ-euˬ meh.